2 TAWARIKH 2:7 - KITAB NU TUMPU ALLA LELE MA'IMAI'

⁷ Kalana, aijo' de timbali belento Tuan monsai mae hi kami samian anu pande mombotik ka' timbali montutuk mosoni', salaka, tambaga, besak ka' suele pande montonun hude mobilu', mingkamumu', ka' momea'. Ia mokalajaje hingga-hinggat tiba mian nu Yehuda ka' Yerusalem anu suele monsumbu' mombau apa-apaa aijo'mo aha anu pinile'anmo nu tuumangku i Daud.

2 TAWARIKH 2:7 ပူးပေါင်းရင်းမြစ်များ

1 TOMU-TOMUNDO' 10:11

To kapa-kapan nu Hiram anu nomboamo mae mosoni' lengkat mae i Ofir obee' hi Salomo, suele nomboamo mae batu nu mainan ka' kau' sondana.

YESAYA 28:26

Nu sumbu' mosia na mokalaja kalana ingajanmo nu Tumpunyo.

YESAYA 28:29

Kapandean aijo' nolengkat mae hi Tumpu Anu Daka' na Kuasanyo. Iwi-iwi' na anu tinanga'anmo nu Tumpu tinanga'anmo nu kapandean ka' saja' mingkaliangan.

YESAYA 60:10

Tumpu notatae hi Yerusalem, “Mian anu lengkat mae i salipu'an po'ule'je mombau pagan mesen nu beleyum ka' to tomu-tomundo' mombee'ije anu opalalui nu beleyum. Naipuan mae Aku nohukumo beleyum kalana Aku notambuha'mo panyo uuka aiya Aku sanangmo na mongkalibosi beleyum.

YEHEZKIEL 27:5

Binau pompimpi' beleyum te kau' aras i Bungkutnyo nu Hermon binau pelelan nu beleyum te kau' cemara nu Libanon.