2 TAWARIKH 20:18 - KITAB NU TUMPU ALLA LELE MA'IMAI'

¹⁸ Sahingga tinolodadupumo na i Tomundo Yosafat. Iwi-iwi' na mian da'isan suelemo tinolodadupu susumo ia ka' nonsombahmo Tumpu.

2 TAWARIKH 20:18 ပူးပေါင်းရင်းမြစ်များ

KAJADIAN 24:26

Sahingga dinumaladupumo na posaihon aijo' nonsombah Tumpu.

2 TAWARIKH 20:19

Lantas to mia-miannu Lewi aha mae sa'anakan i Kehat, ka' i Korah, tinuminjomo, lewa'mo nontaligalai nompuji' Tumpu, Tumpu Allah Israel.

2 TAWARIKH 7:3

Salatan mian da'isan aha Israel nontoamo apu nintatau'mo lengkat mae i langit ka' jingka salaku tanda Tumpu tinokamo ka' nonjingkaimo Laigan nu Tumpu songko-songko, aha tinolodadupumo i salo lantas nonsombah ka' nompuji' Tumpu Allah, kalana ia manonong ka' kalibosannyo sampe toka sidu-sidutu'.

NEHEMIA 8:6

I Ezra notataemo, “O puji' na Tumpu, Tumpu Allah anu talasanggo!” Iwi-iwi' na mian da'isan nohangkatmo tangka-tangkas lima nu aha ka' nontaami, “Totu-totu'u na kinyonyoangku, totu-totu'u na kinyonyoangku!” Lantas aha tinolodadupumo nonsombah Tumpu Allah.

AYUB 1:20

Lantas tinuminjomo na i Ayub ka' binea-beaknyomo na baju' nyo salaku tanda sinusa'mo hondo na kinyonyoanyo. Kiniisnyomo na ubaknyo lantas tinolodadupumo ka' notatae,

MAZMUR 95:6

Imbo' da kita tolodadupu monsombah Ia, tolodadupu i ahop nu Tumpu, anu nompotimbali kita.

NOSABATMO 4:31

Sahingga pinalesayamo na aha, ka' salatan aha nohongomo taalu' Tumpu daagi' monginau' bansa Israel ka' nontoamo iwi-iwi' na kasansalan nu aha, aha dinumaladupumo ka' nonsombahmo.