2 TAWARIKH 28:19 - KITAB NU TUMPU ALLA LELE MA'IMAI'

¹⁹ Kalana tomundo nu Yehuda i Ahas nohikumo Tumpu, ka' madi'mo nompalentah mian da'isan susumo anu pantas ahi' nu bau, sahingga Tumpu nompotokamo mae kakuasa'an i Yehuda.

2 TAWARIKH 28:19 ပူးပေါင်းရင်းမြစ်များ

KAJADIAN 3:11

“Ihe na nompoto'i hi beleyum tukoonyo beleyum langgo'?” Pinokilawa nu Tumpu Allah. “Pa' kinaanmo nu beleyum na bua' nu kau' anu tine-tinewa'-Kumo, boli okaan na aijo'?”

KAJADIAN 3:7

Noko kaan bua' nu kau' aijo' balomo pikilan nu aha tinabuka', ka' sinumbu'mo nu aha taalu' aha langgo-langgo'. Kalana aijo' butong nu aha kinukubanmo nu aha nu hon nu kau' ara anu sinomotanmo nu aha.

1 TOMU-TOMUNDO' 14:16

Nu pala'imo nu Tumpu na Israel kalana i Yerobeam binaladosa'mo sahingga nonsaduakonmo suele Israel binaladosa'mo.”

1 TOMU-TOMUNDO' 18:18

“Misa' aku na monsaduakon da saja' painggaga,” na koonyo i Elia, “panyo posi belento Tomundo'. Belento Tomundo' tiba sa'anakan nu belento Tomundo' na monsaduakon sahingga saja' painggaga. Kalana nonsombahmo pilogot nu Baal haha aijo' belento Tomundo' nolanggaimo iwi-iwi' na palentah nu Tumpu.

2 TAWARIKH 21:2

I Yehoram anak mo'ane i Yosafat, tomundo nu aha Yehuda, ko utusnyo to momo'ane: i Azarya, i Yehiel, i Zakharia, i Azariahu, i Mikhael, tiba i Sefaca.

2 TAWARIKH 28:1

I Ahas tinimbalimo tomundo tempo'nyo aitu umunnyo 20 mo na taun, ka' ia nompalentahmo i Yerusalem 16 na taun na kinopinnyo. Ia madi' montiho' sonto' anu ma'ima' hi Tomundo Daud, mompolee'nyo mae, panyo nombaumo anu madi' momposanang kinyonyoa nu Tumpu.

2 TAWARIKH 28:4

I Ahas nonsombahkonmo koloban ka' nompapui kamangian i tampat anu lewa' ponsombaan pilogot aita' mae i to bungku-bungkutnyo ka' i patu nu to kau-kau' anu toto' tambo-tambok na honnyo.

2 TAWARIKH 33:9

I Manasye nonsaduakonmo mian da'isan nu Yehuda sahingga nombaumo iwi-iwi na dosa' anu lebe ma'idek nolingkuduimo dosa' anu binaumo nu to bansa-bansa anu i laa'mo nu Tumpu nompala'i Kana'an tempo'nyo mian anu pinalesayamo hi Tumpu nompinsoopimo lipu' aijo'.

AYUB 40:12

Yo, soba jonohi na aha mian anu saja' buulon, hungku'imo na ia! Pateimo na mian anu ma'idek na kinyonyoa kiijo' i kajojoongannyo.

NOSABATMO 32:25

Sinumbu'mo i Musa taalu' i Harun nompojohokmo bansa Israel susumo ajahan nolapasmo i uno nu pangkunnyo, sahingga aha tinimbalimo anu saja' okokojoi nu sampobali' nu aha.

AMSAL 14:34

Kaadilan ka' kanonongan mohangkat sanggo ma'ima' nu bansa; panyo dosa' monsaduakon bansa timbali ma'ambang.

AMSAL 29:23

Mian anu takabun saidi mae madi'mo o'adati mian anu madi' takabun saidi mae o puji'mo.

HOSEA 5:11

Israel osakisamo; ia madi'mo ko hak hi tano' nu aha, kalana ia talalomo ahi' nomoita tulung hi aha anu madi' moko ala montulungi ia.

IMAMAT 5:19

Aijo'mo na koloban bau polugi'i kalana kasala'an anu binaunyomo hi Tumpu.

MIKHA 6:16

Iwi-iwi' aijo' jadimo saidi' mae kalana belemiu nontulutimo palabuatan anu toto ide-idek hi Tomundo' Omri, tiba anaknyo aijo'mo i Tomundo' Ahab. Belemiu nontulutimo sipa-sipat nu aha. Kalana aijo' Ku hansunimo na belemiu, ka' belemiu lewa'mo opobau-bau ka' mule' lewa'mo o'alu nu iwi-iwi na bansa.”

PO'ULE' INGULIT 28:43

Mian anu lengkat mae i salipu'an anu jojoong i lipu' nu belemiu lebemo mongkuasai, padahan kuasa nu belemiu na ko madi'-madi'nyomo.

ANU PINOTO'I HI YOHANES 16:15

“Potombihing mae! Aku toka mae sumo anu montomang! Mohumpak ka'ima'an na mian anu tataap mosadia ka' monjaga baju'nyo, sahingga ia madi' langgo' na lumajang, ka' ma'ambangmo i ahop nu mian da'isan!”

1 SAMUEL 2:7

Daagi ko mian anu pinokasiasiNyomo hondo, daagi mule' ko anu pinotimbaliNyomo da kinayamo. Daagi ko mian anu tinau'akonNyomo daagi mule ko mian anu ihangkatNyomo mata-matangkas.