2 TAWARIKH 28:1 - KITAB NU TUMPU ALLA LELE MA'IMAI'

¹ I Ahas tinimbalimo tomundo tempo'nyo aitu umunnyo 20 mo na taun, ka' ia nompalentahmo i Yerusalem 16 na taun na kinopinnyo. Ia madi' montiho' sonto' anu ma'ima' hi Tomundo Daud, mompolee'nyo mae, panyo nombaumo anu madi' momposanang kinyonyoa nu Tumpu.

2 TAWARIKH 28:1 ပူးပေါင်းရင်းမြစ်များ

2 TAWARIKH 17:3

Tumpu nombalakatimo i Yosafat kalana apaa na anu binaumo nu tuumanyo aijo'mo na binaunyo; ia madi' monsombah Baal,

2 TAWARIKH 27:2

I Yotam saja' momposanang kinyonyoa nu Tumpu susumo i Uzia tuumanyo. Ola ia madi' nompapui kamangian i Laigan nu Tumpu, susumo anu binaumo nu tuumanyo. Panyo maumo sumo aijo' mian da'isan na saja ahi' mombau dosa'.

2 TAWARIKH 27:9

Ia sinilakamo ka' i lamunmo i Kota' Daud, lantas i Ahasmo anaknyo momo' ane na binau tomundo nombolosakon ia.

2 TAWARIKH 28:19

Kalana tomundo nu Yehuda i Ahas nohikumo Tumpu, ka' madi'mo nompalentah mian da'isan susumo anu pantas ahi' nu bau, sahingga Tumpu nompotokamo mae kakuasa'an i Yehuda.

2 TAWARIKH 29:2

I Hizkia saja' nombau anu momposanang kinyonyoa nu Tumpu susumo i Tomundo Daud mompolee'nyo.

YESAYA 1:1

Kitab aiya isinyo to potu-potunon toka i Yehuda ka' Yerusalem anu pinonyata'mo nu Tumpu hi Yesaya anak i Amos tempo'nyo i Uzia, Yotam, Ahas ka' Hizkia nompalentah Yehuda.

HOSEA 1:1

Aiyamo na potuunon anu binee' nu Tumpu hi Hosea anak i Beeri tempo'nyo kalaja'an Yehuda pinalentah i Tomundo i Uzia, i Yotam, i Ahas, ka' i Hizkia, ka' kalaja'an Israel pinalentah i Yerubeam anak i Yoas.

MIKHA 1:1

Pinolengkatan mae i Mikha i sa'angu' na kota' anu ise' sanggonyo Moresyet. Tempo'nyo lipu' nu Yehuda pinalentahmo nobolo-bolosan na Tomundo' aijo'mo i tomundo' Yotam, i Ahas, tiba i Hizkia. I Mikha nohumpakmo potuunon hi Tumpu mongkona Samaria tiba Yerusalem.