2 TAWARIKH 25:16 - KITAB NU TUMPU ALLA LELE MA'IMAI'

¹⁶ “Pomohokot”, na koonyo i Amazia, “De madi' opateimo mami na beleyum! Madi' toho' kami nohangkat beleyum da mompokinde'i i tomundo!” Sahingga nomohokotmo na nabi aijo', panyo ma'isa pe'e ia nomohokot ia daagi' notatae, “Uuka aiya sinumbu'kumo taalu' Tumpu Allah nontantukanmo da osilakaimo na belento Tomundo kalana belento Tomundo nombaumo han anu sumo aijo', ka' kalana belento Tomundo madi'mo nompajuli pokinde'ku.”

2 TAWARIKH 25:16 ပူးပေါင်းရင်းမြစ်များ

2 TAWARIKH 10:15

Apaa na anu pinoita nu mian da'isan madi' pinajuliannyo. Panyo aijo' memang katantuanmo nu Tumpu Allah. Apaa na anu pinoto'imo nu Tumpu hi Nabi Ahia mian nu Silo mongkona i Yerobeam anak i Nebat memang tionyo ahi jadi.

2 TAWARIKH 16:10

Potatae i Nabi Hanani aijo' nonsaduakonmo da i Asa pinusamo hondo, sahingga pinosoopnyomo na nabi aijo' i uno nu talungku'. Tempo'nyo aitu suele nonsakisamo na i Asa pa' aha sangkuka na miannyo anu nu palentah.

2 TAWARIKH 18:25

“Hakop na ia!” na koonyo nu palentah i tomundo Ahab, “ka' boamo na ia hi Amon, anu mompalentah kota ka' hi Yoas anak nu Tomundo.

2 TAWARIKH 24:20

Lantas i Zakharia anak i Imam Yoyada kinuasanmo nu Roh nu Tumpu Allah. I Zakharia nokiijo'mo i ahop nu mian da'isan, ka' notatae daka-daka', “Tumpu Allah nompoto'imo, ‘Kadaka' belemiu madi'mo mohongo-hongo apaa na anu ku palentahkon ka' mosi pateimo butong nu belemiu. Belemiu madi'mo mompajuli Aku, sahingga Aku suele madi'mo mompajuli belemiu!’ ”

2 TAWARIKH 24:21

Panyo mian da'isan sinangaja'mo monggagakon i Zakharia, ka' i Tomundo Yoas suele nosangaja'mo tiba kasangaja'an aijo'. Ia madi'mo nonginau' kanonongan anu binaumo i Yoyada tuuma i Zakharia hi ia. Pinalentahmo i tomundo, sahingga i Zakharia pinahambunu'akonmo nu batu sampe sinilakamo i popasan nu Laigan nu Tumpu. Salatan ia kahanda'mo mompoputus nyawanyo, i Zakharia daagi' notatae, “Ku amalakon da Tumpu montoa mae kalakuan ka' mombalosakon beleyum!”

2 TAWARIKH 25:15

Anu binaunyomo aijo' nonsaduakonmo da Tumpu nontambuha'imo. Ia nonsaimo samian na nabi namba hi Amazia. Nabi aijo' notatae, “Kadaka' belento Tomundo nonsombahmo pilogot nu bansa sangga'at anu madi' moko ala momposalamat posi bansanyo da madi' opoko kuasai nu Belento Tomundo?”

2 TAWARIKH 25:17

I Amazia tomundo' nu Yehuda tiba to mia-mian anu lewa' mompokinde'i nosangaja'mo da mongewamo Israel. Ia nonsaimo mian namba hi Yoas tomundo nu Israel, anak i Yoahas, makumpu i Yehu da mongewamo ia mahampate.

NOSABATMO 10:28

Notatae na i tomundo hi Musa, “Lako'mo bolimo mae manintoa hi belengku! Aku madi'mo daagi' montoa beleyum! De daagi' ku toa na ohup nu beleyum, beleyum matemo!”

NOSABATMO 9:16

Panyo belemiu Ku pobee' tumuu' da timbali Ku potoa na kakuasa'an-Ku hi belemiu, sahingga sanggong-Ku talasanggo i songko-songko na dunia.

AMSAL 1:29

Belemiu sumomo mian anu madi' toho' nongka' ima'i da mohumpak ilimu' ka' madi' montuluti Tumpu.

AMSAL 1:30

Belemiu madi' toho' nongka'oho' nontalima sinin na pokinde'ku kabai mompalahatikan apa-apaa na pinisala'anku.

YESAYA 46:10

Salatamo pe'e momonanyo mae pinoto'ing-Kumo na hahan anu imihinyo mae jadi, naipuan pe'e mae kinila-kilang-Kumo apaa na anu jadi aiya mae i ahop. Aku notataemo: Anu tinantukan-Kumo tinyo ahi' jadimo, anu kinahanda'an-Kumo tionyo ahi' Ku baumo!

