2 TAWARIKH 24:27 - KITAB NU TUMPU ALLA LELE MA'IMAI'

²⁷ Sisikon mongkona to ana-anak i Yoas, ka' mule' mongkona hahan anu madi' ma'ima' hi ia, ka' mosia na ia nompokopianimo Laigan nu Tumpu iwi-iwi' aijo' tinulismo i uno nu Kitab anu nontutuhakonmo Kitab nu to Tomu-tomundo. I Amazia, anak mo'ane i Yoas tinimbalimo tomundo nombolosakon tuumanyo.

2 TAWARIKH 24:27 ပူးပေါင်းရင်းမြစ်များ

2 TOMU-TOMUNDO' 12:18

Sahingga i Yoas nompakatumo doi da bau pontobus hi ia. Doi aijo' iwi-iwi' i humpaknyo hi anu osombahkon nu mian anu u'utu pe'e mae binee'mo i Yoas ka' i Yosafat. I Yoram ka' i Ahazia hi Tumpu, aijo'mo to tomu-tomundo' anu nompalentahmo ma'isa pe'e kino ianyo. Ka' suele iwi-iwi' na mosoni' i uno nu peti' ise-ise' anu kiijo' i Laigan nu Tumpu ka' i laigan nu tomundo'. Sahingga i Hazael madi'mo sinida na nontumbuhi Yerusalem.

2 TAWARIKH 13:22

Sisikon sangga'at mongkona i Abia, ka' mongkona iwi-iwi' na potataenyo ka' apa-apaa na anu binaunyomo tinulismo i Kitab Sisikon mongkena i Nabi Ido.

2 TAWARIKH 16:11

Iwi-iwi' apaa na anu tinimbalimo tempo'nyo i Asa nompalentah lengkat pe'e momonanyo sampe ia madi'mo nompalentah tinulismo i uno nu kitab Sisikon nu To tomu-tomundo Yehuda ka' Israel.

2 TAWARIKH 20:34

Sisikon sangga'at mongkona i Yosafat, lengkat pe'e mae momonanyo sampe ia madi'mo nompalentah tinulismo i Tundulan mongkona i Yehu anak i Hanani anu tinulismo i kitab Sisikon nu to Tomu-tomundo Israel.

2 TAWARIKH 24:12

Lapas aijo' i tomundo ka' i Yoyada nombee'mo doi aijo' hi to mia-mian anu mongkapalai kalaja mompokopiani Laigan nu Tumpu aijo'. Lantas mian haha aijo' nontamboimo tukang batu, tukang kau' ka' tukang tutuk pakakas da mombaumo pakalajaan aijo'.

2 TAWARIKH 24:26

To mia-mian anu nosangaja' nompatei ia aijo'mo i Zabad anak i Simeat boune nu aha Amon, tiba i Yozabad anak i simrit boune nu aha Moab.)

2 TAWARIKH 25:1

I Amazia tinimbalimo tomundo salatan umunnyo 25 mo na taun, ka' ia nompalentahmo i Yerusalem 29 na taun na kinopinnyo. Tinanyo i Yoadan mian nu Yerusalem.

2 TAWARIKH 9:29

Sisikon sangga'at mongkona i Salomo lengkat pe'e momonanyo sampe tinoka i puusnyo tinulismo i uno nu kitab Sisikon i Nabi Natan ka' i uno nu kitab sisikon anu lewa'mo pinoto'i i Ahia mian nu Silo, ka' i uno nu kitab apaa na anu pinoto'imo i Nabi Ido, anu suele nontulismo sisikon mongkona i Yerobeam tomundo nu Israel.