2 TAWARIKH 21:13 - KITAB NU TUMPU ALLA LELE MA'IMAI'

¹³ Panyo ola mule' ahi' belento Tomundo tumuu' susumo to tomu-tomundo nu Israel, ka' nonsaduakonmo mian da'isan nu aha Yehuda ka' Yerusalem madi'mo tinu-tulutan hi Tumpu Allah. Belento Tomundo nombaumo apa-apaa susumo i Tomundo Ahab ka' to aha-aha anu nombolosakonmo ia. Ka' mule' to utu-utus nu Belento Tomundo singkapmo pinatean iwi-iwi' nu Belento Tomundo, pada han aha na lebe ma'ima' molingkudui belento tomundo.

2 TAWARIKH 21:13 ပူးပေါင်းရင်းမြစ်များ

1 TOMU-TOMUNDO' 16:25

I Omri saja'mo nombau dosa' anu lebe daka', i lingkuduannyomo na anu lewa' binau nu to tomu-tomundo' anu nompalentahmo ma'isa pe'e kino ianyo.

2 TOMU-TOMUNDO' 9:22

“Pa' Belento toka mae sumo salaku sangalu?” na koonyo i Yoram, hi Yehu. Tinaaman i Yehu, “Misa' sumo sangalu, de i aiya daagi' ko sando manjoo' ka' daagi' ko ponsomban pilogot anu tinampu'unanmo i Izebel tina nu beleyum aijo'?”

2 TAWARIKH 21:11

Ka' mule' ia nombaumo to pia-piangkuka na tampat ponsomban pilogot i da'erah anu i bungkutnyo nu Yehuda ka' nonsaduakonmo mian da'isan nu Yehuda ka' nonsaduakonmo mian da'isan nu Yehuda Yerusalem binaladosa'mo hi Tumpu.

2 TAWARIKH 21:14

Hukuman anu maboat hondo lengkat mae hi Tumpu nongkonamo mian da'isan, to ana-anak tiba to bengke-bengkele' nu belento Tomundo, ka' mongideimo iwi-iwi' na halata' nu Belento Tomundo.

2 TAWARIKH 21:4

Salatan ingoa'anmo i Yehoram na ia binatomundo sahosonmo, pinalentahkonnyomo na to utu-utusnyo da opatei iwi-iwi', ka' suele to mia-mian pa' aha sangkuka na anu ko pangkatnyo matangkas.

2 TAWARIKH 21:6

Ia nontihomo mosia na kantumuu'an i Tomundo Ahab ka' to tomu-tomundo sangga'at nu Israel, kalana ia no'osoamo tiba samian na anak boune i Ahab. Ia binaladosa'mo hi Tumpu,

2 TAWARIKH 24:18

Sahingga mian da'isan madi'mo nonsombah Tumpu i Laigan nu Tumpu, Tumpu Allah mompolee' nu aha, panyo nonsombahmo pilogot ka' to pato-patong Pilogot boune Asyera. Dosa' nu aha aijo' nonsaduakonmo da Yoyada ka' Yerusalem tinambuha'anmo nu Tumpu.

NOSABATMO 34:15

Boli mombau palajanjian tiba bansa nu lipu' aijo' kalana de aha monsombahmo ka' monsombahkonmo koloban hi to pilo-pilogot nu aha, aha mongendeimo belemiu, ka' obatukimo nu belemiu.

YESAYA 26:21

Mintatau'je mae na Tumpu lengkat mae aita' isuluga' kajo-kajojoongan-Nyo da mohukumo mian anu jojoong i dunia kalana dosa' nu aha. Aha mompatei aijo' madi' osumbu-sumbu' panyo sidi' mae osumbu'je ahi'. Tano' madi'mo daagi' montabuhi aha to mia-mian anu sinilaka pipinateanmo aijo'.

HABAKUK 2:12

Kinutukan na beleyum! Kalana palabuatan nu beleyum ma'i-ma'idek atina' sahingga noko alamo nombau kota'. Ka' nombau atina' lewa' nompatei mian.

PO'ULE' INGULIT 31:16

Tumpu notataemo hi Musa, “Madi'mo pin beleyum silakamo. De beleyum silakamo, bansa Israel madi'mo daagi' mohongo-hongo Aku ka' mompojalomo apaa na anu jinanji'Kumo hi aha. Aha mompala'imo Aku da monsombahmo to pilo-pilogot anu nusombah nu lipu' anu madi'mo pin nupinsoopimo nu aha.

1 YOHANES 3:12

Boli kita sumo i Kain, anu tinimbalimo anak nu Ibilis ka' nompateimo posi Utusnyo. Apaa na sababnyo i Kain nompateimo Utusnyo? Kalana hahan anu binaunyomo aijo' sala', panyo hahan anu binaumo nu Utusnyo aijo' totu'u.