2 TAWARIKH 28:13 - KITAB NU TUMPU ALLA LELE MA'IMAI'

¹³ Koonyo nu aha, “Boli oboa mae na to mia-mian anu i hakopmo aijo'! Kita binaladosa'mo hi Tumpu, ka' dosa' to haha aijo' talalomo hondo nanjoo' pantasmo na o hukum. Aiya belemiu mombaumo mule' sa'angu' na han anu ola mompaka tuangi kasala'anto.”

2 TAWARIKH 28:13 ပူးပေါင်းရင်းမြစ်များ

ROMA 2:5

Panyo komiu panggaga hondo, madi' mongka'oho' mombabaali'i. Kalana aijo' posi komiu na nombau hukuman miu mompaka maboat i Sinaa Kakiamatan, de Tumpu mompotoamo tambuha'nyo, ka' monabu'akonmo hukuman anu adin.

MATIUS 23:35

Kalana aijo' komiu o hukum, kalana nompateimo mian iwi-iwi' anu madi' ko sala'nyo – lengkat pe'e nompatei i Habel anu madi' ko sala'nyo, tinoka i pinompateian i Zakharia anak i Berikia, anu pinatean miu i olot nu Laigan nu Tumpu, ka' i tampat ponsombahkonan.

MATIUS 23:32

De sumo aitu janjulakonmo ka' baumo na to dosa-dosa' anu tinampu'unanmo nu mompolee' miu aijo'!

NOMBILANGMO 32:14

Ka' uuka aiya belemiu moto idekmo mule' susumo to tutuuma nu belemiu! Belemiu memang gombuan nu to mia-mian anu baladosa' anu nonsaduakonmo Tumpu po'ule'mo nontambuha'i Bansa Israel!

2 TAWARIKH 28:12

Aha opat na to mia-mian pande nu aha Israel, aijo'mo i Azarya, anak i Yohanan, i Berekya anak i Mesilemot, i Yehizkia anak i Salum, tiba i Amasa anak i Hadlai, suele madi' situju i apaa na anu binaumo nu suludadu anu ninsusule'mo mae aijo'.

2 TAWARIKH 28:14

Sahingga mian anu i hakop mae haha aijo' binoamo nu suludadu haha aijo' ka' mule' to bala-balang anu pinahuhuakon mae nu aha binoamo hi mian da'isan ka' hi to kapa-kapala nu aha.

YOSUA 22:15

Sahingga tinokamo na aha kiijo' i kajojoongan nu tulunan nu bansa Ruben, Gad tiba tulunan nu bansa Manasye i da'erah Gilead.

2 TAWARIKH 24:18

Sahingga mian da'isan madi'mo nonsombah Tumpu i Laigan nu Tumpu, Tumpu Allah mompolee' nu aha, panyo nonsombahmo pilogot ka' to pato-patong Pilogot boune Asyera. Dosa' nu aha aijo' nonsaduakonmo da Yoyada ka' Yerusalem tinambuha'anmo nu Tumpu.