2 TAWARIKH 21:7 - KITAB NU TUMPU ALLA LELE MA'IMAI'

⁷ panyo Tumpu madi' mongka'oho' mompatei tomundo lee' mae i Daud, kalana ia nojanji'mo, tukoonyo lee' mae i Daud na tataap sabole-bole mompalentah.

2 TAWARIKH 21:7 ပူးပေါင်းရင်းမြစ်များ

2 SAMUEL 21:17

Panyo i Abisai anak i Zeruya tinokamo mae nontulungi i Daud. Lako'mo ilalubusannyo na mian daka-daka' hondo aijo' ka' pinateannyomo. Lapas aijo' suludadu i Daud nonsale'imo i Daud da bolimo daagi' mamba hingga-hinggat mahampate. “Belento Tomundo' bau kataha'imanan nu mian Israel boli-boli dumo kami madi'mo ko Tomundo'nyo,” na koonyo nu aha.

2 SAMUEL 23:5

Sumo aijo'mo na lee'ku anu nu balakatimo nu Tumpu Allah, Palajanjian-Nyo hi belengku madi'mo mongabali' anu jinanji'-Nyomo aijo sampe toka sidu-sidutu' ka' madi'mo ko anu kulangnyo iwi-iwi' ta atun hondo. Tumpu Allah na montantukan ka untunganku mahampate ka' mombee'mae iwi-iwi' apaa na anu nu kahanda'i nu kinyonyoangku.

1 TOMU-TOMUNDO' 11:13

Panyo madi' songko-songko na kalajaa aijo' Ku ala hi ia. Kalana monginau' posaihon-Ku i Daud ka' mule' monginau' Yerusalem anu binaung-Kumo kota'Ku aijo' sahingga daagi Ku potuha'i sa'angu' na tulunan nu bansa da nu palentah nu anak nu beleyum momo'ane.”

1 TOMU-TOMUNDO' 11:36

Panyo sa'angu' na tulunan nu bansa Ku bee'mo hi ia da saja' daagi' ko samian na lee' mae i Daud posaihon-Ku aijo' na mompalentah anu saja' monsombah Aku i Yerusalem kota' anu pinile'an-Kumo tampat bau ponsomban Aku.

1 TOMU-TOMUNDO' 15:4

Panyo kalana monginau' i Tomundo' Daud, sahingga Tumpu, Tumpu Allah anu nusombah i Daud nombee'imo i Abiam samian na anak da mombolosakon ia mompalentah i Yerusalem ka' montinjohakon kota aijo'

2 TOMU-TOMUNDO' 8:19

Panyo Tumpu madi' mombahayai Yehuda kalana Ia nojanji'mo hi Daud posaihonnyo, saba' tulunannyo tataap timbali tomundo'.

2 TOMU-TOMUNDO' 8:24

Ia sinilakamo ka' i lamunmo i polamunan to tomu-tomundo' i kota' Daud. I Ahazia anaknyo na nombolosi ia tinimbali tomundo'.

2 TAWARIKH 22:11

I Ahazia ko utusnyo samian na boune sanggonyo i Yoseba anu ingosoan nu samian na imam sanggonyo i Yoyada. Pinohowini i Yoseba na nogala samian na anak mo'ane i Ahazia sanggonyo i Yoas. Anak aijo' sala'samian to ana-anak i Tomundo anu kahanda'mo nu patei i Atalya. Anak aijo' tibamo anu bau pontamongi pinosuluknyomo i sa'angu' na salipi' kiijo' i Laigan nu Tumpu. Sumo aijo' na i Yoseba nompotumuu' anak aijo' sahingga madi' pinatean i Atalya.

2 TAWARIKH 23:3

Aha sinihukmo i Laigan nu Tumpu ka' nojanji'mo tiba i Yoas anak mo'ane i tomundo' aijo'. I Yoyada notataemo hi aha, “Aiyamo na anak mo'ane i Tomundo Ahazia anu sinilakamo! Ia uuka aiya o hangkatmo bau tomundo, kalana jinanji'mo nu Tumpu tukoonyo lee' i Tomundo Daud tataap sabole-bole bau pamalentah.

2 TAWARIKH 6:16

Belento nojanji'mo hi tuumangku tukoonto, de lee'nyo totu-totu'u tulu-tulutan hi atulan nu Belento sumo ia, saba' sampe toka sidu-sidutu', samian na lee'nyo mae mompalentahje salaku tomundo i Israel. Uuka aiya, o Tumpu Allah Israel, ganapimo mae iwi-iwi' apaa na anu jinanji'mo nu belento hi tuumangku i Daud, posaihon nu belento aijo'.

MAZMUR 132:11

Tumpu binasumpa'mo hi Daud; Ia madi'mo mompojalo anu jinanji'-Nyomo. Ia notatae, “Samian na anak nu beleyum Ku potimbalimo tomundo', da mompalentah mombolosakon beleyum.

MAZMUR 89:39

Panyo uuka aiya Belento nontambuha'imo i tomundo, Belento nompojohokmo ka' madi'mo nongkali-kalinga mian anu pinile'anmo nu Belento.

LUKAS 1:69

Ia nombee'imo kita pomposalamat anu baani, lee' i Daud, posaihon-Nyo.

LUKAS 1:79

sumo aitumo na Ia mombee'i jingka-Nyo hi iwi-iwi' na mian anu tumuu' i uno nu kapintungan ka' i kabuhukan. Ia montaka' kita i jalan anu mokiijo' i kadamean.”