2 TAWARIKH 21:3 - KITAB NU TUMPU ALLA LELE MA'IMAI'

³ Aha nohumpak manjoo' hondo na mosoni', salaka ka' to bala-balang sangga'at anu mahan na olinyo anu ingala nu aha hi tuumanyo, ka' suele toto samian binee'an kota' anu ko bentengnyo i da'erah Yehuda. Panyo kalana i Yehoram anak mo'ane anu tumpenyo, ia ahi' na pinoto'i i Yosafat timbali tomundo.

2 TAWARIKH 21:3 ပူးပေါင်းရင်းမြစ်များ

KAJADIAN 25:6

tempo'nyo ia daagi' tutuu' ia nombee'imo palasen manjoo' hondo hi to ana-anak anu i humpaknyo hi to bengke-bengkele'nyo sangga'at. Lapas aijo' pinokaunyomo na to ana-anaknyo haha aijo' da molalinmo i da'erah sasu kabete'an Kana'an da matikojo'on hi Ishak anaknyo.

2 TAWARIKH 11:23

Pande hondo na i Rehabeam nombee'i pangkat to ana-anaknyo momo'ane ka' nompokalajamo aha i iwi-iwi' na kota' anu ko bentengnyomo i songko-songko na da'erah Yehuda ka' Benyamin. Ia nombagiimo aha anu o kaan manjoo' hondo, ka' nontoukaimo anu bau bengkele' nu aha suele manjoo' hondo.

2 TAWARIKH 11:5

I Rehabeam jinojoongmo i Yerusalem ka' nompalentahmo mian da mombau benteng i iwi-iwi' na kota' i da'erah Yehuda ka' Benyamin aijo'mo: kota' Betlehem, Etam, Tekoa,

YEHEZKIEL 46:16

Tumpu Anu Matangkas na Kuasanyo nombee'imo palentah, Ia notatae, “De anu balakuasa mompalentah mombee'imo sambagian na tano' pusaka'nyo hi samian na anaknyo mo'ane, tano' aijo' timbalimo anu nu anaknyo ka' jadimo halata' nu auannyo.