2 TAWARIKH 23:11 - KITAB NU TUMPU ALLA LELE MA'IMAI'

¹¹ Lapas aijo' binoamo i Yoyada na i Yoas nosabat, lantas pinosongko'anmo songko' nu tomundo, ka' binee'mo hi ia na kitab nu Atulan nu Tumpu Allah. Sumo aijo' na i Yoas i hangkat binau tomundo. Lapas aijo' i Imam Yoyada tiba to ana-anaknyo nondudu'akonmo lanya' hi Yoas salaku tanda i hangkatmo, “Binau tomundo!”

2 TAWARIKH 23:11 ပူးပေါင်းရင်းမြစ်များ

2 SAMUEL 1:10

Sahingga ingohaniankumo na ia nokiijo' ka' pinateankumo, kalana ku sumbu' de ia motua' kalana madi'mo mahoson na tuminjo' memang ahi' ia silakamo. Lantas ingalangkumo na mahkota'nyo anu aijo' i ubaknyo ka' galang anu ilimanyo ka' aiya binoangkumo mae hi belento Tuanku.”

2 SAMUEL 16:16

Salatan i Husai sangalu i Daud anu mompahasumbu' hondo' aijo' siningkabotmo tiba i Absalom tinaligaga'anmo i Husai, “Salamat kopian na i Tomundo'! Salamat kopian na i Tomundo'!”

2 SAMUEL 5:3

I Daud nombaumo palajanjian tiba to pola-polaya' nu aha mian Israel haha aijo', lantas ihangkatmo nu aha na ia binaumo tomundo' nu Israel.

1 TOMU-TOMUNDO' 1:25

Sinaa uuka aiya ia nonsombahkonmo manjoo' hondo na domba, sapi' lakinyo ka' anak nu sapi' anu toto lompo-lompo' hondo. Iwi-iwi' na to momo'ane anak nu belento Tomundo' i laganyomo. Ka' suele to tale-talenga' nu suludadu i Tomundo' ka' i Imam Abyatar. Aha tempo' uuka hau-haunyo nombaumo bau-bauon tiba ia ka' lewa'mo binilahi, 'Higahiakon ame na i Tomundo' Adonia!'

1 TOMU-TOMUNDO' 1:34

Kiijo' mae i Zadok ka' I Natan tionyo ahi' ohangkatmo da ia baumo tomundo' nu mian Israel. Lapas aijo' opo'onyi'mo nu bele miu na tolompet ka' lewa' otaligalai, 'Higahiakon mae na i Tomundo' Salomo!'

1 TOMU-TOMUNDO' 1:39

Lapas aijo' i Zadok nongalamo tampat pongisian lanya' nu Zaitun anu binoanyo mae lengkat kiijo' mae i kemah nu Tumpu, lantas binalakatannyomo na i Salomo ka' sinapuakonnyomo na lanya' aijo'. Tolompet mule' pino'onyi'mo ka' iwi-iwi' na anu tinoka i kiijo' nontalagalaimo, “Higahiakon mae na i Tomundo' Salomo!”

2 TOMU-TOMUNDO' 11:12

Lapas aitu i Yoyada nomboamo i Yoas nosabat, lantas pinosoku'annyomo makota i ubaknyo ka' binee'nyomo kitab Atulan nu Tumpu Allah. I Yoas i hangkatmo binau tomundo' ka' han aitu binebakonmo hi mian da'isan. Iwi-iwi' nohagaimo ka' nontalagalaimo “Umu-umunnakon na i tomundo'!”

2 TAWARIKH 22:11

I Ahazia ko utusnyo samian na boune sanggonyo i Yoseba anu ingosoan nu samian na imam sanggonyo i Yoyada. Pinohowini i Yoseba na nogala samian na anak mo'ane i Ahazia sanggonyo i Yoas. Anak aijo' sala'samian to ana-anak i Tomundo anu kahanda'mo nu patei i Atalya. Anak aijo' tibamo anu bau pontamongi pinosuluknyomo i sa'angu' na salipi' kiijo' i Laigan nu Tumpu. Sumo aijo' na i Yoseba nompotumuu' anak aijo' sahingga madi' pinatean i Atalya.

2 TAWARIKH 23:10

I Yoyada nompaha pojoongmo to mia-mian, ka' bajak pinaha keatmo aijo' i ahop nu Laigan nu Tumpu da monjagai i Tomundo.

2 TAWARIKH 23:12

I hongomo i Atalya na mian da'isan lewa'mo nontaligalai nonsalamatmo i tomundo. Ia nalia-lia'mo namba i Laigan nu Tumpu nompanjolongimo mian da'isan anu aijo' sinihuuk'mo.

MAZMUR 132:18

Kalaja'annyo saja'mo mohumpak ka'ima'an, panyo iwi-iwi' na mian anu monsapobali' aha opopoambangmo.”

MAZMUR 21:3

Binee'mo nu Belento apaa na anu kinahanda'anmo nu kinyonyoanyo ka' nombee'mo apaa na anu pinoitanyomo.

MAZMUR 78:5

Hi bansa Israel binee'annyomo atulan-Nyo, ka' hi lee' i Yakub binee'an-Nyomo palentah. Ia nompokaumo mompolee'to da mompogulu'akon hi to ana-anak nu aha,

MAZMUR 89:20

Naipuan mae tempo'nyo Belento nanintoa, Belento nompoto'imo hi posaihon nu Belento ano tulu-tulutan. “Aku nontulungimo samian anu baani hondo, samian anu pinile'an-Kumo aijo' hi aha mian da'isan ka' i hangkatkumo na sanggonyo.

