2 TAWARIKH 20:7 - KITAB NU TUMPU ALLA LELE MA'IMAI'

⁷ Belentomo na Tumpu Allah mami. Tempo'nyo mian anu palesayamo hi belento, bansa Israel tinokamo i lipu' aiya, i laa'mo nu Belento na to mia-mian anu tempo'nyo aitu jojoong i aiya. Lantas binee'mo nu Belento na lipu' aiya hi lee' i Abram, bela' nu Belento, da ahamo na tumpunyo sampe toka sidu-sidutu'.

2 TAWARIKH 20:7 ပူးပေါင်းရင်းမြစ်များ

KAJADIAN 12:7

Tumpu nanintoamo hi Abram ka' notatae hi ia, “Aiyamo na lipu' anu Ku bee'mo hi lee' nu beleyum.” Lantas i Abram nompotinjomo sa'angu' na mezbah ikiijo' bau ponsomban Tumpu anu nanintoamo hi ia.

KAJADIAN 13:15

Ku bee'mo hi beleyum ka' hi lee' nu beleyum na tano' songko-songko anu tinoamo nu beleyum atina' da timbalimo bau bagi nu beleyum sampe toka sidu-sidutu'.

KAJADIAN 17:7

Ku totu'uakonje na palajanjian-Ku hi beleyum, ka' toka-toka hi lee' nu beleyum molundu-lundu, ka' palajanjian aijo' sampe toka sidu-sidutu'. Aku timbalimo Tumpu Allah nu beleyum ka' Tumpu Allah nu lee' nu beleyum.

2 TAWARIKH 14:11

Lantas i Asa binalado'amo hi Tumpu Allah-nyo, “O Tumpu, olamo belento na timbali montulungi mian anu madi' mahoson mongewa anu mahoson. Tulungi mae na kami uuka aiya, O Tumpu Allah mami! Samata-mata olamo hi belento na patisehan mami, ka' hi sanggo nu Belento na kami nambamo mahampate mongewa gombuan nu suludadu anu manjoo' hondo aiya. O Tumpu belentomo na Tumpu Allah mami. Boli opobee' na butong nu Belento nu patundu'mo nu samian na manusia.”

2 TAWARIKH 20:8

Aha jinojoongmo aiya ka' nombaumo sa'angu' na laigan bau ponsomban belento. Nusumbu' nu aha,

NEHEMIA 9:8

Tinokan nu Belento na ia tulu-tulutan hi Belento ka' mohongo-hongo. Lantas nombaumo na Belento tiba ia palajanjian anu otaha'imani hondo. Tano' nu Kana'an, Het tiba Amori, tano' Feris, Yebus tiba Girgasi. Iwi-iwi' aijo' Nu bee'mo hi aha salaku bau kajojoongan nu lee'nyo iwi-iwi'. Lapas aijo' ginanapanmo nu Belento na palajanjian aijo' hi ia. Kalana Belento adin ka' mule' totu-totu'u na kinyonyoa.

MAZMUR 44:2

O Tumpu, pinosi hongomo mami sisikon anu sinisikmo nu mompolee' mami mongkona palabuatan anu opalias hondo bibinaumo nu Belento tempo'nyo naipuan mae.

MAZMUR 44:3

Posi Belentomo ahi' na nolaa' to bansa-bansa da mian anu palesayamo hi Belento tataapmo ilipu' nu aha. To bansa-bansa sangga'at sinilakanmo nu Belento panyo mian anu palesayamo hi Belento na pinoloasmo ahi' nu Belento da ko pintu-pintuangnyo.

MAZMUR 80:8

O, Tumpu, Anu Daka na Kuasa-Nyo po'ule' mae pokopianiakon na kantumuu'an mami; polibos mae na montoa kami, da kami salamat.

NOSABATMO 20:2

“Akumo na Tumpu Allah nu belemiu anu nomboamo mae belemiu nosabat lengkat i Mesir tampat nu belemiu binotuanan.

NOSABATMO 33:2

Aku monsaije samian na malaekat da molaya' belemiu. Aku molaa'je bansa nu Kana'an, Amori, Het, Feris, Hewi ka' Yebus.

NOSABATMO 6:7

Belemiu Ku boamo i lipu' anu jina-jinanji'-Kumo ka' binauakonmo sumpa' hi Abraham, hi Ishak, ka' hi Yakub; tano' aijo' Ku bee'mo hi belemiu, belemiumo na tumpunyo. Akumo na Tumpu.”

YESAYA 41:8

Panyo beleyum Israel posaihon-Ku, mian anu pinile'an-Kumo beleyum lee' mae i Abram, sampobela'-Ku.

YOHANES 11:11

Sumo aijo' na koonyo i Yesus. Lapas aijo' Ia notatae mule', “Bela'to i Lazarus i hoyotmo, panyo mambaje Ku bulaakon na ia.”

YOHANES 15:15

Komiu madi'mo Ku laga botuan, kalana botuan madi' monsumbu' apaa na anu hau-haunyo nubau nu tuannyo. Komiu Ku laga bela' kalana iwi-iwi' na anu i hongong-Ku lengkat mae hi Tuuma, pinoto'ingkumo hi komiu.

PO'ULE' INGULIT 4:38

Aha bansa-bansa anu lebe daka' ka' lebe mahoson i laa'-Nyo ka' nompala'imo belemiu kalana nolaya'mo belemiu mamba i lipu' nu aha, anu binee'-Nyomo hi belemiu, lipu' anu uuka aiya tinimbalimo anu nu belemiu.

YAKOBUS 2:23

Aijo' sosok tiba ayat nu Kitab nu Tumpu aiya, “I Abraham palesaya hi Tumpu, ka' kalana imannyo aijo', Tumpu Allah nontalima ia salaku mian anu montuluti pongka'oho' nu Tumpu Allah.” Mokonyo aijo' i Abraham osanggohi, “Bella' nu Tumpu Allah.”

YOSUA 1:6

Tionyo ahi' beleyum palesaya totu-totu'u ka' baani kalana beleyumo na molaya' bansa aiya de aha jojoongmo i lipu' anu jinanji'-Kumo hi mompolee' nu aha.

YOSUA 23:9

Bansa anu toto daka-daka' ka' mahoson i laa'mo nu Tumpu da mompala'i belemiu; aha aijo' madi' ko anu moko ala mongewa belemiu.

YOSUA 24:13

Tano' anu binee'-Kumo hi belemiu, ingalamo nu belemiu mau madi' kinolawe apa-apaa. Ka' kota-kota anu binee'Kumo hi belemiu misa' belemiu na nombau. Panyo tempo' uuka aiya belemiumo na jinojoong ikiijo', ka' belemiumo na nongkaan bua' nu anggur ka' bua' nu zaitun padahan misa' belemiu na nonsu'an.’ ”

YOSUA 24:3

Lantas ingalang-Ku na i Abraham tuuma nu mompolee' miu aijo', lengkat mae i lipu' anu i santoa nu Efrat aijo' ka' nonsai ia da mamba monsongkohi iwi-iwi' na lipu' nu Kana'an. Aku nombee'imo da nanjoo' na lee'nyo. Momonanyo anu binee'-Ku hi ia i Ishak,