Tempo'nyo aitu umunnyo 16 na taun ka' nompalentahmo i Yerusalem 52 na taun na kinopinnyo. Tinanyo sanggonyo i Yekholya, boune nu aha mian nu Yerusalem.
I Zakharia na saja' mompokinde'i de mongkona hahan agama. Tempo'nyo i Zakharia daagi' tutuu'. I Uzia daagi' saja' tulu-tulutan monsombah Tumpu, sahingga daagi' saja' nubalakati nu Tumpu.
I Yotam saja' momposanang kinyonyoa nu Tumpu susumo i Uzia tuumanyo. Ola ia madi' nompapui kamangian i Laigan nu Tumpu, susumo anu binaumo nu tuumanyo. Panyo maumo sumo aijo' mian da'isan na saja ahi' mombau dosa'.