2 TAWARIKH 20:20 - KITAB NU TUMPU ALLA LELE MA'IMAI'

²⁰ Dodododopnyo subu-subu hondo, mian da'isan nosabatmo ka' nambamo i da'erah padang mateges koko Tekoa. Salatan aha kahanda'mo mamba, pinotuunmo i Yosafat sumo uuka hi aha, “O mian da'isan Yehuda ka' Yerusalem! Opalesaya na Tumpu Allah nu belemiu, da belemiu moko ala mongewa. O hongo-hongo na pokinde' nu to nabi-nabi nu belemiu da belemiu mohumpak ka'untungan na mahampate!”

2 TAWARIKH 20:20 ပူးပေါင်းရင်းမြစ်များ

2 SAMUEL 14:2

kalana aijo' pinokilaganyomo mae na boune samian anu pande hondo jojoong kiijo' i Tekoa. Salatan boune aijo' tinokamo, pinoto'imo i Yoab hi ia, “Kita totina mingadi-adi' au'aitu hau-haunyo montoongi adat nu tomate; pusok na baju' anu biasa opake de ko mian silaka ka' bolimo mompake minya-minya'. Obau susumo boune anu pininmo na lewa' nohaangi mian anu sinilakamo, te mian anu nu kanonongi hondo.

1 TAWARIKH 4:5

I Asyur na nombau kota' Tekoa ko bengkele'nyo ua'aha, aijo'mo i Hela tiba i Naara.

2 TAWARIKH 11:6

Bet-Zur, Sokho, Adulam,

2 TAWARIKH 20:19

Lantas to mia-miannu Lewi aha mae sa'anakan i Kehat, ka' i Korah, tinuminjomo, lewa'mo nontaligalai nompuji' Tumpu, Tumpu Allah Israel.

MAZMUR 125:1

Nyanyian mamba i tampat anu ko balakatnyo. Mian anu pinalesayamo hi Tumpu, sumomo Bungkutnyo nu Sion anu mahoson hondo madi' opoko gayu' ka' montahan pin sampe toka sidu-sidutu'.

NOSABATMO 14:31

Salatan mian nu Israel nontoamo mosia na kodaka'nyo na kuasa nu Tumpu nohungku'imo mian nu Mesir, aha binangangmo hondo sahingga pinalesayamo hi Ia ka' hi Musa, posaihon-Nyo aijo'.

YESAYA 26:3

O, Tumpu Belento nombee'imo mae kadamean ka' mule' kantumuu'an anu ma'ima' hi mian anu mahoson nakinyonyoanyo, kalana ia palesaya hi Belento.

YESAYA 28:16

Kalana aijo' Tumpu Anu Matangkas na Kuasanyo notataemo sumo uuka, “Ku potimpasmo na usoi anu mahoson hondo aita' i Sion; sa'angu' na batu bau usoi anu mahan na olinyo ka' kotulisannyo: ‘Ihe na palesaya totu-totu'u madi' mangaku kala'.’

YESAYA 7:9

Israel madi' lebe mahoson molingkudui Samaria puso nu kota'nyo, ka' mule' Samaria madi' lebe mahoson molingkudui i Tomundo' Pekah. De belemiu madi' totu-totu'u palesaya hi beleng-Ku memang belemiu madi'mo moko ala totahan.”

YEREMIA 38:20

Tinaamanku, “Madi'”, “Belento Tomundo' madi' mule' obee' hi aha. Ku kakase sabole-bole da belento Tomundo' montuluti potuunon nu Tumpu; saidi' mae iwi-iwi' jadi ma'ima', ka' mule' belento Tomundo madi' ahi opatei.

YEREMIA 6:1

Lako palaimo, o tomia-mian nu Benyamin! Pala'imo na Yerusalem! Po onyi'mo na tolompet kiijo' i Tekoa ka' pomoakmo na apu salaku tanda i Bet-Kerem! Balaa' tiba kasilaka'an anu opalias hondo montumbuhimo mae lengkat isasu utara.

DANIEL 6:23

Tumpungku nonsaimo mae malaekat-Nyo nonggintumo nganga' nu singa haha aijo' sahingga aha madi'mo nompoposia aku. Ia nomposalamatmo aku aiya kalana Nu sumbu' na aku aiya madi' ko kasala'an hi Ia ka' mule' hi belento Tuanku.”

LUKAS 16:31

Panyo i Abraham notatae, ‘De aha madi' mompajuli palentah i Musa ka' to nabi-nabi, tantu ahi' aha madi' palesaya mau mule', ko anu i nate po'ule' tinumuu'.’ ”

YOHANES 11:40

I Yesus notatae hi Marta, “Te misa' tinaloakon-Kumo hi beleyum: De beleyum palesaya, nu toaje palias na kodaka'nyo na kuasa nu Tumpu!”

YOHANES 13:20

Totu-totu'u hondo na potataeng-Ku aiya: Ihena montalima mian anu Kusa-kusai, montalima Aku. Ka' ihe na montalima Aku, montalima Ia anu nonsai mae Aku.”

YOHANES 14:1

“Boli kinyonyoaum susa',” koonyo i Yesus hi aha. “Palesaya hi Tumpu, ka' palesaya suele na Aku.

ROMA 8:31

Apaa na anu opoko taloakon uuka aiya mongkona iwi-iwi' aijo'? De Tumpu mosambiha' hi kita, ihena moko ewa kita?

IBRANI 11:6

De madi' bala'iman, madi' ko samian pe'e timbali moko ala momposanang kinyonyoa nu Tumpu. Kalana mian anu toka hi bele nu Tumpu tionyo ahi' palesaya saba' Tumpu daagi', ka' Tumpu mombalosije mian anu molio Ia.