2 TAWARIKH 25:12 - KITAB NU TUMPU ALLA LELE MA'IMAI'

¹² Daagi' sangga'at aha 10.000 na mian i hakopmo ka' binoa. Aha binoamo aita' i bawo nu bungkutnyo nu batu i kota' Sela lantas pinaha tumbalakonmo nokaijong sahingga sinilakamo.

2 TAWARIKH 25:12 ပူးပေါင်းရင်းမြစ်များ

2 SAMUEL 12:31

Ka' mule' mian nu kota' aijo' binoamo nu aha ka' pinalentahmo nu aha da momboa galagaji, pason, bobolo' ka' mule' aha binee'anmo kalaja i tampat pombauan batu tela. Sumo aijo' mule' na pinombaunyo to kota-kota' sangga'at anu i da'erah Amon. Lapas aijo' i Daud tiba iwi-iwi' na suludadunyo ninsusule'mo i Yerusalem.

1 TAWARIKH 20:3

Lapas aijo' binoamo i Daud na mian nu kota' Raba haha aijo' ka' pinakisanyo na aha mokalaja, mompake galaji, pason, ka' bobolo'. Han aijo' binaunyo mule' i kota' sangga'at anu i da'erah Amon. Noko lapas na aijo' i Daud ka' iwi-iwi' na suludadunyo ninsusule'mo i Yerusalem.

2 TAWARIKH 20:10

Uuka aiya bansa Amon, Moab ka' Edom montumbuhimo mae kami. Tempo'nyo mompolee' mami tinokamo lengkat mae i Mesir, belento madi' mompobee' jojoong i lipu' aiya na bansa haha aijo'. Sahingga mompolee' mami nongala jalan nompolilit madi' nompatei bansa Amon, Moab ka' Edom aijo'.

2 TAWARIKH 25:11

I Amazia binaanimo ka' binoanyomo na suludadunyo i Bangka' nyo nu Asin. I kiijo' mae aha nahampatemo ka' nompateimo aha 10.000 na suludadu nu Edom.

2 TAWARIKH 25:13

Tempo'nyo aitu to sulu-suludadu nu aha Israel anu sinaimo i Amazia ninsusule', ka' madi'mo pinobee' namba hingga-hinggat nahampate, nontumbuhimo to kota-kota' nu aha Yehuda lengkat i Samaria mokiijo' i Bet-Horon. Aha nompateimo 3.000 na mian ka' nompahuhuakonmo manjoo' na balang.

2 TAWARIKH 25:15

Anu binaunyomo aijo' nonsaduakonmo da Tumpu nontambuha'imo. Ia nonsaimo samian na nabi namba hi Amazia. Nabi aijo' notatae, “Kadaka' belento Tomundo nonsombahmo pilogot nu bansa sangga'at anu madi' moko ala momposalamat posi bansanyo da madi' opoko kuasai nu Belento Tomundo?”

MAZMUR 141:6

De to mia-mian anu mongkuasai aha otuamo i to tunge-tungebe nu batu, nu akuije nu aha taalu' apa-apaa na anu tinaloakonkumo memang totu'u ahi'.