2 TAWARIKH 20:9 - KITAB NU TUMPU ALLA LELE MA'IMAI'

⁹ tukoonyo de aha o hukumo kalana aha nombaumo dosa', ka' aha nupahampateakonmo mae nu mian, panyakit anu molele, kabai kasusa'an i anu o kaan tokamo mae, aha timbali toka hi belento ka' tuminjo i ahop nu laigan ponsomban aiya. Maumo aha i uno nu kasusa'an aha timbali balado'a hi belento, ka' belento mohongo ka' montulungi aha.

2 TAWARIKH 20:9 ပူးပေါင်းရင်းမြစ်များ

1 TOMU-TOMUNDO' 8:33

De mian nu Israel anu pinalesayamo hi Belento nu patundu'mo nu sampo' bali'nyo iwi-iwi' kalana binaladosa'mo lantas aha po'ule'mo balatobat hi Belento ka' mongadatimo Belento salaku Tumpu, lapas aijo' mambamo mae i laigan ponsomban aiya ka' balado'amo momoita da o ampuni nu Belento,

1 TOMU-TOMUNDO' 8:37

De lipu' aiya nu tokai nu kasusa'an i anu o kaan kabai panyakit anu molele ka' anu o su'an iwi-iwi' ola manggas nu posinaa, koe'on kabai nu kekedi nu kihi-kihi', kabai de mian anu pinalesayamo hi Belento nu tumbuhi nu sampo bali' kabai nu tokai mae nu panyakit,

2 TAWARIKH 20:8

Aha jinojoongmo aiya ka' nombaumo sa'angu' na laigan bau ponsomban belento. Nusumbu' nu aha,

2 TAWARIKH 6:20

Ku taha'imani da sinaa ka' malom belento monjagai mae laigan aiya anu pinile'anmo nu Belento salaku tampat bau ponsoban belento kita Tumpu. Ku taha'imani da kiita' mae i tampat kajojoongan nu Belento i suluga' belento mohongo mae ka' mongampuni aku ka' mule' mian nu Israel, mian anu pinalesayamo hi belento aijo', de kami tokamo mae i laigan aiya, ka' balado'amo hi belento.

EZRA 10:1

Hau-haunyo i Ezra binalado'a ka' i humangmo ka' nongakuimo dosa' i ahop nu Laigan nu Tumpu, manjoo' hondo na mian nu Israel tinokamo sinihuk mau to momo'ane, kabai to boboune, ka' to ana-anak. Tinikubanmo nu aha na ia ka' singkapmo nolotando' na i humang.

MAZMUR 50:15

Pongkakase mae hi Beleng-Ku de nu tokaimo nu kasusa'an, Aku mompobebasmo belemiu, ka' opuji'mo nu belemiu na Aku.”

MAZMUR 91:3

Ia na molapasakon beleyum da madi' nukona nu kasilakan anu opohowini, ka' panyakit anu momboa kasilakan.

NOSABATMO 20:24

Baui na Aku sa'angu' na mezbah te tano' na obau lantas sombahkonmo ikiijo' domba ka' sapi' nu belemiu bau koloban anu otunui ka' koloban bau pompodame. Maumo pa'ia mae na tampat anu Ku tantukan hi belemiu salaku tampat ponsomban Aku, Aku tionyo mae toka ka' mombalakati belemiu.

NOSABATMO 23:21

O intomakon ka' otuluti na ia. Boli moto idek hi ia kalana ia Aku na nonsai ka' ia madi' mongampuni kasala'an nu belemiu.

MATIUS 18:20

Kalana iya na mian ua'aha kabai totolu' na mogombu kalana Aku, Aku toka i totonga' nu aha.”