2 TAWARIKH 20:27 - KITAB NU TUMPU ALLA LELE MA'IMAI'

²⁷ Lantas iwi-iwi' na suludadu sinule'akonmo i Yosafat nambamo i Yerusalem, aha ilame'mo kalana Tumpu, nompatundu'mo sampo bali' nu aha.

2 TAWARIKH 20:27 ပူးပေါင်းရင်းမြစ်များ

2 TAWARIKH 20:26

Tinoka i sinaa ko ipatonnyomo aha iwi-iwi' sinihukmo i Bangka'nyo Pompuji'an, ka' nompuji'mo Tumpu na aha kalana han apaa na anu binau-Nyomo aijo' iwi-iwi'. Mokonyo aijo' bangka'nyo aijo' sinanggohanmo, “Pompuji'an.”

2 TAWARIKH 20:28

Salatan tinokamo i kota', aha nojiji'mo na i lumajang nokiijo' i Laigan nu Tumpu ka' mule' kinuti'mo na kasapi ka' tolompet pinuhanmo.

NEHEMIA 12:43

Sinaa aitu manjoo' hondo na koloban anu sinombahkon hi Tumpu. Mian da'isan binalame-lame'mo kalana Tumpu Allah nompobilahimo kantumuu'an nu aha. To bou-boune ka' suele to ana-anak hingga-hinggatmo nolameanmo, ka' elok nu aha, ka' mule' taligala nu aha mau majo'onmo daagi' kahongoan.

MAZMUR 20:5

O'amalakon da iwi-iwi' na anu nu kahanda'i nu beleyum Nubee' mae sahingga iwi-iwi' na anu nu tangani mingkaliangan.

MAZMUR 30:1

Mazmur i Daud. Nyanyian anu onyanyi momposawe'imo Laigan nu Tumpu.

YESAYA 35:10

Aha to mia-mian anu pinobebasmo nu Tumpu na minsusule'mo; aha minsoopmo ikota' Yerusalem ka' lewa'mo montaligalai, ohup nu aha balasahayamo kalana ilame'mo sampe toka sidu-sidutu'. Aha saidi' mae bilahimo ka' lame'mo; pikilan susa' ka 'mule' sola' motusa' imadi'anmo.

YESAYA 51:11

Sahingga aha to mia-mian anu pinobebasmo nu Tumpu minsusule'mo mae aha minsoopmo i Yerusalem ka' lewa'mo montaligalai ohup nu aha balasahayamo kalana kalame'an anu madi'mo kokamingkotannyo. Aha bilahimo ka' mule' lame'mo, kaduka'an tiba pengeluhan imadi'anmo.

YEHEZKIEL 46:10

Anu balakuasa tionyo ahi' minsoop i Laigan nu Tumpu hingga-hinggat tiba mian da'isan ka' mule de minsusule'mo tionyo ahi' po ule' mohingga-hinggat.

MIKHA 2:13

Ku buka'mo na jalan ka' momboamo belemiu mosabat lengkat i tampat pinomboan ka' pinompojoongan belemiu. Opaha sulakonmo nu belemiu na tumban nu sabatan daka' ka' belemiu bebasmo na mamba. Akumo na Tumpu, aiyamo na Tomundo' nu belemiu ka' mule' Akumo na polaya' nu belemiu mosabat.”

IBRANI 6:20

I Yesus nombuka'mo jalan mamba i tampat aijo' bau kajalananto ka' ninsoopmo nokiita' binaumo Imam Daka'to sampe toka sidu-sidutu', susumo i Imam Melkisedek.

ANU PINOTO'I HI YOHANES 18:20

O suluga', lame'akonmo na kota aijo' anu na'idekmo! O mian anu pinalesayamo hi Tumpu, to rasul-rasul, ka' to nabi-nabi balame-lame'mo! Kalana Tumpu nohukumo ia salaku pombalosi apaa na anu binaunyomo hi belemiu!

1 SAMUEL 2:1

Lantas i Hana binalado'amo, ia notatae, “Tumpu nompolame'mo kinyonyoangku; anu binau binauNyo nomposanangmo santu'ku. Sinanangmo na aku mompopo ambang sampo bali'ku, kalana totu-totu'u Tumpu Allah nontulungimo mae aku.