2 TAWARIKH 23:3 - KITAB NU TUMPU ALLA LELE MA'IMAI'

³ Aha sinihukmo i Laigan nu Tumpu ka' nojanji'mo tiba i Yoas anak mo'ane i tomundo' aijo'. I Yoyada notataemo hi aha, “Aiyamo na anak mo'ane i Tomundo Ahazia anu sinilakamo! Ia uuka aiya o hangkatmo bau tomundo, kalana jinanji'mo nu Tumpu tukoonyo lee' i Tomundo Daud tataap sabole-bole bau pamalentah.

2 TAWARIKH 23:3 ပူးပေါင်းရင်းမြစ်များ

2 SAMUEL 5:3

I Daud nombaumo palajanjian tiba to pola-polaya' nu aha mian Israel haha aijo', lantas ihangkatmo nu aha na ia binaumo tomundo' nu Israel.

2 SAMUEL 7:12

Ka' saidi' mae detokamo na ukun nu beleyum, beleyum olamunmo ipinolamunan mompolee' nu belemiu, samian na anak nu beleyum momo 'ane Ku hangkatmo bau tomundo'. Iaje na mombau laigan-Ku. Ku balakatije na kalajaannyo sampe toka sidu-sidutu' ka' samian na lee'nyo mompalentahje salaku tomundo'.

2 SAMUEL 7:16

Beleyum saja' mohumpak lee' ka' Ku pojadije na kalajaan nu beleyum sampe toka sidu-sidutu'. Lee' nu beleyum samian sampe toka sidu-sidutu' na mompalentah salaku tomundo'.’ ”

1 TOMU-TOMUNDO' 2:4

De beleyum tulu-tulutan hi Tumpu, nu ganapi na janji'-Nyo aijo'mo lee'ku na mompalentah Israel, asan aha totu-totu'u na kinyonyoanyo saja' montuluti palentah-Nyo iwi-iwi'.

1 TOMU-TOMUNDO' 9:5

saba' anu jinanji'-Kumo hi Daud tuuma nu beleyum, tionyo Ku ganapi aijo' mo to lee'nyo na saja' mompalentah Israel.

2 TOMU-TOMUNDO' 11:17

I Imam Yoyada nonsaimo i Tomundo' Yoas ka' mian da'isan da mombau palajanjian hi Tumpu kalana aha mongka'oho'mo timbali mian anu palesayamo hi Tumpu. Ka' ia mule' nonsaimo i tomundo' mombau palajanjian hi mian da'isan.

1 TAWARIKH 11:3

Sahingga hi Daud binalajanji'mo tiba to pola-polaya' nu Israel haha aijo'. Lantas i hangkatmo nu aha na ia binau tomundo' nu Israel susumo anu pinoto'imo i Samuel, apaa na anu jinanji'mo nu Tumpu hi ia.

2 TAWARIKH 21:7

panyo Tumpu madi' mongka'oho' mompatei tomundo lee' mae i Daud, kalana ia nojanji'mo, tukoonyo lee' mae i Daud na tataap sabole-bole mompalentah.

2 TAWARIKH 23:16

I imam Yoyada nonsale'imo i Tomundo Yoas tiba mian da'isan hingga-hinggat suele tiba ia da balajanji'mo tukoonyo aha, aha timbalimo mian anu palesayamo hi Tumpu.

2 TAWARIKH 6:16

Belento nojanji'mo hi tuumangku tukoonto, de lee'nyo totu-totu'u tulu-tulutan hi atulan nu Belento sumo ia, saba' sampe toka sidu-sidutu', samian na lee'nyo mae mompalentahje salaku tomundo i Israel. Uuka aiya, o Tumpu Allah Israel, ganapimo mae iwi-iwi' apaa na anu jinanji'mo nu belento hi tuumangku i Daud, posaihon nu belento aijo'.

2 TAWARIKH 7:18

saba' Aku mongganapimo apaa na anu jinanji'-Kumo hi tuuma nu beleyum i Daud, aijo'mo tionyo ahi saja' ko lee'nyo samian na anu o hangkat timbali tomundo' nu Israel.

MAZMUR 89:29

Ia sabole-boleh ku kalibosi sampe toka sidu-sidutu', anu jinanji'-Kumo hi ia sabole-boleh mahoson madi' mongabali'.

MAZMUR 89:36

Ola minsan na aku binasumpa' panyo nukonamo sampe toka sidu-sidutu' i uno nu sanggong-Ku anu susi'; aku madi'mo ahi' mombaleko'i i Daud.