2 TAWARIKH 20:25 - KITAB NU TUMPU ALLA LELE MA'IMAI'

²⁵ Sahingga i Yosafat tiba to sulu-suludadunyo nambamo nompahuhuakon to bala-balang nu sampo bali'. Aha nohumpak manjoo' hondo na potu'on, talakonan, pakean, ka' to bala-balang sangga'at anu nahan na olinyo. Tinolunsinaamo na aha nontoluki balang haha aijo', panyo daagi' ahi' ko to bala-balang sangga'at anu ma'isa pinoko tolukan, sahingga pinala'ianmo nu aha.

2 TAWARIKH 20:25 ပူးပေါင်းရင်းမြစ်များ

2 TAWARIKH 20:24

Salatan suludadu nu Yehuda tinokamo i laigan tangka-tangkas pontanggalakonan kiijo' i padang mateges ka' lewa'mo nompotomatakon pa' iya mae na kajojoongan nu sampo bali', aha nontoamo bangke' notanatamo i tano'. Mau pe'e samian na suludadu nu sampo bali' haha aijo' madi'mo ko anu tinumuu'.

2 TAWARIKH 20:26

Tinoka i sinaa ko ipatonnyomo aha iwi-iwi' sinihukmo i Bangka'nyo Pompuji'an, ka' nompuji'mo Tumpu na aha kalana han apaa na anu binau-Nyomo aijo' iwi-iwi'. Mokonyo aijo' bangka'nyo aijo' sinanggohanmo, “Pompuji'an.”

MAZMUR 68:12

Tumpu nompalentahmo, lantas to boboune nompolelemo:

NOSABATMO 3:22

Batu-batu boune nu Israel momoita hi anu mompaha ohani laigan mian nu Mesir ka' hi boune mian nu Mesir anu jojoong hingga-hinggat sa'angu' na laigan; baju' ka' mainan salaka, ka' mosoni'. Opopake miu na aijo' hi to ana-anak nu belemiu, tiba jalan sumo aijo' belemiu mompahuhuimo mian nu Mesir.”

AMSAL 3:15

Kapandean bapikin lebe ko angga'nyo molingkudui batu mainan; iwi-iwi' na anu nu kahanda'i madi' ko anu mongkakanai.

ZAKHARIA 14:14

To momoane nu aha Yehuda mahampatemo monsangaja'i Yerusalem. To bala-balang anu pinahuhuakon nu aha; aha nongalamo iwi-iwi' na halata' nu to bansa-bansa anu mompaha ohani sumo mosoni', salaka ka' mule' pakean manjoo' hondo.

NOMBILANGMO 31:15

Ia notatae hi aha, “Kadaka' belemiu daagi' nompotumuu' boune haha aijo' iwi-iwi'?

NOMBILANGMO 31:53

Panyo to sulu-suludadu haha aijo' toto samian nosi alamo anu pinahuhuakon mae nu aha aijo'.

ROMA 8:37

Madi'! Ola o i uno iwi-iwi' aijo' kita mohumpakmo ka'untungan anu sukup lengkat hi Ia anu mongkalibosi kita!

YOSUA 11:14

Iwi-iwi' na mian anu jojoong i kota haha aijo' pinateanmo; mau pe'e ola samian madi'mo daagi' ko anu pinotumuu'. Panyo iwi-iwi' na balangnyo anu mahan na olinyo ka' potuu'on nu aha ingalamo nu aha mian Israel tinimbalimo aha na tumpunyo.