2 TAWARIKH 20:29 - KITAB NU TUMPU ALLA LELE MA'IMAI'

²⁹ Iwi-iwi' na kalaja'an sangga'at nabuhukmo salatan aha nohongomo Tumpu nompatundu'mo iwi-iwi' na sampo bali' nu Israel.

2 TAWARIKH 20:29 ပူးပေါင်းရင်းမြစ်များ

KAJADIAN 35:5

Salatan i Yakub ka' aha iwi-iwi' sa'anakan nambamo, Tumpu Allah nompobuhukmo anu jojoong i kota haha aijo' iwi-iwi', sahingga aha nabuhukmo, jadi aha madi'mo nololoi' i Yakub ka' sangalunyo iwi-iwi'.

2 TOMU-TOMUNDO' 7:6

Kalana, Tumpu nombaumo mian nu Siria da nohongomo lewo' susumo suludadu anu monsake'i ajahan ka' kareta montumbuhimo mae. Mian nu Siria haha aijo' nonsangkamo au'aitu tomundo' nu Israel nontamboimo i tomundo' Het ka' Mesir tiba suludadunyo nu aha da montumbuhi aha.

2 TAWARIKH 14:13

I Asa ka' suludadunyo nololoi'mo aha tinoka-toka i Gerar. Aha suludadu nu Sudan manjoo' hondo na anu sinilakamo sahingga suludadu nu aha madi'mo noko ala gawe kalana i hopu'an mo nu Tumpu, ka' suludadu nu Yehuda lewa'mo nompahuhuakon manjoo' hondo na to bala-balang nu aha. Lapas aijo' suludadu nu aha Yehuda lewa'mo nongidei kota' iwi-iwi' i da'erah songko-songko Gerar, kalana pinotimbalimo nu Tumpu na mian anu jojoong i kiijo' nabuhukmo. Suludadu nu aha Yehuda lewa'mo nompahuhuakon isi nu kota haha aijo', ka' manjoo' hondo na balang i humpak nu aha.

2 TAWARIKH 17:10

Binaumo nu Tumpu na kalaja'an iwi-iwi' anu mompaha'ohani Yehuda da nabuhukmo na mahampate mongewa i Tomundo Yosafat.

2 TAWARIKH 20:28

Salatan tinokamo i kota', aha nojiji'mo na i lumajang nokiijo' i Laigan nu Tumpu ka' mule' kinuti'mo na kasapi ka' tolompet pinuhanmo.

MAZMUR 76:8

Totu-totu'u Belento okabuhuk hondo. De Belento motambuha'mo, ihe na moko ala mongahopi?

NOSABATMO 14:14

Tumpu na mahampate monjagai belemiu, ka' belemiu boli mombau apa-apaa.”

NOSABATMO 14:25

Pinotimbali-Nyomo na loda-loda nu kaleta nu aha na'idekmo sahingga aha madi'mo noko ala namba lau-laus. Mian nu Mesir notataemo, “Tumpu nahampatemo monjagai mian nu Israel mongewa kita. Imbo' pala'i na tampat aiya!”

NOSABATMO 23:27

To bansa-bansa anu otokai nu belemiu Ku potimbalije da aha mabuhuk hi beleng-Ku; Ku pogago'je na aha, iwi-iwi' na sampobali' nu belemiu minsusule'mo ka' mopadeka'mo.

YOSUA 5:1

Iwi-iwi' na tomundo nu aha Amori i sasu kinsoban Kaunyo nu Yordan, ka' iwi-iwi' na tomundo nu aha Kana'an i sonibi nu Ambai Totonga'nyo nohongomo tukoonyo Kaunyo nu Yordan pinoti'imo nu Tumpu salatan mian nu aha Israel notaapmo i kaunyo aijo'. Sahingga aha nabuhukmo hi mian nu aha Israel ka' i lakatnyomo.