2 TAWARIKH 20:21 - KITAB NU TUMPU ALLA LELE MA'IMAI'

²¹ Noko lapas na binasale' tiba mian da'isan, pinoto'imo i tomundo na to mia-mian anu manyanyi da mompusokmo baju' anu pokakana na buhitnyo anu saja' opusok de ko apa-apaa obau anu samata-mata ulusan nu agama. Mian anu manyanyi haha aijo' tionyo ahi tuminjo mojiji' ima-ima' i ahop nu jiji'an nu suludadu ka' manyanyi, “O puji' na Tumpu! Kalibosannyo sampe toka sidu-sidutu' madi' ko kamingkotannyo!”

2 TAWARIKH 20:21 ပူးပေါင်းရင်းမြစ်များ

1 TAWARIKH 16:29

O puji' na sanggo-Nyo anu talasanggo ka' oboa na koloban i uno nu laigan-Nyo. Osombah na Tumpu, ka' opusok ahi' na baju' anu opusok de monsombahmo.

1 TAWARIKH 16:34

Montalima kase hi Tumpu, kalana Ia manonong; kalibosan-Nyo sampe toka sidu-sidutu'.

1 TAWARIKH 16:41

I Imam Zadok tiba imam haha aijo' nu tulungi i Heman tiba i Yedutun tiba to mia-mian sangga'at anu pinile'anmo samata-mata manyanyi anu bau pompuji' Tumpu kalana kalibosan-Nyo anu sampe toka sidu-sidutu'.

2 TAWARIKH 30:21

Ingipitun na kinopinnyo na saja' i lame' na to mia-mian anu sinihukmo i Yerusalem nolame'akon Roti anu Madi' ko Raginyo. Sansina-sinaa na to mia-mian nu Lewi ka' to ima-imam mompuji-puji' Tumpu totu-totu'u na kinyonyoa.

2 TAWARIKH 7:3

Salatan mian da'isan aha Israel nontoamo apu nintatau'mo lengkat mae i langit ka' jingka salaku tanda Tumpu tinokamo ka' nonjingkaimo Laigan nu Tumpu songko-songko, aha tinolodadupumo i salo lantas nonsombah ka' nompuji' Tumpu Allah, kalana ia manonong ka' kalibosannyo sampe toka sidu-sidutu'.

2 TAWARIKH 7:6

To ima-imam tinuminjomo i tampat anu tinantukanmo hi aha; mompaha ahop tiba mian nu aha Lewi anu mompuji' Tumpu mompake musik anu binau i Tomundo Daud, ka' onyanyiakon nu nyanyian, “Kalibosan-Nyo Sampe toka sidu-sidutu'!” Susumo anu pinoto'imo i Daud. To ima-imam mompuhi tolompet hau-haunyo mian da'isan iwi-iwi' samantala tinjo-tinjo.

NEHEMIA 12:27

Salatan pagan mesen nu kota' kahanda'mo olame'akon, to mia-mian nu Lewi pinahalagamo na aha anu jojoong pa' iyaya mae da hingga-hinggat molame'akon lamean aijo' ka' monyanyiakon bau pontalima kase ka' mule' musik gambus ka' kasapi.

MAZMUR 106:1

O puji' na Tumpu! Montalima kaseh hi Tumpu, kalana ia manonong; kalibosannyo madi' kokamingkotannyo sampe toka sidu-sidutu'.

MAZMUR 107:1

“Montalima kaseh hi Tumpu kalana Ia manonong, kalibosan-Nyo sampe toka sidu-sidutu'.”

MAZMUR 18:4

Aku mongkakase hi Tumpu anu pantas o puji', Ia nompobebasmo mae aku da boli nupoposia nu to sampo-sampobali'ku.

MAZMUR 29:2

O puji' na sanggo nu Tumpu anu talasanggo osombah na Ia nu baju' anu opusok de monsombahmo.

MAZMUR 50:2

Lengkat mae i Sion kota' anu ma'ima' hondo Tumpu tinokamo mae ka' binalasahayamo.

MAZMUR 90:17

O, Tumpu mami, balakatiakon mae na kami, da anu okalaja mami iwi-iwi' ko hasinnyo ahi'.

MAZMUR 96:9

Osombah na Tumpu, mompusok baju' anu opake de monsombah mo Ia! Langkakatanmo i ahop-Nyo, o dunia songko-songko!

AMSAL 11:14

Bansa timbali hansun de madi' ko polaya'; lebe manjoo' na anu mombee'i pokinde, lebe mohumpak mule' kasalamatan.

YEREMIA 33:11

Panyo itampat haha aijo' saidi' mae po ule'mo ohongo na lewo' nu mian anu lame' ka' anu binilahimo ka' mule' lewo' nu mian anu nombaumo babauon mo'osoa. Ka' ohongo mule' na nyanyian nu to mia-mian anu momboa koloban bau pontalima kase i Laigan-Ku. Aha motataemo, ‘Pontalima kasemo hi Tumpu Anu Balakuasa hondo, kalana Ia manonong ka' mule' kalibosan-Nyo sampe toka sidu-sidutu'.’ Lipu' aiya Ku pomajumo na kantumuu'an nu aha susumo momonanyo naipuan mae. Aku, Tumpu notataemo.”