2 TAWARIKH 23:20 - KITAB NU TUMPU ALLA LELE MA'IMAI'

²⁰ To sulu-suludadu anu toto tangka-tangkas na pangkatnyo, ka' to mia-mian anu talasanggo, ka' to mia-mian anu ko pangkatnyo mokalaja i pamalentah, ka' iwi-iwi' na mian da'isan nombatukimo i Yoyada momboa i Tomundo Yoas mamba i laigan nu tomundo lengkat mae i Laigan nu Tumpu. Aha ninsoop nontulu sabatan daka' anu o'angga'i lantas i tomundo pinosuhangmo i kasuhangan nu tomundo.

2 TAWARIKH 23:20 ပူးပေါင်းရင်းမြစ်များ

2 TOMU-TOMUNDO' 11:19

lantas ia hingga-hinggat tiba suludadu anu toto tangka-tangkas na pangkatnyo tiba suludadu anu monjagai tomundo' ka' suele suludadu anu monjagai laigan nu tomundo' ka' iwi-iwi' na mian da'isan nomboamo i Tomundo' Yoas lengkat i Laigan nu Tumpu mamba i Laigan nu tomundo'. I Yoas ninsoopmo nontului Sabatan Daka' ponjaga'an nu Suludadu anu monjagai tomundo', lantas sinumuhangmo aita' i suhangan nu tomundo'.

2 TOMU-TOMUNDO' 15:35

Panyo moko sala'nyo tampat anu lewa' ponsomban pilogot madi' ingideannyo sahingga mian da'isan saja' ahi' monsombahkon ko koloban ka' mompapui kamangian i kiijo'. I Yotam na mombau Sabatan Daka' sasu Utara i Laigan nu Tumpu.

1 TAWARIKH 29:23

Sahingga salaku binau pombolosi i Daud tuumanyo, i Salomo i hangkatmo nonsuhangi kasuhangan nu tomundo' anu pinoto'imo nu Tumpu. Ia tomundo' anu saja' mingkaliangan na tanga'annyo ka' o'angga'i nu aha bansa Israel iwi-iwi'.