2 TAWARIKH 2:3 - KITAB NU TUMPU ALLA LELE MA'IMAI'

³ I Salomo nompotuunmo tanga'annyo aijo' hi Hiram tomundo nu aha Tirus, “De timbali da belento Tuan mompaha bada-badagang tiba aku susumo tiba i Daud tuumangku. Belento Tuan nompobalukmo hi ia kau' lontio' nu Libanon anu binaunyomo laigan nu tomundo kajojoongannyo.

2 TAWARIKH 2:3 ပူးပေါင်းရင်းမြစ်များ

2 SAMUEL 5:11

I Tomundo' Hiram anu kiijo' mae i Tirus nonsaimo mae mian namba hi Daud salaku utusan nu kalaja'annyo, ka' nomboamo kau'lontio' nu Libanon, tiba to tuka-tukang kau' ka' mule' to tuka-tukang mesen da mompotinjoakon laigan nu tomundo'.

1 TAWARIKH 14:1

I Tomundo' Hiram anu i lipu' Tirus nonsaimo mae mian hi Daud ka' mule' nomboamo kau' lontio' nu Libanon ka' to tuka-tukang kau' ka' to tuka-tukang batu, nombau laigan nu tomundo'.

2 TAWARIKH 13:11

Toka subu-subu ka' mama lomo, aha mompapuimo kamangian ka' monsombahkonmo koloban anu opotunu hi Tumpu ka' momposadiamo roti anu suele osombahkon. Salatan malomo nututungimo nu aha na sulu' haha aijo' i tengke nu sulu' anu mosoni' na binau. Kami tataap montuluti iwi-iwi' palentah nu Tumpu, panyo belemiu nohikumo Ia.

2 TAWARIKH 24:14

Salatan kalaja aijo' ningkotmo, mosoni' ka' salaka, labinyo binee'mo hi tomundo ka' hi Yoyada. Lantas mosoni' ka' salaka aijo' anu pinakemo binau to paka-pakakas anu bau kapentingan i Laigan nu Tumpu Allah, umpamanyo: to paka-pakakas anu opake de monsombahmo Tumpu, anu opake i koloban anu opotunu, to lea-lean pompapuan kamangian ka' to mangko-mangko'. Tempo'nyo i Imam Yoyada daagi' tutuu', koloban anu opotunu daagi' tataap osombahkon i Laigan nu Tumpu.

2 TAWARIKH 4:19

I Tomundo Salomo noki bau mule' pakakas sangga'at mosoni' anu madi' ko galo'nyo na binau anu opake i Laigan nu Tumpu. Aiya na pakakas anu binaumo aijo': Mezbah Meja' popotimpasan roti anu osombahkon Iwi-iwi' na tengke nu sulu' ka' tibamo sulu'nyo mosoni' anu jongkilaban hondo na tinutuk da otutungi i ahop nu Salipi' anu Talalo hondo Susi' susumo anu pinopikilakonmo. Pinombunga-bungai tiniho sumo bunga-bunga. Iwi-iwi' na sulu' Dadapit Pakakas bau pompobelesi' sumbu nu sulu' Iwi-iwi' na mangko' Iwi-iwi' na lean pompo'una'an kamangian Iwi-iwi' na lean pompotimpasan oba Iwi-iwi' na tumban pinsoopan mokiijo' i Laigan nu Tumpu ka' tumban nu Salipi' anu Talalo hondo Susi' ilapisan nu mosoni'.

2 TAWARIKH 8:13

Koloban haha aijo' sinombahkonnyomo susumo koonyo nu Atulan i Musa de tokamo i sinaa molamean: sinaa nu Sabat, sinaa molame'akon Bitu'on Bu'ou, ka' kototolu'nyomo lamean anu obau sataun toka sataun, aijo'mo sinaa nu lamean Roti Madi' ko Raginyo, sinaa nu lamean mongalamo isi nu ale', ka' sinaa nu lamean Tahop O'atopi nu Hon nu kau'.

EZRA 6:3

“I taun momona salatan i Tomundo Kores nompalentahmo, pinalentahkonnyomo da Laigan nu Tumpu kiijo' i Yerusalem po'ule'mo obau salaku tampat pomboan nu mian anu osombahkon ka' pompapuan koloban. Kotangkasnyo nu laigan aijo' tionyo ahi' 27 na meten ka' ko bolanyo suele 27 na meten.

NEHEMIA 10:34

Kami mian da'isan to ima-imam ka' mule' aha to mia-mian nu Lewi nombuangmo onde sataun toka sataun da osumbu' pa aha sa'anakan mae ihe na montoukai kau' anu oposun bau pompotunuan koloban palasombahan hi Tumpu Allah mami susumo koonyo nu Atulan nu Tumpu.

NOSABATMO 25:30

Ka' meja' aijo' tionyo ahi' opo'una' i ahop nu Peti' Palajanjian, ka' i meja' aijo' tionyo ahi' saja' oposadia na roti anu osombahkon.”

NOSABATMO 29:38

“Sansina-sinaa sampetoka sidu-sidutu' aijo' mezbah tionyo ahi' saja' okolobanakon ohua' na domba anu umunnyo sataunmo.

NOSABATMO 29:39

Sa'angu' osombahkon daagi' subu ka' sangga'at mule' osombahkon de mamalomo.

NOSABATMO 29:41

Anak nu domba anu osombahkon de mamalomo tionyo ahi' okolobanakon susumo anu okolobanakon daagi' subu, ogalo'i nu labu, lanya' nu zaitun ka' anggur. Hongohisnyo nu koloban anu opotunu aijo' momposanangmo kinyonyoang-Ku.

NOSABATMO 30:7

Sansina-sinaa salatan subu-subumo de i Harun tokamo mae momposadia sulu', ia tionyo ahi' mompapui kamangian anu manohong i mezbah aijo'.

IMAMAT 23:2

mosia na atulannyo molame'akon agama, anu tionyo obebakon salaku sinaa anu Olame'akon monsombah Tumpu.

IMAMAT 9:17

Lapas aijo' sinombahkonnyomo na koloban kaanon; ingalanyo sangkakup na labu, ka' pinotununyomo i mezbah. Aijo' bau pontuangi koloban anu opotunu sansina-sinaa.

NOMBILANGMO 28:11

Salatan montampu'unimo bitu'on mule' sa'angu' tionyo ahi' monsombahkonmo hi Tumpu koloban anu opotunu, ohua' na sapi' lakinyo anu daagi' bata'nyo, sa'angu' na domba lakinyo, popitu' na anak nu domba lakinyo anu umunnyo sataunmo, bubuu' anu madi' ko panyakitnyo.

NOMBILANGMO 28:9

I sinaa nu Sabat tionyo ahi' okolobanakon anak nu domba lakinyo ohua' anu umunnyo sataunmo anu madi' ko panyakitnyo, labu ohua' na kilogram ogalo'i nu lanya' nu zaitun bau koloban kaanon ka' koloban anggur.