2 TAWARIKH 21:14 - KITAB NU TUMPU ALLA LELE MA'IMAI'

¹⁴ Hukuman anu maboat hondo lengkat mae hi Tumpu nongkonamo mian da'isan, to ana-anak tiba to bengke-bengkele' nu belento Tomundo, ka' mongideimo iwi-iwi' na halata' nu Belento Tomundo.

2 TAWARIKH 21:14 ပူးပေါင်းရင်းမြစ်များ

1 TOMU-TOMUNDO' 2:32

Tumpu mohukummo ia, kalana ia nompateimo madi' pinai poto'inyo hi tuumangku. I Abner suludadu nu Israel anu matangkas na pangkatnyo, ka' i Amasa suludadu nu Yehuda anu matangkas na pangkatnyo, ua-ua'aha madi' ko sala'nyo. Aha na lebe ma'ima' molingkudui i Yoab, panyo pinateannyomo na aha.

2 TAWARIKH 21:13

Panyo ola mule' ahi' belento Tomundo tumuu' susumo to tomu-tomundo nu Israel, ka' nonsaduakonmo mian da'isan nu aha Yehuda ka' Yerusalem madi'mo tinu-tulutan hi Tumpu Allah. Belento Tomundo nombaumo apa-apaa susumo i Tomundo Ahab ka' to aha-aha anu nombolosakonmo ia. Ka' mule' to utu-utus nu Belento Tomundo singkapmo pinatean iwi-iwi' nu Belento Tomundo, pada han aha na lebe ma'ima' molingkudui belento tomundo.

2 TAWARIKH 21:15

I Tomundo suele nukonamo nu panyakit usus anu sansinaa toka sansinaa ko boa-boatnyomo!”

NOSABATMO 20:5

Boli monsombah patong anu sumo aijo' kalana Akumo na Tumpu Allah nu belemiu, ka' Aku madi' mongka'oho' opokakanakon tiba maumo pa' apaa. To mia-mian anu mongka'ideki Aku, Ku hukum toka-toka i lee' ko totolu'nyo ka' ko opatnyo.

HOSEA 5:11

Israel osakisamo; ia madi'mo ko hak hi tano' nu aha, kalana ia talalomo ahi' nomoita tulung hi aha anu madi' moko ala montulungi ia.

IMAMAT 26:21

De belemiu tataap panggaga hi beleng-Ku ka' madi'mo montuluti Aku, saba' hukuman nu belemiu Ku paka tuangimo mule' lipat pimpitun.

MIKHA 6:16

Iwi-iwi' aijo' jadimo saidi' mae kalana belemiu nontulutimo palabuatan anu toto ide-idek hi Tomundo' Omri, tiba anaknyo aijo'mo i Tomundo' Ahab. Belemiu nontulutimo sipa-sipat nu aha. Kalana aijo' Ku hansunimo na belemiu, ka' belemiu lewa'mo opobau-bau ka' mule' lewa'mo o'alu nu iwi-iwi na bansa.”