2 TAWARIKH 28:22 - KITAB NU TUMPU ALLA LELE MA'IMAI'

²² I uno nu han anu talalomo hondo sinusa' aijo', i Ahas ola mule' ahi' nompaka baladosa'mo hi Tumpu.

2 TAWARIKH 28:22 ပူးပေါင်းရင်းမြစ်များ

1 TOMU-TOMUNDO' 13:33

I Tomundo' Yerobeam sabole-bole madi' mongka'oho' mombabali'i kalakuannyo anu ma'idek aijo'. Anu mongkalesang iwi-iwi' na tampat ponsomban anu binaunyomo aijo', ia sabole-bole mompile'i mian anu bau imam hi aha sa'anakan mae anu misa' lee' mae nu imam. Maumo pa'ihe asan ia mongka'oho', nuhangkatmo bau imam.

2 TAWARIKH 33:12

Tempo'nyo ia nonta'upmo kasansalan aijo', ia nongakuimo kasala'annyo hi Tumpu Allah-nyo ka' ia binalado'amo nongkakaasemo da otulungi na ia.

ESTER 7:6

Tinaaman i Ester, “I Haman anu ma'i-ma'idek na kalakuannyo aitu, aiyamo ia na sampobali' ka' anu monsakisamo kami!” Tinonto'anmo i Haman na i tomundo ka' bengkele'nyo ka'nabuhukmo.

MAZMUR 50:15

Pongkakase mae hi Beleng-Ku de nu tokaimo nu kasusa'an, Aku mompobebasmo belemiu, ka' opuji'mo nu belemiu na Aku.”

MAZMUR 52:7

Panyo beleyum nu silakaimo nu Tumpu sampe toka sidu-sidutu'; beleyum ohakopmo ka' ohela'mo lengkat atina' mae ilaigan nu beleyum, ka' o'alinimo da madi'mo jojoong idunia nu mian anu tumuu'.

YESAYA 1:5

Kadaka' belemiu me saja' monggagakon? Mongka'oho' na belemiu da o hukum nu anu lebe talalo maboat hondo? Ubak nu beleyum sinongkomo nu kumahut anu minana' ka' mabusik, ma'idekanmo na kinyonyoa nu beleyum ka' pikilan nu beleyum.

YEREMIA 5:3

Anu sahondo-hondonyo ahi' nu tuntut nu Tumpu aijo'mo tulu-tulutan. Tumpu nondokemo belemiu panyo madi' ahi' opajuli nu belemiu. Ia nohansunimo belemiu panyo belemiu madi' mongka'oho' opokinde'i. Belemiu panggaga hondo ka' madi' mongka'oho' balatobat mompala'i dosa-dosa' nu belemiu.

YEHEZKIEL 21:13

kalana Aku hau-haunyomo monguji' mian anu palesayamo hi beleng-Ku, de aha madi' mongka'oho' mompoko ima'i kalakuan nu aha saba' iwi-iwi' aijo' jadimo ahi' hi aha'.’

HOSEA 5:15

Mian-Ku anu palesayamo Ku pala'imo sampe aha talalomo hondo sansala kalana iwi-iwi' na dosa'nu aha lantas aha molioje Aku. Ku gantang i unoje nu kasusa'an nu aha, aha pagalaje molio Aku.”