2 TAWARIKH 22:9 - KITAB NU TUMPU ALLA LELE MA'IMAI'

⁹ Lapas aijo' pinokilionyomo mae na i Ahazia anu tempo'nyo aitu natisulukmo kiijo' mae i Samaria. Salatan i Ahazia i humpakmo, binoamo mae nu aha lantas pinateanmo i Yehu. Maumo sumo aijo' ia suele ahi' i lamunmo nu aha kalana aha mongadati i Tomundo Yosafat, kai'nyo anu palesaya hondo hi Tumpu totu-totu'u na kinyonyoanyo. Hi aha sa'anakan mae i Ahazia madi'mo ko anu tinimbali i hangkat binau pamalentah.

2 TAWARIKH 22:9 ပူးပေါင်းရင်းမြစ်များ

1 TOMU-TOMUNDO' 13:21

sahingga pinisala'annyomo na nabi anu lengkat mae i Yehuda aijo' ia notatae, “Pinoto'i mae nu Tumpu Belento madi'mo nontuluti Ia. Belento madi'mo nombau apaa na anu pinalentahkon-Nyomo hi Belento.

1 TOMU-TOMUNDO' 14:13

Iwi-iwi' na mian da'isan nu Israel nohangimo ka' nolamunmo ia. Iamo na mian anu hi aha salaigan i Yerobeam anu ilamun pinopodaka' hondo, kalana ola ia na anu nomposanangmo kinyonyoa nu Tumpu, Tumpu Allah nu Israel.

2 TOMU-TOMUNDO' 9:34

Lantas i Yehu nokiijo'mo i laigan nu tomundo' ka' nongkaanmo. Lapas aijo' ia notataemo, “Boune aijo' kinutukanmo. Mau sumo aijo' lamun ahi' na bangke'nyo kalana ia anak boune nu Tomundo'.”

2 TAWARIKH 19:3

Panyo mau mule' sumo aijo' daagi' ahi' ko anu ma'ima' hi belento Tomundo. Belento Tomundo nongalinimo iwi-iwi' na Patong Pilogot boune Asyera, anu nu sombah nu mian da'isan ka' belento Tomundo mule' nombaumo sa'angu' na usaha da tumuu' mombatuki pongka'oho' nu Tumpu Allah.”

2 TAWARIKH 21:17

Aha nontumbuhimo Yehuda, nompahuhuakonmo isi nu laigan nu tomundo, lantas i hakopmo ka' binoamo nu aha iwi-iwi' na anak ka' bengkele' i Yehoram, me i Ahazia anaknyo momo'ane anu tampalui'nyo na madi' binoa.

2 TAWARIKH 21:20

Madi' ko samian anu nonsusuai ia sinilakamo. Ia i lamun kiijo' i kota' Daud, panyo misa' i pinolamunan aha to tomu-tomundo. Tempo'nyo ia tinimbalimo tomundo, umun i Yehoram 32 mo na taun, ka' ia nompalentah i Yerusalem 8 na taun na kinopinnyo.

2 TAWARIKH 21:4

Salatan ingoa'anmo i Yehoram na ia binatomundo sahosonmo, pinalentahkonnyomo na to utu-utusnyo da opatei iwi-iwi', ka' suele to mia-mian pa' aha sangkuka na anu ko pangkatnyo matangkas.

2 TAWARIKH 22:8

Hau-haunyo i Yehu nompojalanmo hukuman nu Tumpu hi aha sa'anakan aijo', ia siningkabotmo tiba aha sanggombu mae na to mia-mian daka' i Yehuda ka' to ponu-ponuanakon i Ahazia anu nombatuki mae nontoa anu masakit. Sahingga aha pinaha pateanmo i Yehu iwi-iwi'.

2 TAWARIKH 24:25

I Yoas binelaonmo ka' mahanmo hondo na sakitnyo. Salatan suludadu nu aha sampo bali' ninsusule'mo, ua'aha na anu ko pangkatnyo mokalaja hi ia sinangaja'mo. Pinateanmo nu aha na ia aijo' i kinahoyotannyo, salaku balosnyo ia nompateimo anak i Imam Yoyada. I Tomundo Yoas i lamun i Kota' Daud, panyo misa' i pinolamunan to tomu-tomundo. (

2 TAWARIKH 33:24

To mia-mian anu ko pangkatnyo mokalaja hi Tomundo Amon nosangaja'mo mongewa ia ka' nompateimo ia i uno nu laigan nu tomundo'.

YEREMIA 29:13

Belemiu moliomo Aku ka' Aku ohumpakmo nu belemiu, kalana oliomo nu belemiu nu kinyonyoa anu totu-totu'u.