2 TAWARIKH 26:18 - KITAB NU TUMPU ALLA LELE MA'IMAI'

¹⁸ ka' nontewamo apaa na anu binaunyomo aijo'. Aha notatae, “Kita Mian daka' Anu Tala sanggo! Kita Tomundo madi' ko hak mompapui kamangian osombahkon hi Tumpu. Aijo' kalaja nu to ima-imam lee' mae i Harun. Kalana ola ahi aha na samata-mata mombau kalaja aijo'. Pala'i na tampat aiya Tomundo kalana tampat aiya susi'! Kita Tomundo madi'mo mohongo-hongo Tumpu Allah, ka' madi'mo mae nusitujui nu Tumpu.”

2 TAWARIKH 26:18 ပူးပေါင်းရင်းမြစ်များ

2 TAWARIKH 19:2

samian na nabi sanggonyo i Yehu anak i Hanani tinokamo mae nangadap hi Tomundo. Koonyo nu nabi ai-aijo' hi ia, “Madi' minsoop i akan na belento Tomundo montulungi mian ma'idek ka' monsangaja'i mule' mian anu mongka'ideki Tumpu? Apaa na anu binaumo nu belento Tomundo, aijo' non saduakonmo i Tomundo tinambuha'anmo nu Tumpu.

2 TAWARIKH 30:7

Boli sumo mompolee' nu belemiu ka' to mia-mian nu Israel sangga'at anu madi'mo tulu-tulutan hi Tumpu Allah nu aha. Pinosi toamo nu belemiu mosia na koboatnyo na Ia nohukumo aha.

NOSABATMO 28:1

“Laga na i Harun utus tu'a nu beleyum tiba to ana-anaknyo i Nadab, i Abihu, i Eleazar ka' i Itamar, ka' poto'i hi aha da aha mokalaja samata-mata montuluti anu Ku atun salaku imam.

YEREMIA 13:18

Tumpu notataemo mae hi belengku, “Palentah na i tomundo' tiba bengkele'nyo da mintatau'mo mae ikadelanyo, kalana makota'nyo anu ma'ima' aijo' nanabu'mo mae madi'mo ko anu atina' i ubak nyo.

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

NOMBILANGMO 18:7

Panyo ola beleyum tiba to ana-anak nu beleyum na timbali mombau pakalaja'an salaku imam, i pakalaja'an iwi-iwi' anu ko tuusanannyo tiba mezbah ka' apaa na anu kiijo' i Salipi' anu Susi' hondo. Aijo' na anu tionyo ahi' nu bau, kalana Aku nombee'imo belemiu pangkat salaku imam. Batu-batu mian anu madi' ko hak aijo' o hukum mate de mongohanimo balang haha aijo' anu susi' hondo aijo'.”

NOMBILANGMO 3:10

Panyo i Harun ka' to ana-anaknyo tionyo ahi' nu hangkat da mokalaja salaku imam; de misa' aha, maumo pa' ihe na anu monsoba mokalaja aijo' tionyo ahi' o hukumo mate.”

MATIUS 10:18

Komiu tionyo oboa i ahop nu anu batu-batu ko kuasa ka' to tomu-tomundo', kalana komiu anu saja' mombatuki Aku. Ka' aijo' na kasampatan hi komiu da mombee' katalangan mongkona aku hi aha, ka' hi to mia-mian anu madi' monsumbu' Tumpu.

MATIUS 10:28

Boli mabuhuk hi aha anu mompatei butong, panyo madi' ko kuasa mompatei santuu'. Pabuhuk hi Tumpu anu ko kuasa monsilakai mau mule' butong mau mule' santuu' i uno naraka.

MATIUS 14:4

Kalana toho'mo i Yohanes nontaeakon sumo uuka hi Herodes, “Madi' timbali beleyum mo'osoa tiba i Herodias!”

YOHANES 5:44

Mosia na komiu timbali palesaya, de komiu molio da o puji' nu bubu komiu ka' madi' bala usaha molio pompuji' anu lengkat mae hi Tumpu, anu ola-olamo Ia na Tumpu?

1 KORINTUS 5:5

komiu tionyo mombee' mian aijo' hi Ibilis da butong nu mian aijo' osilakai, desumo aitu yo santuu'nyo oposalamat de Tumpu po'ule'mo toka.

2 KORINTUS 5:16

Kalana aijo' kami madi'mo daagi' mongkila-kila mian susumo timbangan nu mian. Memang kami toho'mo nongkila-kila Kristus sumomo salaku ia mian, panyo uuka aiya madi'mo.

GALATIA 2:11

Salatan i Petrus tinoka kiijo' i Antiokhia, pinisala'ankumo na ia i aho-ahopnyo, kalana apaa na anu binaunyomo sala'.

IBRANI 5:4

Madi' ko samian anu mosi hangkat posi butongnyo timbali Imam Daka'. Mian timbali Imam Daka' de Tumpu na molaga ia da mompojalan palentah aijo' – pokakana sumo i Harun.

YAKOBUS 2:1

To Utu-utusku! Salaku mian anu pinalesayamo hi Tumpu Yesus Kristus, Tumpu Anu Talasanggo hondo, boli ola komiu montoa ohup nu mian kalana hahan anu i dunia.

YOSUA 22:15

Sahingga tinokamo na aha kiijo' i kajojoongan nu tulunan nu bansa Ruben, Gad tiba tulunan nu bansa Manasye i da'erah Gilead.

1 SAMUEL 2:30

Aku Tumpu Allah nu Israel, naipuan mae binalajanji'mo da belemiu salaigan ka' belemiu sa'angu' na tulunan mombau anu Ku palentahkon timbali imam sampe toka sidu-sidutu'. Panyo uuka aiya madi'mo Ku ka'ima'i na anu sumo aijo'! Kalana anu mongadati Aku suele Ku adati, panyo anu mongambangi Aku suele Ku ambangi.