2 TAWARIKH 22:1 - KITAB NU TUMPU ALLA LELE MA'IMAI'

¹ Daagi' kino minsan sanggombu mae na aha Arab nontumbuhimo, iwi-iwi' na anak i Yehoram anu to momo'ane pinaha pateanmo me i Ahazia anu tatampalui' na lipatnyo. Kalana aijo' to mia-mian nu Yerusalem nohangkatmo i Ahazia binau tomundo nombolosakon tuumanyo.

2 TAWARIKH 22:1 ပူးပေါင်းရင်းမြစ်များ

2 TOMU-TOMUNDO' 10:13

ia nompahakabot pa' aha sangkuka na utus mae i Ahazia tomundo' nu Yehuda, pinokilawanyo, “Belemiu aiya ihe?” “Kami aiya to utu-utus mae i Ahazia,” tinaaman nu aha. “Kami mamba mokiijo' i Yizreel molenga aha iwi-iwi' sampoto utusan mae i tomundo' ka' makumpu i Tomundo' boune Izebel.”

2 TOMU-TOMUNDO' 8:16

I Yehoram anak i Yosafat tinimbalimo tomundo' nu Yehuda tempo'nyo aitu i Tomundo' Yoram anak i Ahab nompalentahmo Israel i ngolima' na taun.

2 TOMU-TOMUNDO' 9:1

Tempo'nyo aitu i Nabi Elisa nolagamo samian na nabi anu pinogulu'nyomo anu aijo' hi aha nabi sangga'at. “Posadiamo da mambamo i Ramot i da'erah Gilead, ka' boa na boton anu ko isinyo lanya' nu zaitun aiya.

2 TAWARIKH 22:2

I Ahazia tinimbalimo tomundo, tempo'nyo aitu umunnyo 22 mo na taun, ka' nompalentahmo na ia i Yerusalem sa'angu' na taun na kinopinnyo. Kantumuu'an i Ahazia suele pokakanamo susumo aha sa'anakan i Tomundo Ahab, kalana i Atalya tinanyo na nompokinde'i da mombau anu ma'idek. I Atalya anak boune i Tomundo Ahab makumpu i Omri tomundo nu Israel.

2 TAWARIKH 23:3

Aha sinihukmo i Laigan nu Tumpu ka' nojanji'mo tiba i Yoas anak mo'ane i tomundo' aijo'. I Yoyada notataemo hi aha, “Aiyamo na anak mo'ane i Tomundo Ahazia anu sinilakamo! Ia uuka aiya o hangkatmo bau tomundo, kalana jinanji'mo nu Tumpu tukoonyo lee' i Tomundo Daud tataap sabole-bole bau pamalentah.

2 TAWARIKH 25:23

I Yoas nohakopmo i Amazia ka' binoamo nu aha i Yerusalem lantas pinaha hobo'akonmo nu aha na pagan mesen nu kota' aijo' anu ko mantannyo kila-kila 200 na meten, lengkat pe'e i Sabatan Daka' Efraim toka-toka i Sabatan Daka' anu i Pasu'nyo.

2 TAWARIKH 26:1

Salatan i Amazia sinilakamo, iwi-iwi' na mian da'isan nu aha Yehuda nompile'imo i Uzia anaknyo momo'ane na binau tomundo. Tempo'nyo aitu umunnyo 16 mo na taun. Sanggo nu tinanyo i Yekholya, boune mian nu aha Yerusalem. I Uzia nompalentah I Yerusalem 52 na taun na kinopinnyo. Ia na nongala ka' po'ule' nombau kota Elot.

2 TAWARIKH 33:25

Panyo mian da'isan nu Yehuda nompateimo to mia-mian anu nompateimo i Tomundo Amon aijo', lantas nohangkatmo i Yosia anaknyo binau tomundo.

2 TAWARIKH 36:1

Mian da'isan nu aha Yehuda nompile'imo ka' nohangkatmo i Yoahas binaumo tomundo i Yerusalem nombolosakonmo i Yosia tuumanyo.