2 TAWARIKH 22:11 - KITAB NU TUMPU ALLA LELE MA'IMAI'

¹¹ I Ahazia ko utusnyo samian na boune sanggonyo i Yoseba anu ingosoan nu samian na imam sanggonyo i Yoyada. Pinohowini i Yoseba na nogala samian na anak mo'ane i Ahazia sanggonyo i Yoas. Anak aijo' sala'samian to ana-anak i Tomundo anu kahanda'mo nu patei i Atalya. Anak aijo' tibamo anu bau pontamongi pinosuluknyomo i sa'angu' na salipi' kiijo' i Laigan nu Tumpu. Sumo aijo' na i Yoseba nompotumuu' anak aijo' sahingga madi' pinatean i Atalya.

2 TAWARIKH 22:11 ပူးပေါင်းရင်းမြစ်များ

1 TOMU-TOMUNDO' 15:4

Panyo kalana monginau' i Tomundo' Daud, sahingga Tumpu, Tumpu Allah anu nusombah i Daud nombee'imo i Abiam samian na anak da mombolosakon ia mompalentah i Yerusalem ka' montinjohakon kota aijo'

2 TOMU-TOMUNDO' 11:2

I Yoas anak i Ahazia boboli' opatei hingga-hinggat tiba anak to momo'ane nu tomundo' sangga'atan, panyo i Yoas pinosalamat nu dada'nyo i Yoseba. I Yoas ka' anu monjagai ia binoa nu aha ka' pinosuluk i sa'angu' na salipi' kahoyotan i Laigan nu Tumpu.

2 TAWARIKH 21:7

panyo Tumpu madi' mongka'oho' mompatei tomundo lee' mae i Daud, kalana ia nojanji'mo, tukoonyo lee' mae i Daud na tataap sabole-bole mompalentah.

2 TAWARIKH 22:10

Salatan sinumbu'mo i Atalya na i Tomundo Ahazia anaknyo sinilakamo, pinalentahnyomo da iwi-iwi' na aha sa'anakan mae nu tomundo Yehuda opaha pateimo.

2 TAWARIKH 22:12

Anom na taun na kinopinnyo na i Yoas pinosuluk i uno nu Laigan nu Tumpu tempo'nyo i Atalya nompalentah salaku tomundo boune.

2 TAWARIKH 23:1

I taun anu ko popitu'nyomo tinantukanmo i Imam Yoyada da obaumo na anu tinanga'anmo. Ia nomposa'angu'mo kasangaja'an tiba aha olima' na suludadu anu toto tangka-tangkas na pangkatnyo, aijo'mo i Azarya anak i Yehoram, i Ismail anak i Yohanan, i Azarya anak i Obed, i Maaseya anak i Adaya, tiba i Elisafat anak i Zikri.

MAZMUR 33:10

Tumpu madi'mo nompojadi tanga'an nu to bansa-bansa, Ia madi'mo nompobee' niat nu aha.

MAZMUR 76:10

Salatan Belento nobungkutmo, kahanda'mo momputusi da oposalamatmo na mian anu sinakisamo i dunia aiya.

NOSABATMO 8:3

Kaunyo nu Nil mobuke'mo nu bahangkakak, sahingga binatang haha aijo' mosabat mae i uee ka' minsoop i laigan nu belento tomundo, i salipi' kahoyotan ka' i tampat kahoyotan nu belento, i uno nu laigan nu batu-batu mian anu ko pangkatnyo ka' layat, ka' mule' i tampat pombauan roti ka' i iwi-iwi' na kuhon.

AMSAL 21:30

Madi' ko kapandean, ilimu', kabai kapandean mompopikilakon anu moko ala balatahan i ahop nu Tumpu.

YESAYA 65:8

Tumpu notatae, “Bua' nu anggur anu daagi' ko ueenyo madi' o, alin panyo opotimbalimo uee' nu anggur. Sumo aitu mule' na bansang-Ku madi' ku hopu'i iwi-iwi', kalana kiijo' hi aha daagi' ahi' ko anu tulu-tulutan hi beleng-Ku.

SISIKON NU TO RASUL-RASUL 4:28

Aha nosa'angu' da mombau apa-apaa, anu tinantukanmo nu Kita momonanyo saba' aijo' tionyo timbali. Ka' Kita montantukanmo aijo' nu kakuasa'an ka' posi Pongka'oho'-To.