2 TAWARIKH 21:12 - KITAB NU TUMPU ALLA LELE MA'IMAI'

¹² Lantas i Yehoram nohumpakmo sa'angu' na sulat anu tinulis i Nabi Elia tempo'nyo ia daagi' tutuu'. Sumo uuka na onyi' nu sulat aijo', “O Tumpu, Tumpu Allah anu sinombah i Daud, mohukumo i Tomundo kalana i Tomundo madi'mo nombatuki kalakuan nu tuuma ka' kai' nu Belento Tomundo.

2 TAWARIKH 21:12 ပူးပေါင်းရင်းမြစ်များ

1 TOMU-TOMUNDO' 15:11

Susumo i Daud mompolee'nyo mae, i Asa suele momposanang kinyonyoa nu Tumpu.

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

1 TOMU-TOMUNDO' 22:43

Susumo i Asa, tuumanyo, i Yosafat suele nombaumo apa na anu ma'ima' i mata nu Tumpu. Madi'mo hondo-hondo pinobee'nyo na to momo'ane ka' to bou-boune bakalaja i tampa-tampat nu mian masala' salaku bau ponsombah nu aha pilogot i uno nu kalaja'annyo anu binaumo nu mian salatan pe'e mae i Asa Tuuanyo. Panyo tampat ponsomban pilogot haha aijo' madi' ingideannyo. Aha mian da'isan daagi' saja' monsombahkon koloban ka' kamangian i tampat aijo'. I Yosafat nombaumo manjoo' hondo na kapal Tarsis da mamba mongala mosoni' kiijo' mae i Ofir, panyo' kapal haha aijo' madi' jadi namba tinalabut kalana na'idekmo kiijo' i Ezion-Geber. I Tomundo' Ahazia anu lengkat mae i Israel nonsale'imo da anu mokalaja i kapalnyo mamba hingga-hinggat tiba anu mokalaja i kapal hi Yosafat, panyo i Yosafat madi' mongka'oho' padahan ia mompaha sumbu hondo tiba tomundo nu aha Israel. Salatan i Yosafat sinilakamo ia i lamunmo i tampat pinolamunan to tomu-tomundo' i kota' Daud. I Yoram anaknyo na tinimbali tomundo nombolosakon ia. Sisikon sangga'at mongkona i Yosafat, mongkona kabaniannyo ka' ia lewa' mahampate tinulismo i Kitab Sisikon nu to Tomu-tomundo' nu Yehuda. Tempo'nyo aitu lipu' Edom madi'mo ko tomundo'nyo. Anu mompalentah i kiijo' samian na kapala da'erah.

2 TOMU-TOMUNDO' 2:1

Tempo'nyo tinokamo, nuhangkatmo nu Tumpu na i Elia mambamo i Suluga' ia i hangkatmo nu mombun anu makansang hondo. Tempo'nyo aitu i Elia ka' i Elisa nambamo lengkat i Gilgal.

2 TOMU-TOMUNDO' 2:11

Hau-haunyo aha laja-lajang aha sabasi-basisiknyo. Monti-montiik sa'angu'na kareta anu ko apunyo anu nu hela' nu ajahan ko apunyo tinokamo mae nongoloti aha, lantas i Elia i hangkatmo namba i suluga' nu mombun anu makansang hondo.

2 TAWARIKH 14:1

Salatan sinilakamo na i Tomundo Abia ka' i lamunmo i pinolamunan to tomu-tomundo i kota' Daud, i Asa anaknyo momo'ane na i hangkatmo binau tomundo pinombolosi ia. Tempo'nyo i Asa nompalentah lipu' nu Yehuda madi'mo ko anu lewa' mamba mae mompahampateakon, sinampulu' na taun na kinopinnyo.

YEREMIA 36:2

“Ala na kitab sa'angu' anu ilulun, ka' tulis ikiijo' iwi-iwi' na anu pinoto'ing-Kumo hi beleyum mongkona Israel tiba Yehuda ka' mule' mongkona iwi-iwi' na bansa. Tulis iwi-iwi na potataengKu lengkat pe'e mae momonanyo Aku notataemo hi beleyum tempo'nyo i Tomundo' Yosia nompalentahmo sampe tempo uuka aiya.

YEREMIA 36:23

Salatan totolu'mo kabai opatmo nakalimat na binasa'akon i Yehudi, ingalamo itomundo' ka' sinayu'annyomo na bahagian aijo' nu piso' ise-ise' ka' ingalinnyomo i uno nu apu. Sumo aijo'mo na saja' binaunyo sampe iningkot na kitab anu ilulun ai-aijo' nopapu.

DANIEL 5:5

Monti-montiik nontoamo lima nu mian nontulis apa-apaa i pimpi nu laigan anu kajo-kajojoongan nu tomundo' i tampat anu talalo hondo kantoan de nu pense'mo mae nu sulu' sahingga i tomundo' nontoamo mana-manasa.