2 TAWARIKH 28:23 - KITAB NU TUMPU ALLA LELE MA'IMAI'

²³ Ia nosi silakaimo butongnyo ka' miannyo kalana nonsombahkonmo koloban hi to pilo-pilogot nu aha mian Siria anu nompatundu'mo ia. Ia binapikin, “To pilo-pilogot nu Siria nontulungimo to tomu-tomundo' nu Siria, jadi de aku nonsombahkon koloban hi aha, tantu nutulungimo nu aha na aku.”

2 TAWARIKH 28:23 ပူးပေါင်းရင်းမြစ်များ

2 TAWARIKH 25:14

Salatan nompatundu'mo suludadu nu Edom, i Amazia ninsusule'mo nomboamo to pato-patong nu pilogot nu Edom ka' pino'una'mo nu aha i Yehuda lantas ia nompapuimo kamangian sinombahkonnyo hi patong haha aijo'.

YESAYA 1:28

Panyo aha to mia-mian anu baladosa' anu saja' motomuhuk hi Ia na opateimo ahi'.

YESAYA 45:20

Tumpu notatae, “Sihukmo ka' tokamo mae hingga-hinggat, belemiu iwi-iwi' anu madi' pinatean nu to bansa-bansa! Ponga' ahi' na to mia-mian anu molondakon patong kau' ka' balado'amo hi to pilo-pilogot anu madi' moko ala momposalamat.

YEREMIA 10:5

Patong pilogot haha aijo' sumo mian na lupanyo anu opo una' i ale' nu kantimun. Aha madi' moko ala motatae, madi' moko ala tololangkas, ka' tionyo ahi' ohangkat. Boli okabuhuk na aha kalana aha madi' moko ala mombau anu ma'idek hi belemiu; ka' mule' mombau anu ma'ima madi' ahi' nu poko ala nu aha.”

YEREMIA 2:25

O Israel bolimo daagi' beleyum mopadeka' lewa' mololoi' pilogot ka' bolimo daagi' lewa' moloboo' molaga aha, dumo ahi' tengke nu beleyum belaon ka' mule' onyopan nu beleyum motismo kalana megotmo. ‘Madi'mo, aku madi'mo bisa minsusule',’ sumo aijo' na tinaloakon nu beleyum, ‘kalana aku nongka'ima'imo pilogot ka' kahanda'mo ahi' mombatuki aha!’ ”

HOSEA 13:9

Ku hansunimo na belemiu bansa Israel! Ka' ihemo ahi' na moko ala montulungi belemiu?

HOSEA 2:7

Ia mololoi'mo to sindu-sindua'annyo, panyo madi' nusampa na aha. Ia molio aha, panyo ia madi' nompahakabot aha. Lantas ia notatae, ‘Aku minsusule'mo hi langkai'ku anu momona; u'utu mae lebe ma'ima' na ka'ada'anku tiba sinaa uuka.’

HABAKUK 1:11

Lantas sumo pinuhakon nu mombuun nambamo na mian haha aijo' anu monganggap kahosonan nu aha pokakanamo sumo pilogot nu aha.”