2 TAWARIKH 28:21 - KITAB NU TUMPU ALLA LELE MA'IMAI'

²¹ Ingalamo i Ahas na mosoni' anu i Laigan nu Tumpu, anu i laigan nu tomundo, ka' i laigan nu to pola-polaya' nu mian da'isan, lantas binee'nyomo hi tomundo Asyur, panyo aijo' mule' madi' ahi' kinogunanyo hi ia.

2 TAWARIKH 28:21 ပူးပေါင်းရင်းမြစ်များ

2 TAWARIKH 12:9

Sahingga tinokamo na i Tomundo Sisak nontumbuhi kota Yerusalem ka' nompahuhuakonmo to bala-balang anu mahan na olinyo anu kiijo' i Laigan nu Tumpu ka' anu kiijo' i laigan nu tomundo, ka' suele iwi-iwi' na kanta mosoni' anu binau i Tomundo Salomo.

2 TAWARIKH 16:2

Jadi i Tomundo Asa nongalamo mosoni' ka' salaka anu kiijo' pino una' i Laigan nu Tumpu ka' i laigan nu tomundo, lantas pinakatunyomo binoa i Damsyik hi Benhadad tomundo nu Siria ka' pinotunnyomo sumo uuka,

AMSAL 20:25

Maisa pe'e monjanji monsombahkon koloban hi Tumpu opikin mo ahi ima'-ima'. Da boli beleyum mompele-pele' imihinyo mae.

AMSAL 25:19

Mompalesaya mian anu uesan i tempo' nu kasusa'an sumomo monyaing nu bese' anu ginanggohanmo ka' lumajang nu tengke anu pinengko'mo.

YEREMIA 2:36

Malia' hondo na belemiu mamba hi to pilo-pilogot nu bansa sangga'at momoita tulung! Belemiu saidi' mae mompele-pele'je hi Mesir, susumo belemiu nompele-pelemo hi Asyur.

HOSEA 5:13

Bansa Israel tiba bansa Yehuda sininsumbu'mo i kalakuan nu aha anu ma'i-ma'idek aijo' sahingga Israel nambamo i Asyur momoita bantuan hi tomundo' anu talasanggo. Panyo tomundo' aijo' madi' noko ala nontulungi kabai nompoko ima'i palabuatan nu aha.