2 TAWARIKH 26:15 - KITAB NU TUMPU ALLA LELE MA'IMAI'

¹⁵ I Yerusalem anu toto pande-pande mombau toongon bau pahampate nombaumo pana' anu timbali mompana'akon hihis ka' batu anu daka' lengkat mae aita' i laigan tangka-tangkas ka' lengkat mae i pasu'nyo nu pagan mesen nu kota'. I Uzia tinalasanggomo iyaya mae ka' ia binalakuasamo hondo kalana Tumpu Allah nontulungimo hondo ia.

2 TAWARIKH 26:15 ပူးပေါင်းရင်းမြစ်များ

2 TAWARIKH 2:14

Tinanyo aiya tulunan nu bansa i Dan, tuumanyo mian nu Tirus. Ia pande hondo na montutuk mosoni' obau apa-apaa, sumo aitu mule' salaka, tambaga, besak ka' mule' mombau batu, kau' anu bau pakakas. Ia timbali montonun hude mobilu', mingkamumu', momea', ka' mule' hude lenan. Iwi-iwi' na anu o botik timbali nu bau, yayamo na anu opoki bau. Jadi da ia opokalaja hingga-hinggat tiba anu suele pande na mombau apa-apaa itina' hi belento Tuan, ka' tiba to mia-mian anu nokalajamo hi Tomundo Daud tuuma nu Belento Tuan.

2 TAWARIKH 2:7

Kalana, aijo' de timbali belento Tuan monsai mae hi kami samian anu pande mombotik ka' timbali montutuk mosoni', salaka, tambaga, besak ka' suele pande montonun hude mobilu', mingkamumu', ka' momea'. Ia mokalajaje hingga-hinggat tiba mian nu Yehuda ka' Yerusalem anu suele monsumbu' mombau apa-apaa aijo'mo aha anu pinile'anmo nu tuumangku i Daud.

2 TAWARIKH 26:14

I Uzia nomposadiaimo suludadunyo haha aijo', kanta, talombo', topi baja, baju' besak, pana' ka' hihisnyo ka' batu anu obunu'akon nu salambeta.

2 TAWARIKH 26:16

Salatan i Tomundo Uzia dinaka'mo na kakuasaannyo, ia sinombongmo ka' aijo'mo na nonsaduakon sahingga ia sinilakamo. Ia nolanggaimo palentah nu Tumpu Allahnyo kalana nompinsopimo Laigan nu Tumpu ka' nompapuimo kamangian i mezbah i tampat nu kamangian.

NOSABATMO 31:4

da pande na mompopikilakon ka' moko ala mombau mosoni', salaka' ka' tambaga,

YESAYA 29:14

Kalana aitu aha Ku potolokengkengmo nu pondoke anu ojojo'imo. Mian anu pande timbalimo ponga' ka' iwi-iwi na kapandean nu aha madi'mo mingkaliangan.”

HABAKUK 1:5

Lapas aijo' Tumpu notataemo hi mian-Nyo anu pinalesayamo, “Opalahatikan na to bansa-bansa anu mompaha ohani tiba belemiu sahingga belemiu bangang ka' jonomo na mata kalana tinokaje hi belemiu na Aku nombaumo apa-apaa anu madi' opalesaya nu belemiu de ola osisikakon hi belemiu.

MATIUS 4:24

Lele mongkona i Yesus aijo' tinolelemo i songko-songko na tano' Siria, sahingga manjoo' na mian tinoka hi Ia. Aha nomboamo mae to mia-mian anu mongoa'i manjoo' na lupa-lupa nu panyakit tiba kasusa'an. To mia-mian anu pininsoopanmo nu roh ma'idek, anu mongkingkimi ka' anu lupe, iwi-iwi' pina'alin i Yesus.

PO'ULE' INGULIT 20:20

To kau-kau' sangga'at timbali opahanta'akonmo nu belemiu da bau pompagan ka' bau polibaan pontumbuhian miu aha sampe kota aijo' mahungku'mo.”