2 TAWARIKH 2:16 - KITAB NU TUMPU ALLA LELE MA'IMAI'

¹⁶ Kami monta'mo kau' lontio i bungkutnyo nu Libanon, konjoo'nyo sumo anu nupalalui nu Belento Tuan, lantas obutu' mami sumo aki'an ka' oloyoakan mami montulu ambai sampe toka i Yope. Lengkat i kiijo' kitaje Tuan na mongato mamba i Yerusalem.”

2 TAWARIKH 2:16 ပူးပေါင်းရင်းမြစ်များ

1 TAWARIKH 22:2

I Tomundo' Daud nompoki posihukmo iwi-iwi' na mian anu i salipu'an mae anu jinojoongmo i lipu' Israel, lantas binee'annyomo kalaja na aha. Sambagian na aha mompa'at batu da bau Laigan nu Tumpu.

2 TAWARIKH 30:25

Aha mian da'isan nu Yehuda, to ima-imam, to mia-mian nu Lewi ka' to mia-mian anu tinokamo lengkat mae i sasu utara, tiba to mia-mian anu i salipu'an anu jinojoongmo i Israel ka' i Yehuda, iwi-iwi' nongoa'imo kasanangan.

2 TAWARIKH 8:7

Iwi-iwi' na lee' mae nu aha bansa Kana'an anu madi' pinoko ala pinatean ingko-ingkot nu mian Israel tempo'nya aha nonjojoongimo lipu' aijo' ingatunmo i Salomo mombau pakalajaa'an ka' opakisa. Aha mian nu Het, Amori, Feris, Hewi ka' Yebus. Sampe tempo' uuka aiya lee' mae nu aha daagi' saja' binau posaihon.

EZRA 3:7

Mian da'isan nombee'mo doi da bau pontamboi tukang anu mompa'at batu ka' tukang nu kau'. Aha suele nompakatumo anu okaan, anu o'inum, ka' lanya' nu zaitun binoa i kota' Tirus ka' kota' Sidon da pontolosi kau' lontio' Libanon i kota' haha aijo'. Kau' haha aijo' ingatomo binoa i Yafo montulu ambai. Iwi-iwi' aijo' kinalajamo nu mian da'isan, panyo i Kores ahi tomundo nu Persia na nompoloas.

YUNUS 1:3

Panyo i Yunus ola mule' ahi' namba itampat sangga'at da majo'on hi Tumpu. Ia namba i Yope ka' tempo'nyo aijo' nompaha kabotmo kapan anu kahanda' mamba i Spanyol. Salatan binayannyomo na ongkos nu kapan ia sinumake'mo i kapan aijo', lantas tinalabutmo namba hingga-hinggat tiba pangalaja nu kapan nambamo i Spanyol da majo'on hi Tumpu.

YOHANES 1:3

Iwi-iwi' na anu pinotimbali nolengkat mae hi Ia, ka' iwi-iwi' na anu daagi', madi' ko sa'angu' pe'e na anu pinotimbali de misa' Ia.

SISIKON NU TO RASUL-RASUL 10:32

Jadi saimo na mian mokiijo' i Yope molaga mian anu sanggonyo i Simon Petrus. Ia daagi' sinonsoo' i laigan nu samian anu topo ka'ut kilit sanggonyo i Simon; laigannyo aijo' i sonibi nu ambai.’

SISIKON NU TO RASUL-RASUL 9:36

Kiijo' i Yope daagi' ko samian na boune sanggonyo i Tabita. Ia samian anu palesaya hi Yesus. (Sanggonyo i uno nu basa' nu Yunani, i Dorkas alati'nyo jonga.) Ia ola ahi' saja' mombau hahan anu ma'ima' ka' montulungi to mia-mian kasiasi.

SISIKON NU TO RASUL-RASUL 9:38

Yope madi' sangkuka na kojo'onnyo lengkat i Lida. Jadi tempo'nyo anu saja' mombatuki Yesus kiijo' mae i Yope nohongomo i Petrus daagi' kiijo' i Lida, aha nonsai ua'aha namba hi Petrus ka' nompotuun sumo uuka, “Lia-lia' mae toka.”

SISIKON NU TO RASUL-RASUL 9:42

Lele mongkona anu tinimbali aijo' tinogilelemo nokiijo' i songko-songko na Yope, sahingga da'isan na mian anu pinalesayamo hi Yesus salaku Tomundo anu Momposalamat aha.

SISIKON NU TO RASUL-RASUL 9:43

I Petrus jinojoong i kiijo' daagi' tino pia-pian sinaa i laigan nu samian anu topo ka'ut kilit sanggonyo i Simon.

YOSUA 19:46

Me-Yarkon, Rakon ka' suele da'erah anu nusangkup nu Yope.

YOSUA 9:27

Panyo aha oppotimbalimo posaihon – bau pongala kau' ka' bau pongasu uee nu aha mian Israel ka' i mezbah nu Tumpu. Sampe tempo' uuka aha daagi' mombau kalaja susumo aijo' i tampat anu pinile'anmo nu Tumpu da bau tampat ponsomban Ia.