2 TAWARIKH 2:6 - KITAB NU TUMPU ALLA LELE MA'IMAI'

⁶ Panyo sabenanyo madi' ko mian anu moko ala mombau Laigan nu Tumpu Allah, kalana songko-songko na langaa madi' sampa' na kodaka'nyo bau kajojoongan-Nyo. Jadi, Laigan nu Tumpu anu ku poko ala ku bau aijo', ola ugaat saimbanggan tampat pompapuan kamangian anu osombahkon hi Tumpu Allah!

2 TAWARIKH 2:6 ပူးပေါင်းရင်းမြစ်များ

2 SAMUEL 7:18

Lantas ninsoopmo na i Tomundo' Daud i uno nu kemah nu Tumpu. Ia sinumuhangmo ka' binala do'amo, “O, Tumpu Anu Matangkas na kakuasa'an aku tiba kami salaigan madi' pantas mohumpak anu ma'ima' iwi-iwi' apaa na anu pinotoamo nu belento Tumpu hi belengku, sumo uukamo na kinopinnyo.

1 TOMU-TOMUNDO' 7:13

I kota Tirus daagi' ko mo'ane samian, sanggonyo i Huram. Ia totu-totu'u pande hondo na mombau apa-apaa ka' manjoo' na anu nusumbu' mombau to paka-pakakas tambaga'. Tuumanyo anu sini-sinilakamo mian nu Tirus suele pande hondo na mombau to paka-pakakas tambaga'. Tinanyo nu aha mae tulunan nu bansa Naftali. I Tomundo' Salomo nompalentahmo mian da mamba mompoboa i Huram da toka mae mongkapalai pakalaja'an iwi-iwi' mombau pakakas tambaga'. Sahingga tinokamo mae na i Huram ka' nombaumo apaa na anu pinoto'imo i Salomo.

1 TOMU-TOMUNDO' 8:27

Panyo' O Tumpu Allah, pa' totu-totu'u ahi sanang na Belento jojoong i dunia aiya? Mau langit songko-songko madi' sampa' na ko ewanyo bau kajojoongan nu Belento apaa mule' ola laigan bau ponsomban anu binaungkumo aiya!

1 TAWARIKH 22:15

Manjoo' na mian anu mokalaja hi beleyum. Daagi' ko miana nu moko ala mokalaja i pongkekean batu daagi' ko tukang kau' tukang batu, ka' manjoo' hondo na tukang anu monsumbu' montutuk,

1 TAWARIKH 29:14

Aku ka' mianku aiya totu-totu'u madi' moko ala mombee'i apa-apaa hi belento, kalana iwi-iwi' na anu binee' nu Belento ka' apaa na anu obee' mami aiya, belento ahi' suele na tumpunyo.

2 TAWARIKH 1:10

Kalana aijo' bee'i mae na aku kapandean ka' ilimu' anu ku pake mompalentah aha. De madi' sumo aijo', mosia na aku timbali mompalentah mian anu pinalesayamo hi belento anu sumo aiya na konjoo'nyo.”

2 TAWARIKH 6:18

Panyo, o Tumpu Allah, pa' totu-totu'u ahi' na belento sanang na jojoong i dunia aiya hi kami manusia? Langit iwi-iwi' ma di' sukup na ko ewanyo bau kajojoongan nu Belento, ka' aiyaje laigan anu kuba-kubau aiya ponsomban belento tantu lebe madi' sukup!

NOSABATMO 3:11

Panyo i Musa notatae hi Tumpu Allah, “Ihe na aku aiya, sahingga moko ala mangadap hi tomundo ka' momboa mian nu aha Israel mosabat lengkat i Mesir?”

NOSABATMO 31:5

da mombau batu mainan anu opokopiani ima-ima' da momboti-botiki kau' ka' ngahanan nu pakalaja'an mongukin sangga'at.

YESAYA 66:1

Tumpu notatae, “Langit atina'mo na kajojoongan-Ku, ka' tano' katinjoan nu tengkeng-Ku. Jadi laigan anu mosia na anu nu bauakon hi beleng-Ku, ka' tampat iya mae na pombauan nu beleyum bau jojoongan-Ku?

YEREMIA 23:24

Madi' ko samian na moko ala momposuluk butongnyo da madi' Ku toa, kalana Aku daagi' iyaya mae na tampat: kiita' isuluga' ka' aiya idunia.

EFESUS 3:8

Iwi-iwi' na mian anu palesayamo hi Tumpu, akumo na anu talalo madi' ko angga'nyo. Panyo Tumpu nombee'imo aku balakat aiya: kalaja da mompolele hi to mia-mian anu misa' Yahudi Lele Ma'ima' mongkona kakaya'an i Kristus anu madi' ko kamingkotannyo;

PO'ULE' INGULIT 12:11

Lapas aijo' Tumpu Allah nu belemiu mompile'imo sa'angu' na tampat da tionyo ahi' ponsomban Ia. Ikiijo' na tionyo ahi' kalambanan nu belemiu momboa iwi-iwi' apaa na anu pinalentahkonmo, aijo'mo koloban anu opotunu ka' to kolo-koloban sangga'at, palasombahan sambagian anu o ala i anu sampulu' na bagian ka' palasombahan bau samata-mata bagi nu Tumpu anu jinanji'mo miu.

PO'ULE' INGULIT 12:14

panyo ola i tampat anu pinile'anmo nu Tumpu i da'erah nu sala'sa'angu' na tulunan nu bansa miu. Ola ikiijo' na belemiu tionyo ahi monsombahkon koloban anu opotunu ka' pombauan han sangga'at anu ku palentahkon hi belemiu.

PO'ULE' INGULIT 12:26

Iwi-iwi' na koloban ka' palasombahan anu jinanji'mo nu belemiu hi Tumpu, tionyo ahi' oboa nu belemiu i tampat anu pinile'anmo nu Tumpu.