2 TAWARIKH 26:6 - KITAB NU TUMPU ALLA LELE MA'IMAI'

⁶ I Uzia nahampate nongewa mian nu aha Filistin. I hobo'akonnyo na pagan mesen iwi-iwi' nu kota Gat, Yabne, ka' Asdod ka' nombaumo to kota-kota' anu binentengan koko Asdod ka' da'erah sangga'at i Filistin.

2 TAWARIKH 26:6 ပူးပေါင်းရင်းမြစ်များ

2 SAMUEL 8:1

Madi' pinin ilapas na aijo' i Tomundo' Daud nontumbuhimo mule' mian nu Filistin. Pinatundu'nyomo na aha ka' ingalanyomo na tano' nu aha.

1 TAWARIKH 18:1

Madi' pinin lapas aijo' i Tomundo' Daud nontumbuhimo ka' nompatundu'mo mian nu Filistin ka' nongalamo kota' Gad tiba to kampu-kampungnyo.

2 TAWARIKH 11:8

Gat, Mares, Zif,

2 TAWARIKH 21:16

Tempo'nyo aitu daagi' ko mian nu Filistin ka' mian nu Arab anu jinojoongmo koko kampung kajojoongan nu mian Sudan i da'erah biwi nu ambai. Tumpu nompotimbalimo kinyonyoa nu mian haha aijo' da mompahampateakonmo i Yehoram.

YESAYA 14:29

O, belemiu bansa Filistin, amangkun anu pinake pinompan belemiu nopato'mo. Panyo boli beleyum lame' kalana de sa'angu na ulo matemo, saba ulo anu sangga'at mule' tokamo mae mombolosakon ka' lebe ma'idek mule' na pombaunyo ka' nggalau' nu ulo ai-aijo' mimoso'mo naga' anu mimpolipik.

YESAYA 20:1

I Sargon tomundo' nu aha Asyur nompalentahmo da talenga' nu tomundo' Asyur montumbuhimo Asdod, sa'angu' na kota' nu aha Filistin.

AMOS 1:8

Mian anu jojoong ka' mongkuasai kota' Asdod ka' Askelon Ku alinimo. Kota' Ekron Ku hukumo ka' iwi-iwi' na tuha'nyo nu mian Filistin Ku hopu'imo.”

AMOS 6:2

Lako' mae toa kiijo' i Kalne lantas lajangmo ahi lau-laus mokiijo' i kota' Hamat anu daka' aijo', lapas aitu mokiijo'mo i kota' Gat i Filistin. Ponsangka nu belemiu kota' haha aijo' lebe ma'ima' molingkudui kalaja'an Yehuda tiba Israel? Apaa daerah nu aha lebe daka' molingkudui daerah nu belemiu?

YOSUA 15:11

Lengkat mae i Timna potempasan aijo' nambamo nokiijo' nompanjolongimo sasu utara Bungkutnyo nu Ekron, lantas noselemo nokiijo'mo nongahopimo Sikron, monsahak Bungkutnyo nu Baala i lau-laus mokiijo'mo i Yabneel, lantas puusnyo i ambai anu i Totonga'nyo,

YOSUA 15:47

Sumo aitu mule' na Asdod ka' Gaza tiba kota-kota anu toto ise-ise' ka' kampu-kampungnyo anu sinongkomo toka-tokamo koko panga'nyo nu uee i potempasan tiba Mesir ka' biwi nu bone' i Ambai anu i Totonga'nyo.

1 SAMUEL 5:1

Salatan ingagoanmo nu aha mian Filistin na Peti' Palajanjian nu Tumpu Allah, lantas binoamo nu aha lengkat mae i Eben-Heizer namba i kota Asdod.

1 SAMUEL 5:6

Lapas aijo' Tumpu nohukummo mian anu jojoong i Asdod tiba daerahnyo iwi-iwi', butong nu aha singkapmo binisulon.