YEREMIA 2:19

Posi palabuatanmo nu beleyum ma'i-ma'idek na nohukum butong nu beleyum, beleyum sinakisamo kalana madi'mo nongala Aku, Tumpu Allah nu beleyum. Aku, Tumpu Allah nu beleyum notataemo; Akumo na Tumpu Allah Anu Matangkas na Kuasanyo ka' Balakuasa hondo.”

YEREMIA 27:15

Aha nompoto'i tukoonyo nu aha, aha binasisik nompake atas sanggo nu Tumpu, panyo aha baleko'. Posi Tumpu ahi' na nontaloakon tukoo-Nyo Ia madi' ahi' nonsai mae aha. Kalana aijo' Nu ga'a-ga'atakonmo ka' mompateimo i Tomundo' tiba to nabi-nabi anu binaleko'mo hi Tomundo'.”

YEREMIA 29:26

“Tumpu nohangkatmo beleyum tinimbali imam da mombolosakon i Yoyada, ka' uuka aiya beleyumo na pangkat anu matangkas hondo i uno nu Laigan nu Tumpu. Kalaja nu beleyum aijo'mo da mompalentah da supaya batu-batu mian anu ulawon, anu mongakui butongnyo nabi, ia otalungku'mo ka' olante'mo nu besak igogohongnyo.

YEREMIA 43:4

Mau i Yohanan kabai iwi-iwi' na suludadu tiba mian da'isan madi'mo nontuluti palentah nu Tumpu da jojoongmo ahi' i Yehuda.

YEHEZKIEL 33:4

De ihe na mohongomo tanda bahaya aijo' panyo madi' mompajuli, ka' sampobali' tokamo mae ka' mompateimo ia, saba' ia silaka aijo' kalana posi kasala'annyomo ahi'. Panyo de ia mompajuli ahi' tanda bahaya aijo' tantu ia salamat madi' opatei.

MATIUS 21:23

Lapas aijo', i Yesus ninsusule' i Laigan nu Tumpu, lantas ninsoop ka' nongajan i kiijo'. Tempo'nyo Ia hau-haunyo mongajan, Kapala nu to Ima-imam ka' to pola-polaya' nu Yahudi tinokamo hi Ia ka' nompokilawa, “Apaa na alasan nu Beleyum mombau iwi-iwi' aiya? Ihe na nombee'i hak aiya hi Beleyum?”

SISIKON NU TO RASUL-RASUL 4:28

Aha nosa'angu' da mombau apa-apaa, anu tinantukanmo nu Kita momonanyo saba' aijo' tionyo timbali. Ka' Kita montantukanmo aijo' nu kakuasa'an ka' posi Pongka'oho'-To.

ROMA 9:22

Sumo aijo'mo apaa na anu binau nu Tumpu. Ia ko kahanda' molubatakon tambuha'-Nyo ka' mompotoa kuasa-Nyo. Panyo Ia sabaan hi aha anu tionyo o hukum kalana nonsaduakonmo Ia motambuha'.

EFESUS 1:11

Tumpu nombau iwi-iwi' apaa posi pongka'oho'-Nyo ka' posi kaputusan-Nyo. Salatanmo pe'e imoonanyo Ia nompile'imo kita kalana Ia mongkahanda'i da kita timbali mian anu palesayamo kalana mosa'angu'mo tiba i Kristus.

PO'ULE' INGULIT 2:30

Panyo i Tomundo Sihon madi' nompobee' kita motulu i lipu' nu aha aijo'. Tumpu Allah nu belemiu nompotimbalimo ia da panggaga ka' mompagala da kita timbali mompatundu' ia. Da'erahnyo daagi' o jojoonginto sampe uuka aiya.

2 TIMOTIUS 4:3

Kalana tokaje na tempo'nyo, mian madi'mo daagi' mongka'oho' montalima pangajalan anu totu'u. Panyo ola ahi' aha montulutimo posi pongka'oho' nu aha, ka' momposihukmo manjoo' na to gulu-gulu' da o'ajanakon na hahan anu ma'ima' na ohongo nu bihing nu aha.

ANU PINOTO'I HI YOHANES 11:10

Anu jojoong i dunia lame'mo kalana sinilakamo na ua'aha na sakisi aijo'. Aha molame'akonmo ka' paim paka-pakatuanmo palasen, kalana ua'aha na nabi aijo' nompotokamo mae manjoo' na kasansala'an hi mian iwi-iwi' i dunia.

1 SAMUEL 2:25

De mian mombau kasala'an hi sangko manusia Tumpu Allah na montimbangi kasala'annyo; panyo de mian baladosa'mo hi Tumpu, ihe na moko ala montulungi?” Panyo aha madi' mompajuli pokinde' nu tuuma nu aha i Eli, kalana tinantukanmo nu Tumpu na aha opateimo.