2 TAWARIKH 23:14 - KITAB NU TUMPU ALLA LELE MA'IMAI'

¹⁴ I Yoyada madi' nompobee' i Atalya opatei koko Laigan nu Tumpu, jadi pinoto'inyomo hi to sulu-suludadu anu toto tangka-tangkas na pangkatnyo, “Boa na ia sabatakon so' liu-liu na to mia-mian anu monjaga, ka' patei maumo pa' ihe na anu ko tanga'an mompotumuu' ia.”

2 TAWARIKH 23:14 ပူးပေါင်းရင်းမြစ်များ

2 TOMU-TOMUNDO' 10:25

Salatan noko sombahkonmo koloban na i Yehu, sampamo ia nosabat ka' nompoto'imo hi to mia-mian anu monjagai ka' suludadu anu toto tangka-tangkas na pangkatnyo haha aijo', “Pinsoopmo ka' pateimo na aha iwi-iwi'. Boli opotumuu' mau ola samian!” Sahingga pininsoopanmo nu aha ka' bajak pinaha keatmo nu aha ka' pinateanmo nu aha iwi-iwi' na mian anu kiijo', lantas lewa'mo i hela' sinabatakon nu aha na bangke' nu mian haha aijo'. Lapas aijo' aha nompinsoopimo uno nu kuil,

2 TOMU-TOMUNDO' 11:15

I Yoyada madi' mompobee' i Atalya opatei koko Laigan nu Tumpu jadi pinoto'inyomo hi suludadunyo anu toto tangka-tangkas na pangkatnyo. “Boa na iasabatakon montulu suludadu anu monjagai ka' opatei maumo pa' ihe na montulungi ia.”

2 TAWARIKH 23:13

Ia nontoamo tomundo anu sala'je i hangkat aijo' tinjo-tinjo i sabatan pinsoopan mokiijo' i Laigan nu Tumpu i tampat pinondudu'ian lanya', hau-haunyo tinikubanmo nu suludadu anu toto tangka-tangkas na pangkatnyo ka' mian mompuhi tolompet. Iwi-iwi' na mian da'isan nontaligalaimo ka' i lame'mo, hau-haunyo mule' aijo' tolompet pinuhanmo ka' to mia-mian anu mompahaikakon musik i Laigan nu Tumpu nompolame'mo lamean aijo', aha nompo'onyi'mo iwi-iwi' na pakakas musik nu aha. I Atalya nabuhukmo sahingga binea-beaknyomo na baju'nyo ka' noloboo' akonmo, “Kahipun! Kahipun!”

2 TAWARIKH 23:15

Aha nohakopmo ia, lantas binoamo nu aha i laigan nu tomundo. Kiijo' mae ia pinateanmo i sabatan Daka' Ajahan.

NOSABATMO 21:14

Panyo de ihe-he na talalomo puuson ka' montotonggolakonmo mompatei mian sangga'at, lapas aijo' malai mamba i mezbah-ngKu da boli opatei, mian aijo' tionyo mamba o ala ikiijo' i mezbah ka' obee'i hukuman opatei.

YEHEZKIEL 9:7

Tumpu notataemo hi aha, “Humimi'imo na Laigan-Ku aiya! Pobuke'imo na popasannyo haha aiya nu bangke' nu manusia. Donganmo tampu'uni!” Sahingga aha nontampu'unimo nompatei to mia-mian anu i uno nu kota'.