2 TAWARIKH 21:15 - KITAB NU TUMPU ALLA LELE MA'IMAI'

¹⁵ I Tomundo suele nukonamo nu panyakit usus anu sansinaa toka sansinaa ko boa-boatnyomo!”

2 TAWARIKH 21:15 ပူးပေါင်းရင်းမြစ်များ

2 TAWARIKH 21:14

Hukuman anu maboat hondo lengkat mae hi Tumpu nongkonamo mian da'isan, to ana-anak tiba to bengke-bengkele' nu belento Tomundo, ka' mongideimo iwi-iwi' na halata' nu Belento Tomundo.

MAZMUR 109:18

De hi ia mongkutuki aijo' sa'angu' na palabuatan anu madi'mo okatalanggangakon, pokakanamo sumo ia mompusok baju'nyo. Bakas da kutuk aijo' na molabe-labesmo susumo uee aijo' i butongnyo, ka' susumo lanya' minsoop i uno nu buku nu butongnyo iwi-iwi'.

NOMBILANGMO 5:27

De boune aijo' nasala'mo, ueemo aijo' na nonsabapi ia masakitmo hondo; Kompongnyo sombakmo ka' jalempakannyo mingkihu-kihutmo. Sanggonyo timbalimo kutuk aijo' hi aha bansanyo kalana sinumpa'mo.

SISIKON NU TO RASUL-RASUL 1:18

I Yudas aiya nohumpakmo tano' bau polamunan anu ihumpaknyo salaku tambonyo lewa' nombau anu ma'idek mongkabisa'i mian. Ia nanabu' ka' i nate ka' kompongnyo nobiha' sampe isi nu kompongnyo nosabat iwi-iwi'.

SISIKON NU TO RASUL-RASUL 12:23

I tempo'mo aitu na malaikat nu Tumpu nohapa' i Herodes, kalana ia madi' mongadati Tumpu. I Herodes kinaan nu ias lantas i mate.

PO'ULE' INGULIT 28:27

Tumpu mohukumo belemiu nu to bisu-bisun susumo anu binau-Nyomo hi aha mian nu Mesir. Butong nu belemiu nukonamo nu sagala anu saja' minana' ka' kumahut anu mombalasi, panyo madi' ko pakuli'nyo.

PO'ULE' INGULIT 28:37

Iyaya mae na lipu' pinongga'a-ga'atakonan nu Tumpu belemiu, to mia-miannyo mabuhukmo na montoa belemiu; belemiu lewa'mo o'aluu ka' nukokojoi nu aha.

PO'ULE' INGULIT 28:59

Tumpu mompotokamo mae hi belemiu ka' hi lee' nu belemiu to panya-panyakit anu madi' opoko ala opa'alin ka' panyakit anu molele anu madi' opoko ala opakuli'i.

PO'ULE' INGULIT 28:61

Tumpu mule' mompotokamo mae ngangahan nu panyakit ka' anu molele anu madi' sinanggo i kitab aiya, i kitab atulan nu Tumpu. Lantas belemiu osilakaimo.

PO'ULE' INGULIT 28:67

Maumo pa' apaa na anu otoa nu belemiu sule nu belemiu langkakatanmo kalana mabuhukmo. Daagi' subu belemiu monggaganmo da malomo, ka' de malomo belemiu monggaganmo da subu-subumo.