2 TAWARIKH 23:9 - KITAB NU TUMPU ALLA LELE MA'IMAI'

⁹ To sulu-suludadu anu toto tangka-tangkas na pangkatnyo haha aijo' pinaha bagianmo i Yoyada talombo' tiba kanta anu i Tomundo Daud anu pino'una' i Laigan nu Tumpu.

2 TAWARIKH 23:9 ပူးပေါင်းရင်းမြစ်များ

2 SAMUEL 8:7

Kanta nu suludadu i Hadadezer anu pinokonan mosoni' pinahuhuakonmo i Daud ka' binoanyomo i Yerusalem.

1 TOMU-TOMUNDO' 10:16

I Salomo nombabu 200 na kanta anu daka', mosoni' na tinutuk. Mosoni' anu binau kanta aijo', toto sa'angu' kila-kila popitu' na kilogram na koboatnyo.

2 TAWARIKH 23:10

I Yoyada nompaha pojoongmo to mia-mian, ka' bajak pinaha keatmo aijo' i ahop nu Laigan nu Tumpu da monjagai i Tomundo.

2 TAWARIKH 23:8

Palentah i Yoyada aijo' tinulutanmo nu to mian-mian Lewi ka' aha mian da'isan Yehuda. To mia-mian anu madi'mo mokalaja i sinaa nu Sabat ma'isa timbali minsusule'. Jadi to sulu-suludadu anu toto tangka-tangkas na pangkatnyo nompoto'imo, tukoonyo nuaha to mia-mian anu madi'mo mokalaja kabai anu tokaje mae mokalaja, sihuuk pe'e mae.

1 SAMUEL 21:9

Lantas tinaamanmo i Ahimelekh, “Aku uutu nompo'una' bajak i Goliat, mian nu aha Filistin anu pipinatean nu belento kiijo' i Bangka'nyo nu Ela; bajak uutu kiijo' isambiha' nu baju' nu imam, binalunan nu hude. De nuka'ima'i nu beleyum yo alamo kalana ola uutu na toongon anu bau pahampate.” I Daud notatae, “Bajak itina'atina'mo na bajak anu ma'ima' hondo i songko-songko na lipu', bee'mo mae hi belengku!”