2 TAWARIKH 20:6 - KITAB NU TUMPU ALLA LELE MA'IMAI'

⁶ ka' binalado'amo daka-daka' na notatae, “O Tumpu, Tumpu Allah nu mompolee' mami! Belento Tumpu Allah kiita' i suluga' ka' mompalentah iwi-iwi' na bansa i dunia aiya. Daka' hondo na kuasa nu belento, ka' madi' opoko hungku'i; madi' ko mian anu moko ala mongewa belento.

2 TAWARIKH 20:6 ပူးပေါင်းရင်းမြစ်များ

1 TOMU-TOMUNDO' 8:23

ka' binalado'a, “O Tumpu, Tumpu Allah nu Israel! Aita' i langit kabai aiya i Tano' madi' ko anu pokakana sumo Belento!

1 TAWARIKH 29:18

O Tumpu Allah anu nu sombah i Abraham, i Ishak tiba i Yakub mompolee' mami, de timbali da belento montoa mae kami da mian anu pinalesayamo hi belento sabole-bole mongka'ima'i belento susumo tempo' uuka aiya ka' tulungiakon mae da aha saja' tulu-tulutan hi belento.

2 TAWARIKH 20:5

Aha hingga-hinggat tiba to mia-mian anu jojoong i Yerusalem sinilimu'mo i popasan nu Laigan nu Tumpu anu sala'je binau. I tomundo Yosafat tinuminjomo i ahop nu aha,

2 TAWARIKH 25:8

Panyo de belento Tomundo sabole-bole mongala aha, nupojohokmo nu Tumpu Allah na belento Tomundo' da nupatundu' nu sampo bali', maumo suludadu nu Belento Tomundo mahoson ka' baani. Kalana ola Tumpu Allah na anu daka' hondo na kuasanyo timbali mombee'i ka'untungan mahampate, kabai opatundu'.”

2 TAWARIKH 6:14

“O, Tumpu, Tumpu Allah nu Israel! Aita' i langit kabai aiya i tano' madi' ko anu sumo belento! Belento nongganapimo janji' nu Belento ka' nompotoamo kalibosan nu Belento hi mian anu pinalesayamo hi belento, anu mohongo-hongo ka' tulu-tulutan lengkat i konyonyoanyo anu totu-totu'u hondo hi belento.

AYUB 9:4

Tumpu Allah aijo' talalo hondo pande na bapikin ka' balakuasa hondo, ihe na moko ala mongahopi mongewa Ia?

MAZMUR 115:3

Tumpu-nto kiita' mae i suluga', Ia nombaumo apaa na anu tinanga'an-Nyomo.

MAZMUR 46:11

Ia notatae, “Belentimo na mahampate; da osumbu' saba, Akumo aiya na Tumpu, Aku talasanggo madi' pokakana bansa-bansa, talasanggo isongko-songko na dunia.”

MAZMUR 47:2

Pohapa'i lima lame-lame', o iwi-iwi' na bansa! Opuji' na Tumpu ka' pontaligalai!

MAZMUR 47:8

Tumpu atina'mo na Tomundo' isongko-songko na dunia, opuji' na Ia nu nyanyian anu ma'ima' hondo!

MAZMUR 54:1

Anu mongkapalai panyanyi. Kinuti'akon kasapi'. Nyanyian pangajalan i Daud,

MAZMUR 62:11

Boli montaha'imani anu ola o humpak kalana opakisa hi mian, ka' boli montakabunakon balang anu opahuhuakon. Ka' mule' de kakaya'an nu belemiu mompaka pintuangmo, boli kinyonyoa nu belemiu me saja' kiijo' i halata'.

NOSABATMO 3:6

Aku aiya Tumpu Allah nu mompolee' nu beleyum, Tumpu Allah i Abraham, i Ishak ka' i Yakub”. Lantas i Musa nongkukumbungimo ohupnyo, kalana ia mabuhuk na mondin Tumpu Allah.

