2 TAWARIKH 25:14 - KITAB NU TUMPU ALLA LELE MA'IMAI'

¹⁴ Salatan nompatundu'mo suludadu nu Edom, i Amazia ninsusule'mo nomboamo to pato-patong nu pilogot nu Edom ka' pino'una'mo nu aha i Yehuda lantas ia nompapuimo kamangian sinombahkonnyo hi patong haha aijo'.

2 TAWARIKH 25:14 ပူးပေါင်းရင်းမြစ်များ

2 SAMUEL 5:21

Suludadu nu aha mian Filistin nopalaimo madi'mo noko ala nongala ka' nompopalaihakon patong bapilogotan nu aha haha aijo'. Patong haha aijo' ingalamo i Daud tiba suele suludadunyo nongalamo patong haha aijo'.

2 TOMU-TOMUNDO' 14:8

Lapas aijo' i Amazia nonsaimo mian namba hi Yoas tomundo' nu Israel, mompoto'i da ia mongewamo aha mahampatemo.

2 TAWARIKH 25:13

Tempo'nyo aitu to sulu-suludadu nu aha Israel anu sinaimo i Amazia ninsusule', ka' madi'mo pinobee' namba hingga-hinggat nahampate, nontumbuhimo to kota-kota' nu aha Yehuda lengkat i Samaria mokiijo' i Bet-Horon. Aha nompateimo 3.000 na mian ka' nompahuhuakonmo manjoo' na balang.

2 TAWARIKH 25:2

I Amazia nombaumo anu momposanang kinyonyoa nu Tumpu, panyo madi' buke-buke' na kinyonyoanyo.

2 TAWARIKH 28:23

Ia nosi silakaimo butongnyo ka' miannyo kalana nonsombahkonmo koloban hi to pilo-pilogot nu aha mian Siria anu nompatundu'mo ia. Ia binapikin, “To pilo-pilogot nu Siria nontulungimo to tomu-tomundo' nu Siria, jadi de aku nonsombahkon koloban hi aha, tantu nutulungimo nu aha na aku.”

NOSABATMO 23:24

Boli monsombah patong anu monjagai aha ka' boli montiho mosia na aha monsombah. Idei na patong haha aijo' anu monjagai aha ka' hobo'akon na ohi' batu haha aijo' anu nupake nu aha monsombah.

YESAYA 44:15

Sambagian na kau' aijo' ingalanyomo binau kau' anu oposun da pinjohuan ka' mule' da bau pontunuan roti ka' mule bau pontapa' ponoha' lantas sanangmo na kinyonyoanyo. Ia minjohumo ka' motataemo, “Beh, na ko ima' hondo, ka'napanasmo mae! Memang nomposanangmo mae na apu aiya!” Tuha' aijo' binaunyomo patong. Ia tinolodadupumo ka' nonsombahmo ka' ia binalado'amo, “Belentomo na tumpu allah ngku, posalamatakon mae na aku!”

YESAYA 44:19

Mian anu nombau patong aijo' madi'mo daagi' binapikin, “Kau' aijo' sambagian pinapuankumo, ka' obanyo pinakengkumo bau pinontunuan roti ka' mule' bau pontapa'i ponoha' da ku kaan. Lantas tuha' nu kau' aijo' ku baumo patong. Jadi uuka aiya aku monsombahmo sangkolong na kau'!”

AMOS 2:4

Tumpu notatae, “Mian nu Yehuda saja'mo nombau dosa' pa' pimpianmo, kalana aijo' Aku tionyo mohukumo aha. Aha madi'mo nombatuki to pale-palentah-ngKu ka madi'mo nohongo-hongo to aja-ajalan-Ku. Aha sinala'anmo nu to tomi-tominuat sangga'at anu nusombah nu mompolee' nu aha.

PO'ULE' INGULIT 7:25

Opapui na to pato-patong nu pilogot anu nusombah nu aha. Boli mongkamilui salaka kabai mosoni' anu kona-kona hi aha ka' boli mongala bau kapalaluan nu posi butong miu. De olanggai miu na palentah aijo' belemiu suele silakamo, kalana Tumpu Allah nu belemiu mongka'ideki de monsombah patong nu pilogot.

PO'ULE' INGULIT 7:5

Kalana aijo', hobo'akon na mezbah nu bansa haha aijo' anu nupalesaya nu aha ko balakatnyo, tua'akon na anu bau pontandai Asyera, ka' opapui na to pato-patong bapilogotan anu nusombah nu aha.