2 TAWARIKH 23:16 - KITAB NU TUMPU ALLA LELE MA'IMAI'

¹⁶ I imam Yoyada nonsale'imo i Tomundo Yoas tiba mian da'isan hingga-hinggat suele tiba ia da balajanji'mo tukoonyo aha, aha timbalimo mian anu palesayamo hi Tumpu.

2 TAWARIKH 23:16 ပူးပေါင်းရင်းမြစ်များ

2 TOMU-TOMUNDO' 11:17

I Imam Yoyada nonsaimo i Tomundo' Yoas ka' mian da'isan da mombau palajanjian hi Tumpu kalana aha mongka'oho'mo timbali mian anu palesayamo hi Tumpu. Ka' ia mule' nonsaimo i tomundo' mombau palajanjian hi mian da'isan.

2 TAWARIKH 15:12

Aha binalajanji'mo hi Tumpu, koonyo nu aha, aha totu-totu'u mo na kinyonyoa tumuu' mombatuki pongka'oho' nu Tumpu. Tumpu Allah nu mompolee' nu aha.

2 TAWARIKH 15:14

Notataemo na aha daka-daka' binasumpa' hi Tumpu koonyo nu aha nu toongimo nu aha dodo-dodo na janji' aijo'. Lapas aijo' aha lewa'mo nolo'ais ka' lewa'mo nompuuhi tolompet.

2 TAWARIKH 15:15

Iwi-iwi' na aha mian da'isan Yehuda ilame'mo kalana aha binasumpa'mo totu-totu'u na kinyonyoa. Sinanangmo na aha monsombah Tumpu, ka' Tumpu mule' nontalimamo aha. Pino'ima'-Nyomo na ka'ada'an sahingga madi'mo ko anu lewa' mae mompoposia i da'erah nu aha.

2 TAWARIKH 29:10

Uuka aiya aku kahanda'mo mombau palajanjian tiba Tumpu, Tumpu Allah nu Israel, da Ia madi'mo montambuha'i kita.

EZRA 10:3

Imbo' da kita basumpa' hi Tumpu Allah, ka' olaa'tomo na boune haha aijo' iwi-iwi' tiba to ana-anak nu aha. Otulutimo mami na pokinde' nu belento iwi-iwi' ka' pokinde' nu mian haha aijo' sangga'at anu mompajuli palentah nu Tumpu Allah. Kami montulutimo Atulan nu Tumpu Allah.

NEHEMIA 9:38

Kalana hahan anu jinadimo aijo', kami mian da'isan aha Israel nombaumo palajanjian totu-totu'u ka' mule' palajanjian aijo' tinulismo ka' sinapmo nu aha to pola-polaya' mami, to mia-mian nu aha Lewi ka' samian na imam mami.

YESAYA 44:5

Samian ka' samian mongakuimo butongnyo Aku na tumpunyo, ka' tokamo mae maninggalum tiba lee' i Yakub. Toto samian montulismo ilimanyo: Anumo nu Tumpu, ka' monsanggohim butongnyo ninsoopmo mian nu Tumpu.”