2 TAWARIKH 28:12 - KITAB NU TUMPU ALLA LELE MA'IMAI'

¹² Aha opat na to mia-mian pande nu aha Israel, aijo'mo i Azarya, anak i Yohanan, i Berekya anak i Mesilemot, i Yehizkia anak i Salum, tiba i Amasa anak i Hadlai, suele madi' situju i apaa na anu binaumo nu suludadu anu ninsusule'mo mae aijo'.

2 TAWARIKH 28:12 ပူးပေါင်းရင်းမြစ်များ

1 TAWARIKH 28:1

I Tomundo' Daud nompalentahmo da iwi-iwi' na to pola-polaya' nu aha Israel sihuk i Yerusalem. Jadi to kapa-kapala nu toto sa'angu' mae na tulunan nu bansa anu montoongi pangkat kapalentahan, to kapa-kapala nu aha sa'anakan mae, to mia-mian anu montoa ka' mompalesa halata' ka' potuu'on i tomundo' ka' montoa to ana-anaknyo anu toto momo'ane – osaingkodo-kodo'imo to mia-mian daka' anu ko pangkatnyo i laigan nu tomundo', to sulu-suludadu anu toto tangka-tangkas na pangkatnyo, ka' to mia-mian anu o'angga'i, iwi-iwi' sinihukmo i Yerusalem.

2 TAWARIKH 28:11

Potombihing mae! To mia-mian anu i hakopmo mae aiya, to utu-utus nu belemiu. Jadi saimo na aha minsusule'. De madi' nutambuha'imo nu Tumpu ka' nu hukumo na belemiu.”

2 TAWARIKH 28:13

Koonyo nu aha, “Boli oboa mae na to mia-mian anu i hakopmo aijo'! Kita binaladosa'mo hi Tumpu, ka' dosa' to haha aijo' talalomo hondo nanjoo' pantasmo na o hukum. Aiya belemiu mombaumo mule' sa'angu' na han anu ola mompaka tuangi kasala'anto.”

2 TAWARIKH 28:15

Lantas aha opat na to mia-mian pande haha aijo' nongulusmo anu i hakopmo mae aijo'. Pinaha bagi-bagianmo nu aha baju' anu pinahuhuakon mae nu aha aijo' hi to mia-mian anu i hakop mae aijo', iya na anu palalu mohumpak bagi. Ka' mule' aha pinaha bagi-bagian sapatu, anu o kaan, ka' anu o inum. To mia-mian anu binelaonmo pinakuli'an nu lanya' zaitun. Anu madi'mo moko ala lumajang pinosake' i keledai lantas iwi-iwi' na mian anu i hakop aijo' binoamo i Yerikho, kota anu manjoo' hondo na kau' kurma, da moko ala minsusule' i kampung nu aha Yehuda. Lapas aijo' mian nu Israel ninsusule'mo i Samaria.

YEREMIA 26:6

Panyo de belemiu tataap panggaga, laigan anu bau ponsomban aiya Ku pojadimo susumo Silo, sahingga sinin na bansa idunia aiya mompakemo sanggo nu kota' Yerusalem aiya salaku bau pongkutuki.”