2 TAWARIKH 26:10 - KITAB NU TUMPU ALLA LELE MA'IMAI'

¹⁰ Ia mule' nompotinjomo laigan toto tangka-tangkas anu binentengan i da'erah padang, ka' nongkekemo manjoo' hondo na bubung kalana manjoo' na potuu'onnyo mau anu aita' mae i bungkutnyo kabai i hatanyo sasu kinsoban. Kalana ia nompalahatikan hondo anu mombau ale' sahingga ia nompokalajamo mian manjoo' hondo anu mombau ale' nu anggur i da'erah bungkutnyo, ka' mombau ale' i da'erah anu toto ma'o-ma'omuk.

2 TAWARIKH 26:10 ပူးပေါင်းရင်းမြစ်များ

2 TOMU-TOMUNDO' 19:23

Beleyum nonsaimo mae mian da toka mae ko bubun au'aitu kalana manjoo' na kareta anu bau pahampate nu beleyum sahingga nongkuasai to bungku-bungkutnyo anu matangkas i Libanon. Beleyum kinobubuunmo kalana beleyum nonta'imo kau' lontio' anu to mata-matangkas ka' ma'ima' hondo ka' nompinsoopimo alasnyo iwi-iwi' anu toto daka-daka' na kau'nyo.

2 TOMU-TOMUNDO' 3:4

I Tomundo' Mesa mian nu Moab ko potu'on domba. Salaku bau pombayan hasin hi tomundo' Israel, sataun toka sataun ia toka mombayan 100.000 na anak nu domba ka' mule' bulu nu domba lakinyo unggalannyo 100.000 na domba lakinyo.

2 TAWARIKH 17:12

Sumo aijo' na i Yosafat sansinaa toka sansinaa mompaka pintuangmo na kakuasa'annyo. I songko-songko na Yehuda pinaha bauannyomo benteng ka' to kota-kota' ponguna'an anu o kaan.

2 TAWARIKH 17:13

Tinambunnyomo na anu o kaan manjoo' hondo i kota haha aijo'. I Yerusalem pinojoongnyomo na to sulu-suludadu anu toto tangka-tangkas na pangkatnyo ka' to babaani,

2 TAWARIKH 26:11

I Uzia ko suludadu manjoo' hondo anu saja' mosadia mahampate. Aha binagi-bagi toto sanggombu, anu konjoo'nyo ua'aha na gulutulis nu tomundo na montulis, aijo'mo i Yeiel tiba i Maaseya, anu mongkapalai aha aiya i Hananya, sala samian anu mokalaja hi tomundo'.

2 TAWARIKH 32:29

Ka' mule' ia nombaumo manjoo' hondo na kota'. Kakaya'an anu binee'mo nu Tumpu Allah hi ia nolabi-labimo.

ANU MOMPOLELE POTATAE NU TUMPU 5:8

Ka' mule' kantumuu'an nu tomundo' suele ola montaha'imani hasin nu anu opadak.

YESAYA 29:17

Daagi' kokantuang anu nontaloakon, “Madi'mo daagi' pin alas timbalimo tano' anu baumo pongale'an ka' mule' tano' anu pinongale'anmo po ule'mo timbali alas.”

PO'ULE' INGULIT 3:10

Ingalantomo iwi-iwi' na da'erah i Tomundo Og anu lengkat mae i Basan mokiijo' lau-laus i sasu kabete'an kojo'onnyo toka-toka i kota Salka tiba Edrei.” (

YOSUA 15:55

Ka' suele sampulu' na kota aiya tibamo kampu-kampung anu kiijo' i daerahnyo; Maon, Karmel, Zif, Yuta, Yizreel, Yokdeam, Zanoah, Kaim, Gibea tiba Timna.

1 SAMUEL 15:12

Dodododopnyo subu-subu i Samuel nambamo kahanda' da singkabot tiba i Saul. Ko anu nompoto'i hi ia tukoonyo nu aha, i Saul nambamo i kota' Karmel mompotinjomo batu salaku bau tanda nu butongnyo ikiijo' mae, lantas mambamo lau-laus i Gilgal.