MAZMUR 89:39

Panyo uuka aiya Belento nontambuha'imo i tomundo, Belento nompojohokmo ka' madi'mo nongkali-kalinga mian anu pinile'anmo nu Belento.

NOSABATMO 25:16

Lantas i uno nu peti' aijo' na pompo'isian nu beleyum ohua' na batu anu ko tulisannyo palentah anu Ku bee'je hi beleyum.

NOSABATMO 25:21

Po'isi na batu ohu-ohua' i uno nu peti' aijo', ka' okulubi.

NOSABATMO 31:18

Noko potatae tiba i Musa aita' i Bungkutnyo nu Sinai, Tumpu Allah nombee'mo hi ia ohua' na kobakan nu batu anu tinulisanmo nu Tumpu Allah iwi-iwi' na palentah-Nyo.

YESAYA 49:23

To tomu-tomundo' saidi' mae sumomo ahi' tuuma nu beleyum ka' to tomu-tomundo' boune sumomo ahi' posi tina. Aha saidi' mae tolodadupumo moholomati beleyum ka' mati'alukmo hi beleyum. Sahingga nu sumbu'je nu beleyum taalu' Akumo ahi' na Tumpu; miana nu montaha'imani Aku madi' mule' mompele-pele'.”

YESAYA 8:16

Belemiu aiya to muli-mulitku tionyo ahi montoongi ima-ima' ka' mule' monginau sinin na potuunon anu binee'mo nu Tumpu hi belengku.

YESAYA 8:20

Taami sumo uuka, “Ohongo na pangajalan nu Tumpu! Mian nau motatae madi' sosok ipangajalan aijo' madi' ko anu nu taha'imani imihinyo mae.”

MATIUS 21:9

Mian da'isan anu ilumajang i moona ka' anu i mihi hi Yesus molo-moloboo', “Tumuu'mo na Anak i Daud! Obalakatiakon na Ia anu tinoka tiba sanggo nu Tumpu! Puji' na Tumpu Anu Matangkas na Kuasanyo!”

IBRANI 2:9

Panyo kita nontoamo i Yesus ko kuasa! Ia pinotimbalimo gagana' i aluknyo nu malaikat ola i tempo' anu sasaingoni', da kalana kanonongan nu kinyonyoa nu Tumpu Ia timbali silaka bau pontokong mian iwi-iwi'. Kita nontoamo uuka aiya Ia binee'anmo pangkat anu talasanggo ka' o'adati kalana Ia nongoa'imo kasansala'an sampe sinilaka.

YAKOBUS 1:12

Mohumpak ka'ima'an na mian anu sabaan de ia monta'up soba'an. Kalana de ia moko alamo montahan soba'an aijo', ia mohumpakje tambonyo, aijo'mo kantumuu'an anu jinanji'mo nu Tumpu Allah hi to mia-mian anu mongkalibosi Tumpu.

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.

ANU PINOTO'I HI YOHANES 19:12

Mata-Nyo moak sumo apu ka' aita' i ubak-Nyo pinosongko'-Nyo manjoo' na makota. I butong-Nyo tuli-tulis sa'angu' na sanggo; ka' ola posi Ia na monsumbu' sanggonyo aijo'.

ANU PINOTO'I HI YOHANES 4:10

ua-uampulu' ka' opat na to pola-polaya' haha aijo' tolodadupumo i ahop nu mian anu suha-suhang i kasuhangan aijo', lantas monsombahmo Ia anu tumuu' sampe toka sidu-sidutu'. Lapas aijo' aha molumbu'akonmo makota nu aha haha aijo' i ahop nu kasuhangan aijo' ka' notatae,

ANU PINOTO'I HI YOHANES 4:4

Anu montikubi kasuhangan aijo', uampulu' ka' opat na kasuhangan sangga'at. I kiijo' sinumuhang aha uampulu' ka' opat na to pola-polaya' anu nibaju'mo mopute', ka' nompakemo makota mosoni'.

ANU PINOTO'I HI YOHANES 5:10

Beleyum nompotimbalimo aha sa'angu' na bansa da timbali samata-mata bau to ima-imam, da aha mompojalan palentah nu Tumpunto, ka' mompalentah dunia aiya.”

1 SAMUEL 10:1

Lapas aijo' i Samuel nongalamo boton anu ko isinyo minya-minya' zaitun lantas dinudu'akonnyomo na minya-minya' aijo' hi ubak i Saul ka' ingokannyomo na i Saul ka' notatae, “Tumpu nohangkatmo ka'nombalakatimo beleyum da timbalimo tomundo' hi aha mian Israel anu pinalesayamo hi Ia. Beleyum mompalentahmo mian anu pinalesayamo hi Ia ka' montoamo aha da boli nu kabisa'i nu sampo bali' nu aha. Aiya na timbali tanda saba' beleyum pinile'anmo nu Tumpu, beleyum timbalimo tomundo' hi aha mian anu pinalesayamo hi Ia.

1 SAMUEL 10:24

Lapas aijo' i Samuel notataemo hi aha mian da'isan, “Aiyamo na mian anu pinile'anmo nu Tumpu, madi' ko anu pokakana aiya hi kita iwi-iwi.” Iwi-iwi' na bansa haha aijo' nolobo'akonmo, “Higahiakon mae na i tomundo'!”