2 TAWARIKH 24:7 - KITAB NU TUMPU ALLA LELE MA'IMAI'

⁷ To mia-mian anu monsangaja'i i Atalya, boune anu ma'i-ma'idek na kinyonyoanyo aijo', nongideimo Laigan nu Tumpu, ka' manjoo' na to bala-balang anu opake monsombah Tumpu Allah pinakemo nu aha monsombah Baal.)

2 TAWARIKH 24:7 ပူးပေါင်းရင်းမြစ်များ

2 TOMU-TOMUNDO' 11:1

Salatan sinumbu'mo i Atalya na i Tomundo' Ahazia, anaknyo sinilakamo, ia nompalentahmo da iwi-iwi' na aha sa'anakan i Ahazia opateimo.

2 TOMU-TOMUNDO' 12:4

Daagi' kino sansinaan i Yoas nolagamo to ima-imam ka' pinoto'inyomo na aha monguna' doi anu o humpak hi aha anu toka mae monsombahkon i Laigan nu Tumpu, mau doi pombayan anu pongulus koloban, kabai doi anu halala' na nu bee' mae nu aha.

2 TAWARIKH 21:17

Aha nontumbuhimo Yehuda, nompahuhuakonmo isi nu laigan nu tomundo, lantas i hakopmo ka' binoamo nu aha iwi-iwi' na anak ka' bengkele' i Yehoram, me i Ahazia anaknyo momo'ane anu tampalui'nyo na madi' binoa.

2 TAWARIKH 24:4

Salatan nompalentahmo pa' sangkuka na taun na kinopinnyo, i Yoas nontantukanmo da Laigan nu Tumpu opoko'ima'imo.

ESTER 7:6

Tinaaman i Ester, “I Haman anu ma'i-ma'idek na kalakuannyo aitu, aiyamo ia na sampobali' ka' anu monsakisamo kami!” Tinonto'anmo i Haman na i tomundo ka' bengkele'nyo ka'nabuhukmo.

AMSAL 10:7

Saja' o inau' na mian anu manonong, aijo' salakumo sa'angu' na balakat; panyo mian anu ma'idek na kinyonyoanyo malia' hondo okolilimi.

DANIEL 5:23

Belento Tuanku takabun hi Tumpu anu kiita' i suluga' ka' baani na mompalentah da oboa oposoop na to mangko-mangko' anu ingagoan i Laigan nu Tumpu. Lantas belento Tuanku tiba anu to tangka-tangkas na pangkatnyo, to bengke-bengkele' nu belento tiba to amba-ambahue' nu belento Tuanku nompuji'mo patong haha aijo' anu mosoni' na binau, salaka, tambaga, besak, kau' ka' batu, ka' mule' to pilo-pilogot anu madi' montoa kabai mohongo kabai mangalati' apa-apaa. Belento Tuanku madi' moholomati Tumpu anu montantukan tumuu' kabai silaka na belento Tuanku ka' anu montantukan jalan nu kantumuu'an nu belento Tuanku.

HOSEA 2:10

Ku langgo'imo na ia i ahop nu iwi-iwi' na sindua'annyo. Madi' ko samian pe'e na aha anu moko ala molapasakon ia i kakuasa'an-Ku.

HOSEA 2:13

Aku na mohukumo ia kalana iwi-iwi na sinaa anu pinakenyomo nompapu kamangian osombahkon hi Baal, ka' binalahiasmo nu palahiasan da mololoi'mo to sindu-sindua'annyo, lantas madi'mo daagi' monginau' Aku totu-totu'u. Akumo, na Tumpu anu notataemo.”

2 TESALONIKA 2:8

atina'je ka' kantoan na Mian anu Ma'idek aijo'. Saba' de Tumpu Yesus tokamo Iaje na mompatei Mian anu Ma'idek aijo' nu napas-Nyo anu lengkat mae i nganga'nyo, ka' mompateimo nu kalonyingkabannyo salaku tandanyo Ia tokamo.

ANU PINOTO'I HI YOHANES 2:20

Panyo aiya na Ku poto'i hi belemiu: Belemiu nongkanonongimo i Izebel, boune anu mongakui butongnyo pokauhon nu Tumpu aijo'. Manjoo'mo na to posa-posaihon-Ku anu ingakalannyomo ka' ingajannyo da masala', da mongkaan kaanon anu sinombahkonmo hi pilogot.

TO MIA-MIAN KOPIAN 2:11

Lapas aijo' aha mian nu Israel binaladosa'mo hi Tumpu. Aha madi'mo nonsombah Tumpu, Tumpu Allah nu mompolee' nu aha, aijo'mo Tumpu Allah anu nomboamo mae aha nosabat lengkat i Mesir. Aha nontampu'uni nonsombah Baal ka' Asytoret ka' to pilo-pilogot sangga'at anu nusombah nu to bansa-bansa anu montikubi aha. Sahingga tinambuha'anmo nu Tumpu na aha ka' nompojohokmo sampobali' nu aha nontumbuhi ka' nompahuhuimo aha. Aha madi'mo noko ala nongahopi sampobali' nu aha anu aitu mae nontikubi aha.