2 TAWARIKH 2:15 - KITAB NU TUMPU ALLA LELE MA'IMAI'

¹⁵ Kami montanda'imo anu opakatu mae na gandum ohua' na ngahannyo aijo', anggur ka' lanya' nu zaitun anu jinanji'mo nu Belento Tuan aijo'.

2 TAWARIKH 2:15 ပူးပေါင်းရင်းမြစ်များ

1 TOMU-TOMUNDO' 5:11

Ka' pombee'i mongkaan to mia-main anu mokalaja i laigan nu tomundo' Hiram aijo' toto sataun i Salomo mombee'imo i Hiram 322.500 na kilogram gandum, 4.400 na liter nu lanya' zaitun anu madi' ko galo'nyo.

2 TAWARIKH 2:10

Bau mantu nu to mia-mian nu Belento Tuan, ku pakatuje hi belento Tuan ohua' na ngahan nu gandum, toto sangahan 2.000 na ton, anggur konjoo'nyo 400.000 liter ka' lanya' nu zaitun 400.000 liter.”

2 TAWARIKH 2:16

Kami monta'mo kau' lontio i bungkutnyo nu Libanon, konjoo'nyo sumo anu nupalalui nu Belento Tuan, lantas obutu' mami sumo aki'an ka' oloyoakan mami montulu ambai sampe toka i Yope. Lengkat i kiijo' kitaje Tuan na mongato mamba i Yerusalem.”

EZRA 3:7

Mian da'isan nombee'mo doi da bau pontamboi tukang anu mompa'at batu ka' tukang nu kau'. Aha suele nompakatumo anu okaan, anu o'inum, ka' lanya' nu zaitun binoa i kota' Tirus ka' kota' Sidon da pontolosi kau' lontio' Libanon i kota' haha aijo'. Kau' haha aijo' ingatomo binoa i Yafo montulu ambai. Iwi-iwi' aijo' kinalajamo nu mian da'isan, panyo i Kores ahi tomundo nu Persia na nompoloas.

YESAYA 60:13

Katalasanggoan nu alas Libanon oboamo hi belemiu kau' berangan, kau' lonlio' ka' kau' eru oboamo Da bau pompo ima' Laigan-Ku, ka' ma'ima'an nu tampat katinjoan-Ku.

YUNUS 1:3

Panyo i Yunus ola mule' ahi' namba itampat sangga'at da majo'on hi Tumpu. Ia namba i Yope ka' tempo'nyo aijo' nompaha kabotmo kapan anu kahanda' mamba i Spanyol. Salatan binayannyomo na ongkos nu kapan ia sinumake'mo i kapan aijo', lantas tinalabutmo namba hingga-hinggat tiba pangalaja nu kapan nambamo i Spanyol da majo'on hi Tumpu.

YOSUA 19:46

Me-Yarkon, Rakon ka' suele da'erah anu nusangkup nu Yope.