2 TAWARIKH 20:2 - KITAB NU TUMPU ALLA LELE MA'IMAI'

² Sahingga tinokamo na anu nomboa mae lele aijo' hi Tomundo Yosafat, “Manjoo' hondo na suludadu nu Edom tinokamo nolengkat mae i Santoa nu Ambai Mate montumbuhimo belento Tomundo. Pinatundu'mo ka' ingalamo nu aha na Hazezon-Tamar.” (Hazezon-Tamar sumo-sumomo En-Gedi, panyo sinanggohanmo nu sanggo sangga'at).

2 TAWARIKH 20:2 ပူးပေါင်းရင်းမြစ်များ

KAJADIAN 14:3

Oli-olima' na tomundo aijo' nosa'angu'mo ka' nomposihukmo suludadu nu aha i Bangka'nyo nu Sidim, anu tempo' uuka sinanggohanmo Ambai Mate.

KAJADIAN 14:7

Lapas aijo' aha anu nololoi' po'ule'mo ninsusule' mae ka' namba nokiijo' i En-Mispat anu tempo' uuka sinanggohanmo Kades. Aha nompatundu'mo songko-songko na tano' nu Amalek ka' nompatundu'mo mian nu Amori anu jojoong kiijo' i Hazezon-Tamar.

NYANYIAN ANU TALASANGGO 1:14

Sindua'anku sumomo sampu'un na bunga-bunga pacar isinin na ale' i En-Gedi.

YEHEZKIEL 47:10

Lengkat mae i mata nu uee anu kiijo' i En-Gedi toka-toka i mata nu uee anu kiijo' i En-Eglaim, ibahagian sonibinyo lame'mo nu to mia-mian anu mompagala ikan kalana aha montimpa'imo buani' nu aha ikiijo'. Iwi-iwi na ngahan nu ikan jojoongmo iuno nu uee aijo' susumo kiijo' i Ambai anu i Totonga'nyo.

YEHEZKIEL 47:19

Potempasan isasu salatan mompanjolongi barat daya, lengkat mae i Tamar mompanjolongi mata nu uee Kades-Meriba lantas mompanjolongimo barat laut montusakon potempasan nu Mesir toka-toka i Ambai anu i Totonga'nyo.

YEHEZKIEL 48:28

Isasu salatan tano' nu Gad ko potempasan anu lengkat mae isasu barat daya Tamar montulu mata nu uee Kades-Meriba, lantas mompatuimo mamba isasu barat laut iyamo ahi' komantannyo tiba potempasan ka' Mesir toka-toka i Ambai anu i Totonga'nyo.

NOMBILANGMO 34:12

Lantas nokiijo'mo i sasu selatan montusakon Kaunyo nu Yordan toka-toka i Ambai Mate. Aijo'mo na lipu' nu belemiu anu ko potempasannyomo titikub.”

YOSUA 3:16

tempo'nyo aijo' uee aijo' madi'mo mo'ili. Majo'on hondo aita' mae i sasu matanyo, ueenyo nosa'angu'mo i Adam sa'angu' na kota anu i sasu kota Sartan. Uee anu sasu tuntulannyo anu mo'ili mokaiyong i Ambai Mate suele madi'mo ahi' no'ili, sahingga aha mian nu Israel notaapmo i tano' anu notismo anu mompaha ahop kota nu aha Yerikho. To ima-imam anu nolemban Peti Palajanjian aijo' tataap tinuminjo i totonga' nu kaunyo sahingga iwi-iwi' na aha mian nu Israel tinokamo aijo' mae i santoanyo.