2 TAWARIKH 24:24 - KITAB NU TUMPU ALLA LELE MA'IMAI'

²⁴ Suludadu nu Siria madi' manjoo', panyo pinojohokmo nu Tumpu na aha da mompatundu' suludadu nu Yehuda anu lebe manjoo' aijo', kalana mian nu Yehuda madi'mo nompajuli Tumpu Allah mompolee' nu aha. Tiba jalan anu sumo aijo' na Tumpu nohukum i Tomundo Yoas.

2 TAWARIKH 24:24 ပူးပေါင်းရင်းမြစ်များ

2 TOMU-TOMUNDO' 12:17

Tempo'nyo aitu i Hazael tomundo' nu Siria nontumbuhimo ka' nonjojoongimo kota' Gad. Lantas ia binatanga' mule' montumbuhi Yerusalem.

2 TAWARIKH 16:7

Tempo'nyo aitu i Nabi Hanani tinokamo hi Tomundo Asa ka' nompoto'i, “Kalana beleyum taha'imanmo hi tomundo Siria, ka' misa'mo hi Tumpu Allah nu beleyum. Jadi beleyum madi'mo moko ala mompatundu' suludadu nu Israel.

2 TAWARIKH 22:8

Hau-haunyo i Yehu nompojalanmo hukuman nu Tumpu hi aha sa'anakan aijo', ia siningkabotmo tiba aha sanggombu mae na to mia-mian daka' i Yehuda ka' to ponu-ponuanakon i Ahazia anu nombatuki mae nontoa anu masakit. Sahingga aha pinaha pateanmo i Yehu iwi-iwi'.

2 TAWARIKH 24:20

Lantas i Zakharia anak i Imam Yoyada kinuasanmo nu Roh nu Tumpu Allah. I Zakharia nokiijo'mo i ahop nu mian da'isan, ka' notatae daka-daka', “Tumpu Allah nompoto'imo, ‘Kadaka' belemiu madi'mo mohongo-hongo apaa na anu ku palentahkon ka' mosi pateimo butong nu belemiu. Belemiu madi'mo mompajuli Aku, sahingga Aku suele madi'mo mompajuli belemiu!’ ”

2 TAWARIKH 28:5

Kalana i Tomundo Ahas binaladosa'mo, Tumpu Allah-nyo nompojohokmo ia da pinatundu' nu tomundo Siria anu suele nomboamo mian nu Yehuda manjoo' hondo salaku mian anu i hakop ka' binoa i Damsyik. Tumpu mule' nompojohokmo ia da pinatundu' i Tomundo Pekah anak i Remalya mian nu Israel, anu nompateimo sinansinaa aha 120.000 na suludadu nu aha Yehuda anu toto babaani. Tumpu Allah mompolee' nu aha nompojohokmo iwi-iwi' aijo' da jinadi kalana mian da'isan nu aha Yehuda madi'mo nontapali Tumpu.

YESAYA 13:5

Aha tinokamo lengkat mae ilipu' anu toto jo'o-jo'on ipuusnyo nu tano'. Tumpu notambuha'mo sahingga nonggunakonmo aha da monsilakaimo songko-songko na dunia.

YESAYA 30:17

Samadala na mian saidi' mae ola mopalai de montoamo samian na sampobali' montumbuhimo mae belemiu, ka' de ahamo olima' na montumbuhi mae belemiu iwi-iwi' mopalaimo. Anu sanggombu na suludadu nu belemiu me totahan sangkau na tiang nu bandela' aita' ipuge'nyo.

YEREMIA 37:10

De maluanyo belemiu moko ala ahi' mompatundu' iwi-iwi' na suludadu nu Babel sahingga anu tontuha' me anu singkap tinadokmo na belenyo ibangka'nyo nu aha iwi-iwi', panyo aha saidi' mae na totinjo mompapui sampe motanggot na kota' aiya.’ ”

IMAMAT 26:25

Ku podaagi'mo na pahampatean atina' hi belemiu da mohukum belemiu kalana belemiu nolanggaimo palajanjian-Ku tiba belemiu. Ka' de belemiu sihukmo i kota nu belemiu kahanda' da madi'mo ko anu mompoposia, Ku podaagi'mo na panyakit anu madi' opoko ala opakuli'i, sahingga belemiu tantu mati ta'alukmo hi anu monsampobali' belemiu.

IMAMAT 26:37

Belemiu mopalaimo ka' mompaha dupa-dupa'mo samian ka' samian mau mule' madi' ko anu nololoi'. Ka' belemiu madi'mo moko ala mongewa sampobali' nu belemiu.

IMAMAT 26:8

aha olima' na belemiu moko alamo mompatundu' sa'atu na mian, ka' aha sa'atu na mian, belemiu moko mompatundu' sa'atu na madala na mian.

HABAKUK 1:12

Tumpu, daagi pe'e naipuan mae Belento memang Tumpu. Belento Tumpungku anu susi' sampe toka sidu-sidutu'. Tumpu, Tumpungku anu monjagai mae aku, bansa Babel aijo' pinile'anmo nu Belento ka' pinobaanimo nu Belento da mohukum kami.

ZEFANYA 1:2

Tumpu notatae, “Aku mohopu'imo iwi-iwi' na anu i dunia aiya:

PO'ULE' INGULIT 28:25

De belemiu madi'mo montuluti Tumpu Allah nu belemiu, Nu potimbalimo na belemiu da nuhungku'imo nu sampobali' miu iwi-iwi'. Belemiu montoukaimo ahi' totu-totu'u montumbuhi panyo ola ahi' malai ka' mosungkehet. Iwi-iwi' na bansa i dunia aiya mabuhukmo na montoa belemiu anu sinusa'mo susumo aijo'.

PO'ULE' INGULIT 28:48

Kalana aijo' belemiu tionyo ahi' ta'alukumo hi sampobali' nu belemiu anu sinaimo mae nu Tumpu mongewa belemiu. Belemiu mongoa'ije ohop, mongoa'ije megot ka' langgo' ka' iwi-iwi' na han madi'mo ko anu daagi'. Tumpu mombee'imo kasansala'an anu taha-tahahumo, sampe belemiu silakamo.

PO'ULE' INGULIT 32:30

Mosia na samian moko ala mololoi' samadala na mian, ka' ua'aha na mian monsaduakonmo sampulu' na madala na mian malai? Tumpu, Tumpu Allah nu aha, nompobalukmo aha; aha pinala'ianmo nu Tumpu Allah anu baani ka' daka' na kuasanyo.