YESAYA 14:27

Tumpu Anu Daka' na Kuasanyo nontantukanmo da obaumo sumo aijo'. Ia nontangkakonmo botokonnyo kahanda' mohukumo ka' madi' ko samian pe'e na moko ala montewa' Ia.

YESAYA 66:1

Tumpu notatae, “Langit atina'mo na kajojoongan-Ku, ka' tano' katinjoan nu tengkeng-Ku. Jadi laigan anu mosia na anu nu bauakon hi beleng-Ku, ka' tampat iya mae na pombauan nu beleyum bau jojoongan-Ku?

YEREMIA 49:19

Susumo singa nasasubamo mae lengkat i alas anu daka' hondo koko Kaunyo nu Yordan ka' nompanjolongimo padang tampat nu domba lewa' mongotot, sumo aijo'mo na Aku toka mae mompotolokengkeng mian nu Edom sahingga mopalaimo mompala'imo lipu' nu aha. Lantas Aku mompile'imo samian na anu timbali polaya' da mompalentah bansa aijo'. Ihe na timbali bau pompokakanakonan tiba Aku? Ihe na baani mahampalakala tiba Aku? Te daagi' ko polaya' anu moko ala mongewa Aku?

DANIEL 4:17

Sumo aijo' na kaputusan nu kami to mala-malaekat anu binalajaga-jagamo ka' siniapmo. Pongka oho' mami da to mia-mian maumo pa' iyamae mongakui saba' Tumpu Anu Matangkas na Kuasanyo mongkuasaimo kalaja'an nu manusia ka' kalaja'an aijo' Nu bee' hihe na anu pinile'an-Nyomo ka' mule' hi mian anu madi' ko alati'nyo apa-apaa!’

DANIEL 4:25

Belento Tuanku olaa'mo nu mian da'isan ka' tumuu'mo tiba to bina-binatang i padang. Kopinnyo popitu' na taun na belento Tuanku mongkaanmo hemput susumo sapi' ka' hoyotmo i tano' anu madi' ko atopnyo nu humpisimo nu dondu'ok. Lapas aijo' o akuimo nu belento na Tumpu Allah Anu Matangkas na Kuasanyo i kalaja'an nu manusia ka' kalaja'an aijo' Ia na mombee' hihe na anu pinile'an-Nyomo.

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

MATIUS 6:9

Jadi balado'a sumo uuka, ‘Tuuma mami isuluga': Sa'a-sa'angu'nyo kita na Tumpu. O'amalakon kitamo na anu o sombah ka' anu o'angga'i.

SISIKON NU TO RASUL-RASUL 11:17

Jadi hondo-hondomo Tumpu mombee'i suele hi to mia-mian anu madi' bala agama Yahudi aijo', anu o bee' pokakana tiba anu binee'-Nyo hi kita tempo'nyo kita pinalesayamo hi Tumpu Yesus Kristus. Kalana aijo', te toho' mule' aku montewa' Tumpu!”

ROMA 9:19

Tantu, kita Utus motataemo hi belengku, “Desumo aitu kadaka' Tumpu daagi' mompoosala' mian? Te misa' madi' ko samian pe'e na moko tewa' pongka'oho' nu Tumpu?”

PO'ULE' INGULIT 4:39

Kalana aijo' soba ahi' tutugi sinaa aiya ka' bolimo okolilimi, ola Tumpu sa'a-sa'angu'nyomo na Tumpu Allah i langit ka' i dunia; madi' ko anu sangga'at.

YOSUA 2:11

Salatan ihongomo mami na lele haha aijo' kami nabuhukmo hondo. Iwi-iwi' na mian aiya hi kami madi'mo ko anu binaani kalana nohongomo belemiu. Tumpu Allah nu belemiu totu-totu'u Tumpu Allah Anu Daka' na Kuasanyo aita' i langit ka' aiya i dunia.