2 TAWARIKH 2:4 - KITAB NU TUMPU ALLA LELE MA'IMAI'

⁴ Uuka aiya aku kahanda'mo mombau sa'angu' na laigan bau samata-mata ponsomban Tumpu salaku bau pongadati Tumpu Allah-ngku. I laigan aijo' aku ka' mian da'isan, anu ku palentah monsombah Tumpu opapuakon kamangian da manohong, ka' saja' monsombahkon roti anu o kaan hi Tumpu. I laigan aijo' mule' kami monsombahkon koloban anu opotunu daagi' subu ka' de malomo, de tokamo i Sinaa nu Sabat, de tokame i Sinaa molame'akon Bitu'on Bu'ou, ka' i sina-sinaa sangga'at anu samata-mata bau pongadati Tumpu Allah mami. Kalana, Ia nompalentahmo da han aijo' saja' obau sampe toka sidu-sidutu' nu mian Israel.

2 TAWARIKH 2:4 ပူးပေါင်းရင်းမြစ်များ

1 TOMU-TOMUNDO' 5:5

Tumpu nojanji'mo hi tuumangku, i Daud sumo uuka, 'Anak nu beleyum momo'ane na Ku hangkatje bau tomundo' mombolosakon beleyum, iaje na mompotinjo laigan bau ponsombaan mae Aku.' Kalana aijo' kita Tuan Hiram Anu talasanggo aku i Salomo nombaumo kaputusan da mompotinjomo laigan aijo'.

1 TOMU-TOMUNDO' 8:18

Panyo' pinoto'imo nu Tumpu hi ia, 'Tanga'an nu beleyum aijo' ma'ima'.

1 TOMU-TOMUNDO' 8:63

Kakona koloban anu bau pompodame, i Salomo nonsombahkonmo 22.000 na sapi' ka' 120.000 na domba. Sumo aijo' na i tomundo' ka' iwi-iwi' na mian da'isan nombau lamean nomposawe'i Laigan nu Tumpu.

1 TAWARIKH 22:5

Binaumo i Daud na iwi-iwi' aijo' kalana tinutugannyomo sumo uuka: “Aku tionyo ahi momposadiamo apaa na anu opalalui de mombaumo Laigan nu Tumpu. Kalana i Salomo anaku momo'ane daagi' olitau ka' ma'isa ko anu nu pisumbu-sumbu', padahan Laigan nu Tumpu anu obauje aijo' tionyo ahi' ma'ima' hondo ka' talasanggo i songko-songko na dunia.” Sahingga ma'isa pe'e sinilaka na ia, ia momposadiamo manjoo' hondo na talakonannyo anu kahanda' obau Laigan nu Tumpu aijo'.

2 TAWARIKH 13:11

Toka subu-subu ka' mama lomo, aha mompapuimo kamangian ka' monsombahkonmo koloban anu opotunu hi Tumpu ka' momposadiamo roti anu suele osombahkon. Salatan malomo nututungimo nu aha na sulu' haha aijo' i tengke nu sulu' anu mosoni' na binau. Kami tataap montuluti iwi-iwi' palentah nu Tumpu, panyo belemiu nohikumo Ia.

2 TAWARIKH 2:1

I Tomundo Salomo nompotantumo da mombaumo Laigan nu Tumpu ka' sa'angu' na laigan nu tomundo da bau kajojoongannyo.

NEHEMIA 10:33

Kami tionyo ahi' momposadia apa-apaa na anu opalalui de monsombahmo Tumpu kiijo' i Laigan nu Tumpu, aijo'mo: roti anu nasasakmo, palasombahan gandum sansinaa-toka sansinaa, binatang koloban anu opotunu sansinaa toka sansinaa, palasombahan anu susi' sangga'at, koloban anu bau pongampuni dosa' aha mian nu Israel, ka' sinin na anu opalalui opake i Laigan nu Tumpu.

MAZMUR 86:8

O, Tumpu, madi' ko tumpu sangga'at susumo Belento madi' ko anu moko ala mombau apa-apaa susumo anu binaumo nu belento.

MAZMUR 96:4

Kalana talasanggo hondo na Tumpu, ka' talalo hondo o puji', tionyo ahi' talalo okabuhuk molingkudui iwi-iwi' na pilogot.

NOSABATMO 25:30

Ka' meja' aijo' tionyo ahi' opo'una' i ahop nu Peti' Palajanjian, ka' i meja' aijo' tionyo ahi' saja' oposadia na roti anu osombahkon.”

NOSABATMO 30:7

Sansina-sinaa salatan subu-subumo de i Harun tokamo mae momposadia sulu', ia tionyo ahi' mompapui kamangian anu manohong i mezbah aijo'.

AMSAL 7:20

Ia nomboa manjoo' hondo na doi, ka' ia ma'isa mae minsusule' i uno nu ohua' na duminggu aiya.”