2 TAWARIKH 20:12 - KITAB NU TUMPU ALLA LELE MA'IMAI'

¹² Belentomo na Tumpu Allah mami! Hukumo na aha, kalana kami aiya madi' moko ala mongewa suludadu anu talalo hondo manjoo' aijo', anu kahanda'mo montumbuhi mae kami. Madi'mo osumbu' mami pa' mo sia na mombau, kalana aijo' kami toka hi belento momoita tulung.”

2 TAWARIKH 20:12 ပူးပေါင်းရင်းမြစ်များ

2 SAMUEL 14:11

Boune aijo' notataemo, “De timbali balado'a na belento Tuanku hi TUMPU Allah nu belento Tuanku da mian anu kahanda' mombalosakon kalana anaku aijo' nompateimo, bolimo mombau han anu lebe ma'idek mule' ihe na monsumbu' aha kahanda'mo suele mompatei anaku anu memenyomo samian aijo'.” Tinaamanmo i Daud, “I uno nu sanggo nu Tumpu anu tumuu', anak nu beleyum aijo' madi'mo opoposia mau pe'e ola o'ende-endengi.”

1 TOMU-TOMUNDO' 1:20

Kita mian daka' anu talasanggo, iwi-iwi' na mian da'isan nu Israel, uuka aiya lewa'mo montanda'i ihe na otiju' nu belento Tomundo', timbali tomundo' mombolosakon belento Tomundo'.

2 TOMU-TOMUNDO' 6:15

Dodododopnyo subu-subu hondo salatan posaihon i Elisa nobulamo ka' nosabat tinoanyo na suludadu nu Siria nontumbuhimo mae kota' aijo', sinadiamo na kuda ka' kareta bau pahampate nu aha. Jadi ia ninsusule'mo nokiijo' hi Elisa ka' nompoto'i “Silakamo na kita Tuan! Apaa na anu obaunto?”

2 TAWARIKH 20:13

Hau-haunyo aijo' to momo'ane nu Yehuda iwi-iwi', hingga-hinggat tiba to bengke-bengkele' nu aha ka' to ana-anak nu aha tinuminjomo koko Laigan nu Tumpu.

MAZMUR 141:8

Panyo aku sabole-boleh montaha'imani Belento, o, Tumpungku, boli opojohok na aku silaka, kalana aku mihohung mo hi Belento.

MAZMUR 25:15

Matangku saja' mokiijo' hi Tumpu, kalana Ia nomposalamatmo aku da madi' kinona nu balaa'.

MAZMUR 43:1

Bee'i mae ka adinan hi belengku, o Tumpu, tinjohiakon mae na aku da madi' nu kabisa'i nu bansa anu geguan. Pobebas mae na aku da madi' nu patei nu mian anu ma'idek na kinyonyoa nu aha tiba anu saja' mongakali.

MAZMUR 7:6

pojohokmo da aku ololoi' ka' nu hakop nu anu monsampobali' mae, lantas nu pateimo ka' nu pojohokmo aijo' i tano'.

MAZMUR 7:8

Posihukmo na to bansa-bansa montikubi Belento ka' kuasaimo na aha lengkat mae atina' i kasuhangan nu Belento i suluga'.

MAZMUR 9:19

Madi' sampe tokamo sidu-sidutu' na mian anu kasiasi okolilimi; mian anu sansala madi' ahi' saja'mo, madi'mo ko anu nu taha'imani.

MAZMUR 94:2

Pobungkutmo, o mian kopian nu dunia songko-songko, hukumo na mian anu takabun sitimbang tiba palabuatan nu aha.

YESAYA 2:4

Ia na momputusi aha to bansa-bansa, ka montantukan kaputusan nu palakala hi aha tulunan nu to bansa-bansa. Bajak otutukmo da timbalimo aja' ka' mule' talombo' otutukmo da timbali piso' bau pongkis. Aha to bansa-bansa madi'mo lewa' mompaha tubu-tumbuhi, ka' mule' madi'mo lewa' balasadia da mahampatemo.

YESAYA 42:4

madi' bimbang kabai hentemo na kinyonyoa, sahingga ka adilan otoongimo i dunia aiya. Lipu' anu toto jo'o-jo'on mongindimo pangajalannyo.”

YESAYA 45:22

O, iwi-iwi' na anu jojoong i dunia, po ule' mae toka hi beleng-Ku da belemiu oposalamat, kalana olanyomo Aku na Tumpu madi'mo daagi' kosangga'atannyo!

YOËL 3:12

Tumpu poule' mule' notatae, “To bansa-bansa posadiamo ka' lako'mo i Bangka'nyo nu Pomputusian. Ikiijo' mae Aku Tumpu momputusimo to bansa-bansa anu mompaha ohani mian-Ku anu palesayamo.

YUNUS 2:4

I unonu kinyonyoangku aku nosi potataemo: Tumpu nola'mo aku aiya da bolimo ko anu daagi i ahop-Nyo. Madi'mo daagi aku montoa laigan kajojoongan-Nyo anu susi'.

PO'ULE' INGULIT 32:36

Tumpu momposalamatmo mian anu pinalesayamo hi Ia ka' mongkalibosimo to posa-posaihon-Nyo, de Nu toamo na aha madi'mo moko ala mombau apa-apaa ka' madi'mo ko kahosonan.

ANU PINOTO'I HI YOHANES 19:11

Lapas aijo' aku nontoamo suluga' tinabuka'mo, lantas nontoamo sa'angu' na ajahan mopute'. Anu nonsake'i sanggo-Nyo Anu Mohongo-hongo hondo ka' Anu Totu'u hondo. Ia adin na momputusi hukuman ka' i uno nu pahampatean anu binau-Nyomo.

TO MIA-MIAN KOPIAN 11:27

Madi', kami madi' ko sala'nyo hi belemiu. Belemiu na anu ko sala'nyo kalan nontumbuhimo mae kami. Tumpu na anu momputusi palakala aiya sinaa uuka hi bansa Israel tiba bansa Amon.”

1 SAMUEL 14:6

Sahingga notataemo na i Yonatan hi olitau aijo', “Imbo' da olambanintomo mokiijo' i ponjaga'an nu aha mian Filistin anu daagi halipulu aijo'. Ihe na monsumbu' nu tulungi mae nu Tumpu na kita. Kalana Tumpu moko ala mombee'i mae ka untungan mahampate mau da'isan na mian maumo ola sangkiding na mian.”

1 SAMUEL 3:13

Pinoto'ing-Kumo hi aha tukoong-Ku aha salaigan saidi' mae Ku hukumje sampe toka sidu-sidutu' kalana to ana-anaknyo nongambangimo Aku. I Eli nonsumbu'mo dosa' nu aha haha aijo' panyo ia madi' montambuha'i aha.